ਮਰੀਅਮ ਨਵਾਜ਼ ਨੇ ਦਿੱਤੀ ਭੁੱਖ ਹੜਤਾਲ 'ਤੇ ਜਾਣ ਦੀ ਧਮਕੀ, ਪਿਤਾ ਲਈ ਜੇਲ੍ਹ 'ਚ ਘਰ ਦੇ ਖਾਣੇ ਦੀ ਰੱਖੀ ਮੰਗ

ਜੇਲ੍ਹ 'ਚ ਬੰਦ ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ਼ ਦੀ ਬੇਟੀ ਮਰੀਅਮ ਨਵਾਜ਼ ਨੇ ਸੋਮਵਾਰ ਚੇਤਾਵਨੀ ਦਿੰਦਿਆਂ ਕਿਹਾ ਕਿ ਜੇਕਰ ਸਰਕਾਰ ਉਨ੍ਹਾਂ ਦੇ ਬਿਮਾਰ ਪਿਤਾ ਲਈ ਘਰ ਦਾ ਖਾਣਾ ਖਾਣ ਦੀ ਆਗਿਆ ਨਹੀਂ ਦਿੰਦੀ ਤਾਂ ਉਹ ਭੱਖ ਹੜਤਾਲ 'ਤੇ ਬੈਠੇਗੀ। ਮਰੀਅਮ ਨਵਾਜ਼ ਨੇ ਟਵੀਟ ਕਰਦਿਆਂ ਕਿਹਾ ਕਿ ਇਸ ਫ਼ਰਜ਼ੀ ਸਰਕਾਰ ਨੇ ਨਵਾਜ਼ ਸ਼ਰੀਫ ਲਈ ਘਰ ਦੇ ਬਣੇ ਖਾਣੇ 'ਤੇ ਰੋਕ ਲਾ ਰੱਖੀ ਹੈ।

ਇਸਲਾਮਾਬਾਦ: ਜੇਲ੍ਹ 'ਚ ਬੰਦ ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ਼ ਦੀ ਬੇਟੀ ਮਰੀਅਮ ਨਵਾਜ਼ ਨੇ ਸੋਮਵਾਰ ਚੇਤਾਵਨੀ ਦਿੰਦਿਆਂ ਕਿਹਾ ਕਿ ਜੇਕਰ ਸਰਕਾਰ ਉਨ੍ਹਾਂ ਦੇ ਬਿਮਾਰ ਪਿਤਾ ਲਈ ਘਰ ਦਾ ਖਾਣਾ ਖਾਣ ਦੀ ਆਗਿਆ ਨਹੀਂ ਦਿੰਦੀ ਤਾਂ ਉਹ ਭੱਖ ਹੜਤਾਲ 'ਤੇ ਬੈਠੇਗੀ। ਮਰੀਅਮ ਨਵਾਜ਼ ਨੇ ਟਵੀਟ ਕਰਦਿਆਂ ਕਿਹਾ ਕਿ ਇਸ ਫ਼ਰਜ਼ੀ ਸਰਕਾਰ ਨੇ ਨਵਾਜ਼ ਸ਼ਰੀਫ ਲਈ ਘਰ ਦੇ ਬਣੇ ਖਾਣੇ 'ਤੇ ਰੋਕ ਲਾ ਰੱਖੀ ਹੈ। ਉਨ੍ਹਾਂ ਦਾ ਖਾਣਾ ਲੈ ਕੇ ਗਏ ਕਰਮਚਾਰੀ ਘੱਟੋ ਘੱਟ 5 ਘੰਟੇ ਜੇਲ੍ਹ ਦੇ ਬਾਹਰ ਇੰਤਜ਼ਾਰ ਕਰ ਰਹੇ ਹਨ। ਪਾਕਿਸਤਾਨ ਮੁਸਲਿਮ ਲੀਗ ਨਵਾਜ਼ ਦੀ ਨੇਤਾ ਮਰੀਅਮ ਨਵਾਜ਼ ਨੇ ਕਿਹਾ ਕਿ ਮੀਆਂ ਸਾਹਬ ਨੇ ਜੇਲ੍ਹ ਦਾ ਖਾਣਾ ਖਾਣ ਤੋਂ ਇਨਕਾਰ ਕਰ ਦਿੱਤਾ। ਜੇਕਰ ਸਰਕਾਰ ਅਗਲੇ 24 ਘੰਟਿਆਂ 'ਚ ਉਨ੍ਹਾਂ ਦੇ ਪਿਤਾ ਲਈ ਘਰ ਦੇ ਬਣੇ ਖਾਣੇ ਦੀ ਇਜ਼ਾਜਤ ਨਹੀਂ ਦਿੰਦੀ ਤਾਂ ਉਹ ਅਦਲਾਤ ਵੱਲ ਰੁਖ ਕਰੇਗੀ। ਜੇਕਰ ਅਦਾਲਤ ਤੋਂ ਰਾਹਤ ਨਾ ਮਿਲੀ ਤਾਂ ਉਹ ਕੋਟ ਲਖਪਤ ਜੇਲ੍ਹ ਦੇ ਬਾਹਰ ਬੈਠੇਗੀ। ਇੱਥੋਂ ਤਕ ਕਿ ਉਸਨੂੰ ਭੁੱਖ ਹੜਤਾਲ 'ਤੇ ਜਾਣਾ ਪਿਆ ਤਾਂ ਉਹ ਜਾਵੇਗੀ। ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ ਸ਼ਰੀਫ ਅਲ ਅਜੀਜਿਆ ਸਟੀਲ ਮਿਲਸ ਭ੍ਰਿਸ਼ਟਾਚਾਰੀ ਮਾਮਲੇ 'ਚ ਸੱਤ ਸਾਲ ਦੀ ਸਜ਼ਾ ਕੱਟ ਰਹੇ ਨੇ ਇਸ ਵੇਲੇ ਉਹ ਕੋਟ ਲਖਪਤ ਜੇਲ੍ਹ ਚ ਬੰਦ ਹਨ।