ਪੜਚੋਲ ਕਰੋ
Advertisement
ਰੂਸ ਨੇ ਅਮਰੀਕਾ ਦੇ 60 ਡਿਪਲੋਮੈਟ ਕੱਢ ਮਾਰੇ
ਮਾਸਕੋ: ਰੂਸ ਤੇ ਅਮਰੀਕਾ ਵਿਚਾਲੇ ਤਣਾਅ ਵਧਦਾ ਜਾ ਰਿਹਾ ਹੈ। ਰੂਸ ਨੇ ਵੀਰਵਾਰ ਨੂੰ ਵੱਡੀ ਕਾਰਵਾਈ ਕਰਦੇ ਹੋਏ ਦੇਸ਼ ਵਿੱਚੋਂ ਅਮਰੀਕਾ ਦੇ 60 ਡਿਪਲੋਮੈਟ ਕੱਢ ਦਿੱਤੇ ਹਨ। ਰੂਸ ਦੀ ਇਸ ਕਾਰਵਾਈ ਨਾਲ ਪੱਛਮੀ ਦੇਸ਼ਾਂ ਵਿਚਾਲੇ ਤਣਾਅ ਵਧਣ ਦੇ ਆਸਾਰ ਬਣ ਗਏ ਹਨ। ਅਮਰੀਕਾ ਨੇ ਕਿਹਾ ਹੈ ਕਿ ਰੂਸ ਦੀ ਇਸ ਕਾਰਵਾਈ ਨਾਲ ਦੋਵਾਂ ਦੇਸ਼ਾਂ ਦੇ ਸਬੰਧ ਹੋਰ ਖਰਾਬ ਹੋ ਜਾਣਗੇ।
ਦਰਅਸਲ ਇੰਗਲੈਂਡ ਵਿੱਚ ਰੂਸੀ ਜਾਸੂਸ ਸਰਗੇਈ ਕਰੀਪਾਲ ਨੂੰ ਬੀਤੀ 4 ਮਾਰਚ ਨੂੰ ਜ਼ਹਿਰ ਦੇ ਕੇ ਮਾਰ ਦਿੱਤਾ ਗਿਆ ਸੀ। ਸਰਗੇਈ ਉਤੇ ਡਬਲ ਏਜੰਟ ਹੋਣ ਭਾਵ ਦੋਵੇਂ ਪਾਸੀਂ ਜਾਸੂਸੀ ਕਰਨ ਦਾ ਸ਼ੱਕ ਸੀ ਤੇ ਬਰਤਾਨੀਆ ਨੇ ਉਸ ਦੇ ਕਤਲ ਲਈ ਰੂਸ ਨੂੰ ਦੋਸ਼ੀ ਠਹਿਰਾਇਆ ਸੀ।
ਇਸ ਕਾਰਨ ਤਣਾਅ ਵਾਲੀ ਸਥਿਤੀ ਬਣ ਗਈ। ਇਸ ਮਗਰੋਂ ਯੂਰਪੀ ਯੂਨੀਅਨ ਦੇ ਮੈਂਬਰ ਮੁਲਕਾਂ ਨੇ ਸਾਂਝੇ ਫ਼ੈਸਲੇ ਤਹਿਤ ਰੂਸ ਦੇ ਵੱਡੇ ਗਿਣਤੀ ਡਿਪਲੋਮੈਟ ਕੱਢ ਦਿੱਤੇ ਸੀ। ਅਮਰੀਕਾ ਨੇ ਵੀ ਪਿਛਲੇ ਦਿਨੀਂ ਰੂਸ ਦੇ 60 ਡਿਪਲੋਮੈਟ ਕੱਢੇ ਸੀ।
ਇਸ ਮਗਰੋਂ ਤਣਾਅ ਵਧਦਾ ਜਾ ਰਿਹਾ ਹੈ। ਪਹਿਲਾਂ ਰੂਸ ਦੇ ਵਿਦੇਸ਼ ਮੰਤਰੀ ਸਰਗੇਈ ਲਾਵਰੋਵ ਨੇ ਕਿਹਾ ਸੀ ਕਿ ਅਮਰੀਕਾ ਵੱਲੋਂ ਰੂਸ ਦੇ ਡਿਪਲੋਮੈਟਾਂ ਨੂੰ ਕੱਢੇ ਜਾਣ ਖਿਲਾਫ਼ ਬਦਲੇ ਦੀ ਕਾਰਵਾਈ ਕੀਤੀ ਜਾਵੇਗੀ।
ਇਨ੍ਹਾਂ ਡਿਪਲੋਮੈਟਾਂ ਨੂੰ 5 ਅਪਰੈਲ ਤੱਕ ਰੂਸ ਵਿੱਚੋਂ ਚਲੇ ਜਾਣ ਦਾ ਹੁਕਮ ਦਿੱਤਾ ਗਿਆ ਹੈ। ਇਨ੍ਹਾਂ ਵਿੱਚੋਂ 58 ਸਫ਼ੀਰ ਮਾਸਕੋ ਸਥਿਤ ਅਮਰੀਕੀ ਸਫ਼ਾਰਤਖ਼ਾਨੇ ਵਿੱਚ ਤੇ ਦੋ ਯੇਕਾਤਰੀਨਬਰਗ ਸਥਿਤ ਕੌਂਸਲਖ਼ਾਨੇ ਵਿੱਚ ਤਾਇਨਾਤ ਸਨ।
Follow Breaking News on abp LIVE for more latest stories and trending topics. Watch breaking news and top headlines online on abp sanjha LIVE TV
ਹੋਰ ਵੇਖੋ
Advertisement
Advertisement
Advertisement
ਟਾਪ ਹੈਡਲਾਈਨ
ਵਿਸ਼ਵ
ਦੇਸ਼
ਸਿਹਤ
ਸਿਹਤ
Advertisement