Pakistan-China Relation: ਪਾਕਿਸਤਾਨ ਵਿੱਚ ਗਧਿਆਂ ਦੀ ਗਿਣਤੀ ਤੇਜ਼ੀ ਨਾਲ ਵੱਧ ਰਹੀ ਹੈ। ਹਾਲ ਹੀ 'ਚ ਪਾਕਿਸਤਾਨ ਦੇ ਆਰਥਿਕ ਸਰਵੇਖਣ 'ਚ ਖੁਲਾਸਾ ਹੋਇਆ ਹੈ ਕਿ ਪਿਛਲੇ 1 ਸਾਲ 'ਚ ਗਧਿਆਂ ਦੀ ਗਿਣਤੀ 'ਚ 1 ਲੱਖ ਦਾ ਵਾਧਾ ਹੋਇਆ ਹੈ। ਇਸ ਤੋਂ ਬਾਅਦ ਗਧਿਆਂ ਦੀ ਗਿਣਤੀ 57 ਲੱਖ ਤੋਂ ਵਧ ਕੇ 58 ਲੱਖ ਹੋ ਗਈ ਹੈ।
ਹਾਲਾਂਕਿ ਗਧਿਆਂ ਦੀ ਵਧਦੀ ਆਬਾਦੀ ਦਾ ਮੁੱਖ ਕਾਰਨ ਚੀਨ ਨੂੰ ਦੱਸਿਆ ਜਾ ਰਿਹਾ ਹੈ ਕਿਉਂਕਿ ਇਸ ਤੋਂ ਪਹਿਲਾਂ ਚੀਨ ਨੇ ਪਾਕਿਸਤਾਨ ਨੂੰ ਗਧਿਆਂ ਦੀ ਸਪਲਾਈ ਕਰਨ ਲਈ ਕਿਹਾ ਸੀ। ਚੀਨ 'ਚ ਗਧਿਆਂ ਦੀ ਕਾਫੀ ਮੰਗ ਹੈ, ਜਿਸ ਕਾਰਨ ਚੀਨ ਨੇ ਕਈ ਮੌਕਿਆਂ 'ਤੇ ਪਾਕਿਸਤਾਨ ਨੂੰ ਗਧਿਆਂ ਦੀ ਸਪਲਾਈ ਵਧਾਉਣ ਲਈ ਕਿਹਾ ਹੈ।
ਗਧਿਆਂ ਦੀ ਚਮੜੀ ਤੋਂ ਕੱਢਿਆ ਜਾਂਦਾ ਹੈ ਜੈਲੇਟਿਨ
ਪਾਕਿਸਤਾਨੀ ਅਖਬਾਰ 'ਦ ਡਾਨ' ਦੀ ਰਿਪੋਰਟ ਮੁਤਾਬਕ ਚੀਨ ਲਗਾਤਾਰ ਦੂਜੇ ਦੇਸ਼ਾਂ ਤੋਂ ਕੁੱਤਿਆਂ ਅਤੇ ਗਧਿਆਂ ਦੀ ਦਰਾਮਦ ਕਰ ਰਿਹਾ ਹੈ। ਚੀਨ 'ਚ ਵਧਦੀ ਮੰਗ ਕਾਰਨ ਦੇਸ਼ ਦੀ ਸਰਕਾਰ ਪਸ਼ੂਆਂ ਦੀ ਮੰਗ ਕਰ ਰਹੀ ਹੈ। ਚੀਨ ਨੂੰ ਗਧਿਆ ਦੀ ਚਮੜੀ ਤੋਂ ਜੈਲੇਟਿਨ ਮਿਲਦਾ ਹੈ, ਜਿਸ ਦੀ ਵਰਤੋਂ ਰਵਾਇਤੀ ਚੀਨੀ ਦਵਾਈ ਬਣਾਉਣ ਲਈ ਕੀਤੀ ਜਾਂਦੀ ਹੈ। ਇਸ ਲਈ ਖੋਤਿਆਂ ਨੂੰ ਮਾਰਿਆ ਜਾਂਦਾ ਹੈ ਅਤੇ ਫਿਰ ਉਨ੍ਹਾਂ ਦੀ ਖੱਲ ਉਬਾਲ ਦਿੱਤੀ ਜਾਂਦੀ ਹੈ। 2019 ਵਿੱਚ ਗਾਰਡੀਅਨ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਜੈਲੇਟਿਨ ਇਮਿਊਨ ਸਿਸਟਮ ਨੂੰ ਮਜ਼ਬੂਤ ਕਰਨ ਵਿੱਚ ਮਦਦ ਕਰਦਾ ਹੈ।
ਪਾਕਿਸਤਾਨ ਸਰਕਾਰ ਨੇ 3000 ਏਕੜ ਜ਼ਮੀਨ ਲਈ
ਜੀਓ ਨਿਊਜ਼ ਮੁਤਬਕ, ਪਾਕਿਸਤਾਨ ਦੇ ਵਣਜ ਮੰਤਰਾਲੇ ਅਤੇ ਸੈਨੇਟ ਦੀ ਸਥਾਈ ਕਮੇਟੀ ਦੇ ਅਧਿਕਾਰੀਆਂ ਵਿਚਕਾਰ 2022 ਵਿੱਚ ਦਰਾਮਦ ਅਤੇ ਨਿਰਯਾਤ 'ਤੇ ਇੱਕ ਬ੍ਰੀਫਿੰਗ ਹੋਈ। ਇਸ ਬ੍ਰੀਫਿੰਗ ਦੌਰਾਨ ਮੰਤਰਾਲੇ ਦੇ ਇੱਕ ਮੈਂਬਰ ਦਿਨੇਸ਼ ਕੁਮਾਰ ਨੇ ਦੱਸਿਆ ਕਿ ਚੀਨ ਨੇ ਪਾਕਿਸਤਾਨ ਤੋਂ ਗਧੇ ਅਤੇ ਕੁੱਤਿਆਂ ਦੀ ਦਰਾਮਦ ਕਰਨ ਵਿੱਚ ਦਿਲਚਸਪੀ ਦਿਖਾਈ ਹੈ। ਇਸ ਦੇ ਲਈ ਦੇਸ਼ ਦੀ ਸਰਕਾਰ ਨੇ ਪੰਜਾਬ ਸੂਬੇ ਦੇ ਓਕਾਰਾ ਜ਼ਿਲੇ ਵਿਚ 3000 ਏਕੜ ਤੋਂ ਵੱਧ ਜ਼ਮੀਨ ਲੈ ਲਈ ਅਤੇ ਉਥੇ ਗਧਿਆਂ ਨੂੰ ਪਾਲਿਆ ਗਿਆ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।