ਹਥਿਆਰਬੰਦ ਰੂਸੀ ਫੌਜੀ ਨਾਲ ਭਿੜੀ ਯੂਕਰੇਨੀ ਔਰਤ, ਕਿਹਾ- ਸਾਡੀ ਜ਼ਮੀਨ 'ਤੇ ਕੀ ਕਰ ਰਹੇ ਹੋ?
Russia - Ukraine Crisis : ਯੂਕਰੇਨ ਦੀ ਇਕ ਔਰਤ ਰੂਸੀ ਫੌਜੀ ਨਾਲ ਲੜਦੀ ਨਜ਼ਰ ਆ ਰਹੀ ਹੈ। ਖਾਸ ਗੱਲ ਇਹ ਹੈ ਕਿ ਔਰਤ ਬਿਨਾਂ ਕਿਸੇ ਹਥਿਆਰ ਦੇ ਇੱਕ ਹਥਿਆਰਬੰਦ ਰੂਸੀ ਫੌਜੀ ਨਾਲ ਟਕਰਾ ਗਈ। ਔਰਤ ਰੂਸੀ ਸਿਪਾਹੀ ਨੂੰ ਕਹਿੰਦੀ ਹੈ
Russia Ukraine war updates : ਰੂਸ ਤੇ ਯੂਕਰੇਨ ਵਿਚਾਲੇ ਜੰਗ ਜਾਰੀ ਹੈ। ਚਾਰ ਦਿਨਾਂ ਤੋਂ ਦੋਵਾਂ ਦੇਸ਼ਾਂ ਦੀਆਂ ਫ਼ੌਜਾਂ ਆਪਸ ਵਿੱਚ ਲੜ ਰਹੀਆਂ ਹਨ। ਅਜਿਹੇ 'ਚ ਹਮਲੇ ਤੋਂ ਲੈ ਕੇ ਤਬਾਹੀ ਤੱਕ ਦੇ ਕਈ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੇ ਹਨ। ਇਸ ਦੌਰਾਨ ਯੂਕਰੇਨ ਦੀ ਇੱਕ ਔਰਤ ਦੀ ਇੱਕ ਵੀਡੀਓ ਨੇ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ।
ਵੀਡੀਓ 'ਚ ਯੂਕਰੇਨ ਦੀ ਇਕ ਔਰਤ ਰੂਸੀ ਫੌਜੀ ਨਾਲ ਲੜਦੀ ਨਜ਼ਰ ਆ ਰਹੀ ਹੈ। ਖਾਸ ਗੱਲ ਇਹ ਹੈ ਕਿ ਔਰਤ ਬਿਨਾਂ ਕਿਸੇ ਹਥਿਆਰ ਦੇ ਇੱਕ ਹਥਿਆਰਬੰਦ ਰੂਸੀ ਫੌਜੀ ਨਾਲ ਟਕਰਾ ਗਈ। ਔਰਤ ਰੂਸੀ ਸਿਪਾਹੀ ਨੂੰ ਕਹਿੰਦੀ ਹੈ, 'ਤੁਸੀਂ ਸਾਡੀ ਜ਼ਮੀਨ 'ਤੇ ਕੀ ਕਰ ਰਹੇ ਹੋ?'
ਇੱਥੇ ਪੂਰੀ ਵੀਡੀਓ ਦੇਖੋ:
Ukrainian woman confronts Russian soldiers in Henychesk, Kherson region. Asks them why they came to our land and urges to put sunflower seeds in their pockets [so that flowers would grow when they die on the Ukrainian land] pic.twitter.com/ztTx2qK7kB
— UkraineWorld (@ukraine_world) February 24, 2022
ਸੋਸ਼ਲ ਮੀਡੀਆ 'ਤੇ ਵੀਡੀਓ ਅਪਲੋਡ ਹੋਣ ਤੋਂ ਬਾਅਦ ਇਹ ਵੀਡੀਓ ਵਾਇਰਲ ਹੋ ਗਿਆ ਹੈ। ਲੋਕ ਵੱਖ-ਵੱਖ ਨਜ਼ਰੀਏ ਤੋਂ ਵੀਡੀਓ ਦੇਖ ਰਹੇ ਹਨ ਅਤੇ ਸ਼ੇਅਰ ਕਰ ਰਹੇ ਹਨ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਇਕ ਔਰਤ ਪਿੱਛਿਓਂ ਆਉਂਦੀ ਹੈ ਅਤੇ ਹਥਿਆਰ ਲੈ ਕੇ ਖੜ੍ਹੇ ਫੌਜੀ ਨਾਲ ਬਹਿਸ ਕਰਨ ਲੱਗਦੀ ਹੈ। ਔਰਤ ਬਿਨਾਂ ਕਿਸੇ ਡਰ ਦੇ, ਹਥਿਆਰਬੰਦ ਸਿਪਾਹੀ ਦੀਆਂ ਅੱਖਾਂ ਵਿੱਚ ਦੇਖ ਸਵਾਲਾਂ ਦੇ ਜਵਾਬ ਪੁੱਛਦੀ ਹੈ।
ਜਾਣਕਾਰੀ ਮੁਤਾਬਕ ਵੀਡੀਓ 'ਚ ਔਰਤ ਰੂਸੀ ਫੌਜੀ ਨੂੰ ਕਹਿੰਦੀ ਹੈ-'ਤੁਸੀਂ ਲੋਕ ਸਾਡੀ ਜ਼ਮੀਨ 'ਤੇ ਕੀ ਕਰ ਰਹੇ ਹੋ?' ਉਸੇ ਸਮੇਂ, ਰੂਸੀ ਫੌਜੀ ਨਾਲ ਬਹਿਸ ਕਰਦੇ ਹੋਏ, ਔਰਤ ਨੇ ਸੂਰਜਮੁਖੀ ਦੇ ਬੀਜ ਜੇਬ ਵਿਚ ਰੱਖਣ ਲਈ ਕਿਹਾ। ਔਰਤ ਅਜਿਹਾ ਇਸ ਲਈ ਕਹਿੰਦੀ ਹੈ ਕਿਉਂਕਿ ਜਦੋਂ ਉਹ ਯੂਕਰੇਨ ਦੀ ਧਰਤੀ 'ਤੇ ਮਰਨ ਤਾਂ ਉਥੇ ਫੁੱਲ ਉਗ ਜਾਣ।
ਦੱਸ ਦੇਈਏ ਕਿ ਇਸ ਵੀਡੀਓ ਨੂੰ ਟਵਿਟਰ 'ਤੇ ਸ਼ੇਅਰ ਕੀਤਾ ਗਿਆ ਹੈ। ਵੀਡੀਓ ਦੇ ਸ਼ੇਅਰ ਹੋਣ ਤੋਂ ਬਾਅਦ ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਯੂਕਰੇਨੀ ਮਹਿਲਾ ਦੇ ਹੌਂਸਲੇ ਦੀ ਤਾਰੀਫ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। ਹੁਣ ਤੱਕ ਇਸ ਵੀਡੀਓ ਨੂੰ 8 ਲੱਖ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ। ਨਾਲ ਹੀ, ਵੀਡੀਓ ਨੂੰ 1 ਲੱਖ 97 ਹਜ਼ਾਰ ਤੋਂ ਵੱਧ ਲੋਕਾਂ ਨੇ ਪਸੰਦ ਕੀਤਾ ਹੈ। ਕਮੈਂਟ ਸੈਕਸ਼ਨ 'ਚ ਲੋਕ ਔਰਤ ਦੀ ਹਿੰਮਤ ਦੀ ਤਾਰੀਫ ਕਰਦੇ ਨਹੀਂ ਥੱਕ ਰਹੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
