ਇਟਲੀ ਦੇ ਮਰਹੂਮ ਸਾਬਕਾ ਪ੍ਰਧਾਨ ਮੰਤਰੀ ਨੇ ਆਪਣੀ 33 ਸਾਲਾਂ ਦੀ ਪ੍ਰੇਮਿਕਾ ਲਈ 905 ਕਰੋੜ ਰੁਪਏ ਦੀ ਜਾਇਦਾਦ ਛੱਡੀ ਹੈ। 17 ਸਾਲ ਤੱਕ ਇਟਲੀ ਦੇ ਪ੍ਰਧਾਨ ਮੰਤਰੀ ਰਹੇ ਸਿਲਵੀਓ ਬਰਲੁਸਕੋਨੀ ਦੀ ਇਸ ਸਾਲ 12 ਜੂਨ ਨੂੰ ਮੌਤ ਹੋ ਗਈ ਸੀ। ਉਨ੍ਹਾਂ ਦੀ ਉਮਰ 86 ਸਾਲ ਸੀ।
ਵਸੀਅਤ 'ਚ ਉਨ੍ਹਾਂ ਦੀ ਜਾਇਦਾਦ 6 ਅਰਬ ਯੂਰੋ ਯਾਨੀ 54 ਹਜ਼ਾਰ ਕਰੋੜ ਰੁਪਏ ਤੋਂ ਜ਼ਿਆਦਾ ਦੱਸੀ ਗਈ ਹੈ। ਸਿਲਵੀਓ ਬਰਲੁਸਕੋਨੀ ਦੀ ਪ੍ਰੇਮਿਕਾ ਦਾ ਨਾਂ ਫਸੀਨਾ ਦੱਸਿਆ ਜਾ ਰਿਹਾ ਹੈ। ਦੋਵਾਂ ਦਾ ਰਿਸ਼ਤਾ ਮਾਰਚ 2020 ਵਿੱਚ ਸ਼ੁਰੂ ਹੋਇਆ ਸੀ। ਹਾਲਾਂਕਿ ਉਨ੍ਹਾਂ ਦਾ ਕਦੇ ਵਿਆਹ ਨਹੀਂ ਹੋਇਆ ਸੀ, ਬਰਲੁਸਕੋਨੀ ਨੇ ਆਪਣੇ ਅੰਤਿਮ ਪਲਾਂ ਵਿੱਚ ਫਾਸੀਨਾ ਨਾਲ ਵਿਆਹ ਕਰਕੇ ਆਪਣੀ ਪਤਨੀ ਬਣਾਇਆ।
ਫਸੀਨਾ 2018 ਦੀਆਂ ਆਮ ਚੋਣਾਂ ਤੋਂ ਬਾਅਦ ਇਟਲੀ ਦੇ ਸੰਸਦ ਦੇ ਹੇਠਲੇ ਸਦਨ ਦੀ ਮੈਂਬਰ ਰਹੀ ਹੈ। ਉਹ ਫੋਰਜ਼ਾ ਇਟਾਲੀਆ ਪਾਰਟੀ ਦੀ ਮੈਂਬਰ ਹੈ, ਜਿਸਦੀ ਸਥਾਪਨਾ 1994 ਵਿੱਚ ਬਰਲੁਸਕੋਨੀ ਦੁਆਰਾ ਕੀਤੀ ਗਈ ਸੀ, ਜਦੋਂ ਉਸਨੇ ਪਹਿਲੀ ਵਾਰ ਰਾਜਨੀਤੀ ਵਿੱਚ ਪ੍ਰਵੇਸ਼ ਕੀਤਾ ਸੀ।
ਬਰਲੁਸਕੋਨੀ ਤੋਂ ਬਾਅਦ, ਉਸਦਾ ਕਾਰੋਬਾਰ ਮਾਰਿਕਾ ਅਤੇ ਪੀਅਰ ਸਿਲਵੀਓ ਦੁਆਰਾ ਸੰਭਾਲਿਆ ਜਾਵੇਗਾ, ਜੋ ਉਹਨਾਂ ਦੇ 5 ਬੱਚਿਆਂ ਵਿੱਚੋਂ ਸਭ ਤੋਂ ਵੱਡੇ ਹਨ। ਇਹ ਦੋਵੇਂ ਪਹਿਲਾਂ ਹੀ ਕਾਰੋਬਾਰ ਵਿੱਚ ਕਾਰਜਕਾਰੀ ਭੂਮਿਕਾਵਾਂ ਸੰਭਾਲ ਰਹੇ ਹਨ। ਪਰਿਵਾਰਕ ਕਾਰੋਬਾਰ ਵਿਚ ਉਸ ਦੀ ਹਿੱਸੇਦਾਰੀ 53 ਫੀਸਦੀ ਹੋਵੇਗੀ।
2011 ਵਿੱਚ ਕੁਰਸੀ ਖੁੱਸਣ ਤੋਂ ਬਾਅਦ ਬਰਲੁਸਕੋਨੀ ਦੇ ਸਿਤਾਰਿਆਂ ਵਿੱਚ ਗਿਰਾਵਟ ਆਈ ਸੀ। ਉਸ 'ਤੇ ਕਈ ਸੈਕਸ ਸਕੈਂਡਲ, ਭ੍ਰਿਸ਼ਟਾਚਾਰ ਅਤੇ ਟੈਕਸ ਧੋਖਾਧੜੀ ਦੇ ਦੋਸ਼ ਸਨ। ਇਸ ਦੇ ਬਾਵਜੂਦ ਬਰਲੁਸਕੋਨੀ ਨੇ ਪ੍ਰੈੱਸ ਕਾਨਫਰੰਸ 'ਚ ਕਿਹਾ, 'ਮੈਂ ਰਾਜਨੀਤੀ ਨੂੰ ਜਾਣਦਾ ਹਾਂ, ਕਿਉਂਕਿ ਇਕ ਮੀਡੀਆ ਟਾਈਕੂਨ ਵਜੋਂ ਮੈਂ ਸਿਆਸਤਦਾਨਾਂ ਨੂੰ ਬਹੁਤ ਨੇੜਿਓਂ ਸਮਝਿਆ ਹੈ।'
1936 ਵਿੱਚ ਜਨਮੇ, ਬਰਲੁਸਕੋਨੀ ਨੇ ਸ਼ੁਰੂ ਵਿੱਚ ਜ਼ਮੀਨ ਵੇਚਣ ਖਰੀਦਣ ਦਾ ਕੰਮ ਕੀਤ!। ਇਸ ਤੋਂ ਬਾਅਦ ਮੀਡੀਆਸੈੱਟ ਨਾਂ ਦੀ ਇੱਕ ਪ੍ਰਸਾਰਣ ਕੰਪਨੀ ਬਣਾਈ ਗਈ। 1986 ਤੋਂ 2017 ਤੱਕ ਏਸੀ ਮਿਲਾਨ ਵਰਗਾ ਬਿਲੀਅਨ ਡਾਲਰ ਫੁੱਟਬਾਲ ਕਲੱਬ ਉਸਦੀ ਕੰਪਨੀ ਦੁਆਰਾ ਚਲਾਇਆ ਗਿਆ ਸੀ। 1993 ਵਿੱਚ ਉਸਨੇ ਫੋਰਜ਼ਾ ਇਟਾਲੀਆ ਪਾਰਟੀ ਬਣਾਈ ਅਤੇ ਕੁਝ ਸਾਲਾਂ ਬਾਅਦ ਪ੍ਰਧਾਨ ਮੰਤਰੀ ਬਣ ਗਏ।
ਬਰਲੁਸਕੋਨੀ ਤਿੰਨ ਵਾਰ ਪ੍ਰਧਾਨ ਮੰਤਰੀ ਰਹੇ। ਜਦੋਂ ਉਹ 2001 ਤੋਂ 2006 ਤੱਕ ਪ੍ਰਧਾਨ ਮੰਤਰੀ ਰਹੇ ਤਾਂ ਉਨ੍ਹਾਂ ਨੇ ਇਟਲੀ ਦੇ ਵਿੱਤੀ ਖੇਤਰ ਨੂੰ ਯੂਰਪ ਵਿੱਚ ਸਭ ਤੋਂ ਸ਼ਕਤੀਸ਼ਾਲੀ ਬਣਾ ਦਿੱਤਾ। 2008 ਵਿੱਚ ਉਹ ਤੀਜੀ ਵਾਰ ਪ੍ਰਧਾਨ ਮੰਤਰੀ ਬਣੇ।