ਨਵੀਂ ਦਿੱਲੀ: ਪਿਛਲੇ 50 ਸਾਲਾਂ ਦੌਰਾਨ ਦੁਨੀਆ ਭਰ ਦੇ ਪਿਛਲੇ 50 ਸਾਲਾਂ ਵਿੱਚ 'ਲਾਪਤਾ' ਹੋਈਆਂ 14 ਕਰੋੜ 26 ਲੱਖ ਔਰਤਾਂ 'ਚੋਂ ਚਾਰ ਕਰੋੜ 58 ਲੱਖ ਔਰਤਾਂ ਭਾਰਤ ਤੋਂ ਹਨ। ਸੰਯੁਕਤ ਰਾਸ਼ਟਰ ਨੇ ਇੱਕ ਰਿਪੋਰਟ ‘ਚ ਕਿਹਾ ਹੈ ਕਿ ਚੀਨ ਤੇ ਭਾਰਤ ਵਿੱਚ ਲਾਪਤਾ 'ਔਰਤਾਂ' ਸਭ ਤੋਂ ਜ਼ਿਆਦਾ ਹਨ।

ਮੰਗਲਵਾਰ ਨੂੰ ਜਾਰੀ ਯੂਐਨਐਫਪੀਏ ਦੀ ‘ਗਲੋਬਲ ਆਬਾਦੀ ਸਥਿਤੀ 2020’ ਦੀ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਪਿਛਲੇ 50 ਸਾਲਾਂ ਵਿੱਚ ਗੁੰਮ ਹੋਈਆਂ ਔਰਤਾਂ ਦੀ ਗਿਣਤੀ ਦੁੱਗਣੀ ਹੋ ਗਈ ਹੈ। ਇਹ ਗਿਣਤੀ 1970 ਵਿੱਚ 6 ਕਰੋੜ 10 ਲੱਖ ਸੀ ਤੇ 2020 ਵਿੱਚ ਵਧ ਕੇ 14 ਕਰੋੜ 26 ਲੱਖ ਹੋ ਗਈ ਹੈ।

ਰਿਪੋਰਟ ਮੁਤਾਬਕ, 2020 ਤੱਕ ਭਾਰਤ ਵਿੱਚ ਚਾਰ ਕਰੋੜ 58 ਲੱਖ ਔਰਤਾਂ ਤੇ ਸੱਤ ਕਰੋੜ 23 ਲੱਖ ਔਰਤਾਂ ਚੀਨ ਵਿੱਚ ਲਾਪਤਾ ਹੋ ਗਈਆਂ ਹਨ। ਰਿਪੋਰਟ ਵਿੱਚ ਜਣੇਪੇ ਜਾਂ ਜਨਮ ਤੋਂ ਬਾਅਦ ਦੇ ਲਿੰਗ ਨਿਰਧਾਰਨ ਦੇ ਸੰਪੂਰਨ ਪ੍ਰਭਾਵ ਕਾਰਨ ਗੁੰਮੀਆਂ ਕੁੜੀਆਂ ਨੂੰ ਵੀ ਸ਼ਾਮਲ ਕੀਤਾ ਗਿਆ। ਇਸ ਵਿੱਚ ਕਿਹਾ ਗਿਆ, “2013 ਤੇ 2017 ਦੇ ਵਿਚਾਲੇ ਭਾਰਤ ਵਿੱਚ ਤਕਰੀਬਨ ਚਾਰ ਲੱਖ 60 ਹਜ਼ਾਰ ਲੜਕੀਆਂ ਹਰ ਸਾਲ ਜਨਮ ਵੇਲੇ “ਲਾਪਤਾ” ਹੋ ਗਈਆਂ।

ਜਨਮ ਤੋਂ ਪਹਿਲਾਂ ਲਿੰਗ ਚੋਣ ਕਰਕੇ ਹੁੰਦੀਆਂ ਲਾਪਤਾ:

ਰਿਪੋਰਟ ਵਿਚ ਮਾਹਰਾਂ ਮੁਤਾਬਕ ਮੁਹੱਈਆ ਕਰਵਾਏ ਗਏ ਅੰਕੜਿਆਂ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਗਿਆ ਹੈ ਕਿ ਲਿੰਗ ਭੇਦ-ਭਾਵ ਕਰਕੇ ਵਿਸ਼ਵ ਭਰ ਵਿੱਚ ਹਰ ਸਾਲ ਲਿੰਗ ਚੋਣ ਗ਼ਾਇਬ ਹੋ ਰਹੀ ਹੈ। ਜਿਨ੍ਹਾਂ ਚੋਂ ਅੰਦਾਜ਼ਨ 12 ਲੱਖ ਤੋਂ 15 ਲੱਖ ਬੱਚਿਆਂ ਵਿੱਚੋਂ 90 ਤੋਂ 95 ਪ੍ਰਤੀਸ਼ਤ ਲੜਕੀਆਂ ਚੀਨ ਤੇ ਭਾਰਤ ਦੀਆਂ ਹਨ। ਇਸ ‘ਚ ਕਿਹਾ ਗਿਆ ਕਿ ਹਰ ਸਾਲ ਜਨਮ ਦੀ ਗਿਣਤੀ ਦੇ ਲਿਹਾਜ਼ ਨਾਲ ਇਹ ਦੋਵੇਂ ਦੇਸ਼ ਸਭ ਤੋਂ ਅੱਗੇ ਹਨ।

ਸਰਕਾਰਾਂ ਨੇ ਲਿੰਗ ਚੋਣ ਦੇ ਕਾਰਨਾਂ ਤੋਂ ਨਜਿੱਠਣ ਲਈ ਕਦਮ ਚੁੱਕੇ ਹਨ:

ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਸਰਕਾਰਾਂ ਨੇ ਲਿੰਗ ਚੋਣ ਦੇ ਮੂਲ ਕਾਰਨਾਂ ਨਾਲ ਨਜਿੱਠਣ ਲਈ ਕਦਮ ਚੁੱਕੇ ਹਨ। ਭਾਰਤ ਤੇ ਵੀਅਤਨਾਮ ਨੇ ਲੋਕਾਂ ਦੀ ਸੋਚ ਬਦਲਣ ਲਈ ਮੁਹਿੰਮਾਂ ਚਲਾਈਆਂ ਹਨ।

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/apps/details?id=com.winit.starnews.hin

https://apps.apple.com/in/app/abp-live-news/id811114904