ਯੂਕਰੇਨ (Ukraine) ਦੀ ਸਰਕਾਰ ਨੇ ਕਿਹਾ ਹੈ ਕਿ ਰੂਸੀ ਸੈਨਿਕਾਂ (Russia) ਨੇ ਮਾਰੀਉਪੋਲ ਸ਼ਹਿਰ (Mariupol City) ਵਿੱਚ ਇੱਕ ਮਸਜਿਦ ਨੂੰ ਨਿਸ਼ਾਨਾ ਬਣਾਇਆ ਹੈ, ਜਿਸ ਵਿੱਚ 80 ਤੋਂ ਵੱਧ ਲੋਕਾਂ ਨੇ ਪਨਾਹ ਲਈ ਹੋਈ ਸੀ। ਹਾਲਾਂਕਿ ਸਰਕਾਰ ਵਲੋਂ ਜਾਰੀ ਬਿਆਨ 'ਚ ਮਰਨ ਵਾਲਿਆਂ ਦੀ ਗਿਣਤੀ ਬਾਰੇ ਤੁਰੰਤ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।
ਇਸ ਤੋਂ ਪਹਿਲਾਂ ਤੁਰਕੀ ਵਿੱਚ ਯੂਕਰੇਨ ਦੇ ਦੂਤਾਵਾਸ ਨੇ ਦੱਸਿਆ ਕਿ ਮਾਰੀਉਪੋਲ ਵਿੱਚ ਫਸੇ 34 ਬੱਚਿਆਂ ਸਮੇਤ 86 ਤੁਰਕੀ ਨਾਗਰਿਕਾਂ ਦਾ ਇੱਕ ਸਮੂਹ ਰੂਸ ਦੁਆਰਾ ਜਾਰੀ ਹਮਲੇ ਦੌਰਾਨ ਬਚਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਦੂਤਾਵਾਸ ਦੇ ਬੁਲਾਰੇ ਨੇ ਮਾਰੀਉਪੋਲ ਦੇ ਮੇਅਰ ਦੇ ਹਵਾਲੇ ਨਾਲ ਇਹ ਜਾਣਕਾਰੀ ਸਾਂਝੀ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਮਾਰੀਉਪੋਲ ਵਿੱਚ ਕਿਸੇ ਨਾਲ ਸੰਪਰਕ ਕਰਨਾ ਮੁਸ਼ਕਲ ਹੁੰਦਾ ਜਾ ਰਿਹਾ ਹੈ। ਯੂਕਰੇਨ ਦਾ ਦੋਸ਼ ਹੈ ਕਿ ਰੂਸ ਮਾਰੀਉਪੋਲ ਵਿੱਚ ਫਸੇ ਲੋਕਾਂ ਨੂੰ ਸ਼ਹਿਰ ਛੱਡਣ ਦੀ ਇਜਾਜ਼ਤ ਨਹੀਂ ਦੇ ਰਿਹਾ ਹੈ। ਉਸ ਨੇ ਸ਼ਹਿਰ ਨੂੰ ਚਾਰੇ ਪਾਸਿਓਂ ਬੰਦ ਕਰ ਦਿੱਤਾ ਹੈ, ਜਿਸ ਕਾਰਨ ਹਜ਼ਾਰਾਂ ਲੋਕ ਉਥੇ ਫਸੇ ਹੋਏ ਹਨ।
ਦੂਜੇ ਪਾਸੇ ਰੂਸ ਨੇ ਦੋਸ਼ ਲਾਇਆ ਹੈ ਕਿ ਲੋਕਾਂ ਦੀ ਸੁਰੱਖਿਅਤ ਨਿਕਾਸੀ ਨਾ ਹੋਣ ਪਿੱਛੇ ਯੂਕਰੇਨ ਦੀ ਨਾਕਾਮੀ ਹੈ। ਯੂਕਰੇਨ ਦੇ ਵਿਦੇਸ਼ ਮੰਤਰਾਲੇ ਨੇ ਕਿਹਾ ਹੈ, "ਮਾਰੀਉਪੋਲ ਵਿੱਚ ਸੁਲਤਾਨ ਸੁਲੇਮਾਨ ਅਤੇ ਉਸਦੀ ਪਤਨੀ ਰੋਕਸੋਲਾਨਾ (ਹੁਰਮ ਸੁਲਤਾਨ) ਦੀ ਮਸਜਿਦ ਨੂੰ ਰੂਸੀ ਹਮਲਾਵਰਾਂ ਨੇ ਨਿਸ਼ਾਨਾ ਬਣਾਇਆ ਹੈ।"
ਦੂਜੇ ਪਾਸੇ ਰੂਸ ਨੇ ਦੋਸ਼ ਲਾਇਆ ਹੈ ਕਿ ਲੋਕਾਂ ਦੀ ਸੁਰੱਖਿਅਤ ਨਿਕਾਸੀ ਨਾ ਹੋਣ ਪਿੱਛੇ ਯੂਕਰੇਨ ਦੀ ਨਾਕਾਮੀ ਹੈ। ਯੂਕਰੇਨ ਦੇ ਵਿਦੇਸ਼ ਮੰਤਰਾਲੇ ਨੇ ਕਿਹਾ ਹੈ, "ਮਾਰੀਉਪੋਲ ਵਿੱਚ ਸੁਲਤਾਨ ਸੁਲੇਮਾਨ ਅਤੇ ਉਸਦੀ ਪਤਨੀ ਰੋਕਸੋਲਾਨਾ (ਹੁਰਮ ਸੁਲਤਾਨ) ਦੀ ਮਸਜਿਦ ਨੂੰ ਰੂਸੀ ਹਮਲਾਵਰਾਂ ਨੇ ਨਿਸ਼ਾਨਾ ਬਣਾਇਆ ਹੈ।"
ਗੋਲਾਬਾਰੀ ਤੋਂ ਬਚਣ ਲਈ ਛੁਪੇ ਸੀ ਲੋਕ
ਮੰਤਰਾਲੇ ਨੇ ਕਿਹਾ, "ਗੋਲੇਬਾਜ਼ੀ ਤੋਂ ਬਚਣ ਲਈ 80 ਤੋਂ ਵੱਧ ਬਾਲਗ ਅਤੇ ਬੱਚੇ ਮਸਜਿਦ ਵਿੱਚ ਲੁਕੇ ਹੋਏ ਸਨ। ਇਨ੍ਹਾਂ ਵਿੱਚ ਤੁਰਕੀ ਦੇ ਨਾਗਰਿਕ ਵੀ ਸ਼ਾਮਲ ਹਨ। ਰੂਸ ਜੋ ਵੀ ਕਰ ਰਿਹਾ ਹੈ, ਉਹ ਹਮਲੇ ਦਾ ਨਾਂ ਲਏ ਬਿਨਾਂ ਇਸ ਨੂੰ ਫੌਜੀ ਕਾਰਵਾਈ ਦੱਸ ਰਿਹਾ ਹੈ। ਉਸ ਦਾ ਕਹਿਣਾ ਹੈ ਕਿ ਉਹ ਸਿਰਫ਼ ਫ਼ੌਜੀ ਖੇਤਰਾਂ ਨੂੰ ਹੀ ਨਿਸ਼ਾਨਾ ਬਣਾ ਰਿਹਾ ਹੈ ਪਰ ਹਕੀਕਤ ਇਸ ਦੇ ਬਿਲਕੁਲ ਉਲਟ ਹੈ। ਰੂਸ ਨੇ ਉਨ੍ਹਾਂ ਇਲਾਕਿਆਂ 'ਤੇ ਵੀ ਹਮਲਾ ਕੀਤਾ ਹੈ, ਜਿੱਥੇ ਨਾਗਰਿਕ ਰਹਿੰਦੇ ਹਨ।