ਬੱਲੇਬਾਜ਼ਾਂ ਨੇ ਇੱਕ ਓਵਰ 'ਚ 43 ਰਨ ਜੜ ਤੋੜਿਆ ਵਿਸ਼ਵ ਰਿਕਾਰਡ, ਦੇਖੋ ਵੀਡੀਓ

ਚੰਡੀਗੜ੍ਹ: ਨਿਊਜ਼ੀਲੈਂਡ ਦੇ ਦੋ ਬੱਲੇਬਾਜ਼ਾਂ ਨੇ ਧੂੰਆਂਧਾਰ ਖੇਡ ਦਾ ਮੁਜ਼ਾਹਰਾ ਕਰਦਿਆਂ ਇੱਕ ਓਵਰ 'ਚ 43 ਦੌੜਾਂ ਹਾਸਲ ਕਰ ਕੇ ਨਵਾਂ ਵਿਸ਼ਵ ਰਿਕਾਰਡ ਸਿਰਜ ਦਿੱਤਾ ਹੈ। ਨੌਰਦਰਨ ਡਿਸਟ੍ਰਿਕਟਸ ਟੀਮ ਦੇ ਜੌਇ ਕਾਰਟਰ ਅਤੇ ਬ੍ਰੈਟ ਹੈਂਪਟਨ ਨੇ ਇਹ ਕਾਰਨਾਮਾ ਸੈਂਟਰਲ ਡਿਸਟ੍ਰਿਕਟਸ ਨਾਲ ਬੁੱਧਵਾਰ ਨੂੰ ਹੋਏ ਇੱਕ ਦਿਨਾ ਮੈਚ ਦੌਰਾਨ ਕੀਤਾ।

4, 6+nb, 6+nb, 6, 1, 6, 6, 6
43-run over ✔️
List A world record ✔️
Congratulations Joe Carter and Brett Hampton!#ndtogether #cricketnation pic.twitter.com/Kw1xgdP2Lg

— Northern Districts (@ndcricket) November 7, 2018

ਦੱਖਣੀ ਅਫ਼ਰੀਕਾ ਦੇ ਜਨਮੇ 21 ਸਾਲਾ ਵਿਲੀਅਮ ਲੁਡਿਕ ਨੇ ਮੈਚ ਦੇ ਆਖ਼ਰੀ ਓਵਰ ਦੌਰਾਨ ਗੇਂਦਬਾਜ਼ੀ ਸ਼ੁਰੂ ਕੀਤੀ ਤਾਂ ਉਸ ਨੂੰ 42 ਦੌੜਾਂ ਦੇ ਕੇ ਇੱਕ ਵਿਕਟ ਹਾਸਲ ਸੀ, ਪਰ ਓਵਰ ਦੀ ਸਮਾਪਤੀ ਤਕ ਉਹ 85 ਦੌੜਾਂ ਦੇ ਚੁੱਕਾ ਸੀ। ਆਖ਼ਰੀ ਓਵਰ ਦੀ ਪਹਿਲੀ ਗੇਂਦ 'ਤੇ ਚੌਕਾ, ਦੂਜੀ ਤੇ ਤੀਜੀ ਗੇਂਦ ਨੋ ਬੌਲ ਰਹੀ ਤੇ ਨਾਲ ਹੀ ਦੋ ਛੱਕੇ ਵੀ ਲੱਗੇ। ਚੌਥੀ ਗੇਂਦ 'ਤੇ ਫਿਰ ਛੱਕਾ ਲੱਗਾ। ਇਸ ਤੋਂ ਅਗਲੀ ਗੇਂਦ ਕੁਝ ਰਾਹਤ ਭਰੀ ਰਹੀ ਤੇ ਇੱਕ ਰਨ ਨਾਲ ਦੂਜਾ ਬੱਲੇਬਾਜ਼ ਵਿਕਟ 'ਤੇ ਡਟ ਗਿਆ।

The bowlers have completed the job our batting unit started, restricting ⁦@CentralStags⁩ to 288/9 from 50 to deliver a victory by 25 runs - our first #fordtrophy victory of the season! Well done guys! #ndtogether #cricketnation pic.twitter.com/fZ1U42OEFR

— Northern Districts (@ndcricket) November 7, 2018

ਇਸ ਤੋਂ ਬਾਅਦ ਓਵਰ ਦੀਆਂ ਬਚਦੀਆਂ ਤਿੰਨੋਂ ਗੇਂਦਾਂ 'ਤੇ ਤਿੰਨ ਛੱਕੇ ਲੱਗੇ। ਇਸ ਤਰ੍ਹਾਂ ਦੋਵਾਂ ਬੱਲੇਬਾਜ਼ਾਂ ਨੇ ਓਵਰ ਵਿੱਚ ਕੁੱਲ 43 ਦੌੜਾਂ ਹਾਸਲ ਕਰ ਕੇ 39 ਦੌੜਾਂ ਦਾ ਪਿਛਲਾ ਰਿਕਾਰਡ ਤੋੜ ਦਿੱਤਾ। ਇਸ ਦੇ ਨਾਲ ਹੀ ਨੌਰਦਰਨ ਡਿਸਟ੍ਰਿਕਟਸ ਨੇ ਇਹ ਮੈਚ 25 ਦੌੜਾਂ ਨਾਲ ਜਿੱਤ ਵੀ ਲਿਆ।