ਆਖਰ ਮੋਦੀ ਨੇ ਕਿਉਂ ਮੰਗੀ ਅਮਰੀਕੀ ਸੀਨੇਟਰ ਤੋਂ ਮੁਆਫੀ, ਜਾਣੋ ਪੂਰਾ ਮਾਮਲਾ

ਅਮਰੀਕੀ ਸੀਨੇਟਰ ਜੌਨ ਕਾਰਨਿਨ ਐਤਵਾਰ ਨੂੰ ‘ਹਾਓਡੀ ਮੋਦੀ’ ਸਮਾਗਮ ‘ਚ ਹਿੱਸਾ ਲੈਣ ਆਏ। ਇਸ ਸਮਾਗਮ ‘ਚ ਹਿੱਸਾ ਲੈਣ ਕਾਰਨ ਉਹ ਆਪਣੀ ਪਤਨੀ ਦਾ ਜਨਮ ਦਿਨ ਤਕ ਨਹੀਂ ਮਨਾ ਸਕੇ। ਇਸ ਬਾਰੇ ਜਦੋਂ ਪ੍ਰਧਾਨ ਮੰਤਰੀ ਮੋਦੀ ਨੂੰ ਪਤਾ ਲੱਗਿਆ ਤਾਂ ਉਨ੍ਹਾਂ ਨੇ ਕਾਰਨਿਨ ਦੀ ਪਤਨੀ ਸੈਂਡੀ ਤੋਂ ਮੁਆਫੀ ਮੰਗੀ ਤੇ ਉਸ ਨੂੰ ਜਨਮ ਦਿਨ ਦੀ ਵਧਾਈ ਦਿੱਤੀ।

ਹਿਊਸਟਨ: ਅਮਰੀਕੀ ਸੀਨੇਟਰ ਜੌਨ ਕਾਰਨਿਨ ਐਤਵਾਰ ਨੂੰ ‘ਹਾਓਡੀ ਮੋਦੀ’ ਸਮਾਗਮ ‘ਚ ਹਿੱਸਾ ਲੈਣ ਆਏ। ਇਸ ਸਮਾਗਮ ‘ਚ ਹਿੱਸਾ ਲੈਣ ਕਾਰਨ ਉਹ ਆਪਣੀ ਪਤਨੀ ਦਾ ਜਨਮ ਦਿਨ ਤਕ ਨਹੀਂ ਮਨਾ ਸਕੇ। ਇਸ ਬਾਰੇ ਜਦੋਂ ਪ੍ਰਧਾਨ ਮੰਤਰੀ ਮੋਦੀ ਨੂੰ ਪਤਾ ਲੱਗਿਆ ਤਾਂ ਉਨ੍ਹਾਂ ਨੇ ਕਾਰਨਿਨ ਦੀ ਪਤਨੀ ਸੈਂਡੀ ਤੋਂ ਮੁਆਫੀ ਮੰਗੀ ਤੇ ਉਸ ਨੂੰ ਜਨਮ ਦਿਨ ਦੀ ਵਧਾਈ ਦਿੱਤੀ। ਪੀਐਮ ਮੋਦੀ ਨੇ ਕਿਹਾ, “ਮੈਂ ਤੁਹਾਡੇ ਤੋਂ ਮੁਆਫੀ ਮੰਗਦਾ ਹਾਂ ਕਿਉਂਕਿ ਅੱਜ ਤੁਹਾਡਾ ਜਨਮ ਦਿਨ ਹੈ ਤੇ ਤੁਹਾਡਾ ਜੀਵਨ ਸਾਥੀ ਮੇਰੇ ਨਾਲ ਹੈ। ਤੁਹਾਨੂੰ ਅੱਜ ਮੇਰੇ ਤੋਂ ਜਲਨ ਵੀ ਹੋ ਰਹੀ ਹੋਵੇਗੀ।” ਉਨ੍ਹਾਂ ਕਿਹਾ, “ਤੁਹਾਨੂੰ ਸ਼ੁਭਕਾਮਨਾਵਾਂ, ਮੈਂ ਤੁਹਾਡੇ ਸੁਖਦ ਜੀਵਨ ਤੇ ਬੇਹੱਦ ਸ਼ਾਤੀਪੂਰਨ ਭਵਿੱਖ ਦੀ ਕਾਮਨਾ ਕਰਦਾ ਹਾਂ।”

Here is what happened when PM @narendramodi met Senator @JohnCornyn. pic.twitter.com/O9S1j0l7f1

— PMO India (@PMOIndia) September 23, 2019

ਦੱਸ ਦਈਏ ਕਿ ਟੈਕਸਾਸ ਤੋਂ ਸੀਨੇਟਰ ਜਾਨ ਕਾਰਨਿਨ ਤੇ ਸੈਂਡੀ ਨੂੰ 40 ਸਾਲ ਹੋ ਗਏ ਹਨ ਤੇ ਉਨ੍ਹਾਂ ਦੀ ਦੋ ਧੀਆਂ ਹਨ। ਕਾਰਨਿਨ ਹਾਓਡੀ ਮੋਦੀ ‘ਚ ਸ਼ਿਰਕਤ ਕਰਨ ਵਾਲੇ ਪ੍ਰਮੁੱਖ ਰਿਪਬਲਿਕਨ ਤੇ ਡੇਮੋਕ੍ਰੈਟਿਕ ਸੰਸਦ ਮੈਂਬਰਾਂ ‘ਚ ਇੱਕ ਸੀ। ਇਸ ਸਮਾਗਮ ‘ਚ ਮੋਦੀ ਤੇ ਟਰੰਪ ਨੂੰ ਕਰੀਬ 50 ਹਜ਼ਾਰ ਤੋਂ ਜ਼ਿਆਦਾ ਭਾਰਤੀਆਂ ਨੂੰ ਸੰਬੋਧਨ ਕੀਤਾ ਸੀ।