ਭਾਰਤ ਤੋਂ ਕੈਨੇਡਾ ਲਈ ਉਡਾਣ ਭਰਨ ਤੋਂ ਪਹਿਲਾਂ ਇਹ ਜ਼ਰੂਰ ਪੜ੍ਹੋ…
ਭਾਰਤ ਤੋਂ ਕੈਨੇਡਾ ਲਈ ਏਅਰ ਇੰਡੀਆ ਤੋਂ ਇਲਾਵਾ ਏਅਰ ਕੈਨੇਡਾ, ਏਮੀਰੇਟਸ ਜਿਹੀਆਂ ਏਅਰਲਾਈਨਜ਼ ਦੀਆਂ ਸਿੱਧੀਆਂ ਹਵਾਈ ਸੇਵਾਵਾਂ ਹਨ। ਆਓ ਤੁਹਾਨੂੰ ਦੱਸੀਏ ਕਿ ਕੈਨੇਡਾ ਜਾਣ ਲਈ ਤੁਹਾਨੂੰ ਕਿਹੜੀਆਂ-ਕਿਹੜੀਆਂ ਗੱਲਾਂ ਦਾ ਖ਼ਿਆਲ ਰੱਖਣਾ ਹੋਵੇਗਾ।
ਮਹਿਤਾਬ-ਉਦ-ਦੀਨ
ਚੰਡੀਗੜ੍ਹ: ਕੈਨੇਡਾ ਸਰਕਾਰ ਨੇ ਭਾਰਤ ਤੋਂ ਆਉਣ ਵਾਲੀਆਂ ਸਿੱਧੀਆਂ ਉਡਾਣਾਂ 21 ਜੁਲਾਈ, 2021 ਤੱਕ ਮੁਲਤਵੀ ਕੀਤੀਆਂ ਹੋਈਆਂ ਹਨ। ਪਹਿਲਾਂ ਇਹ ਪਾਬੰਦੀ ਸਿਰਫ਼ 22 ਅਪ੍ਰੈਲ ਤੱਕ ਲਾਈ ਗਈ ਸੀ ਪਰ ਬਾਅਦ ’ਚ ਜਿਵੇਂ-ਜਿਵੇਂ ਕੋਰੋਨਾਵਾਇਰਸ ਮਹਾਮਾਰੀ ਦੀ ਦੂਜੀ ਲਹਿਰ ਜ਼ੋਰ ਫੜਦੀ ਗਈ, ਤਿਵੇਂ-ਤਿਵੇਂ ਕੈਨੇਡਾ ਸਰਕਾਰ ਭਾਰਤ ਤੋਂ ਆਉਣ ਵਾਲੀਆਂ ਉਡਾਣਾਂ ਤੇ ਯਾਤਰੀਆਂ ਉੱਤੇ ਪਾਬੰਦੀਆਂ ਦੀ ਮਿਆਦ ਅੱਗੇ ਵਧਾਉਂਦੀ ਚਲੀ ਗਈ।
ਭਾਰਤ ਤੋਂ ਕੈਨੇਡਾ ਲਈ ਏਅਰ ਇੰਡੀਆ ਤੋਂ ਇਲਾਵਾ ਏਅਰ ਕੈਨੇਡਾ, ਏਮੀਰੇਟਸ ਜਿਹੀਆਂ ਏਅਰਲਾਈਨਜ਼ ਦੀਆਂ ਸਿੱਧੀਆਂ ਹਵਾਈ ਸੇਵਾਵਾਂ ਹਨ। ਆਓ ਤੁਹਾਨੂੰ ਦੱਸੀਏ ਕਿ ਕੈਨੇਡਾ ਜਾਣ ਲਈ ਤੁਹਾਨੂੰ ਕਿਹੜੀਆਂ-ਕਿਹੜੀਆਂ ਗੱਲਾਂ ਦਾ ਖ਼ਿਆਲ ਰੱਖਣਾ ਹੋਵੇਗਾ।
ਭਾਰਤ ਤੋਂ ਕੈਨੇਡਾ ਰਵਾਨਗੀ ਤੋਂ ਪਹਿਲਾਂ ਇਹ ਜ਼ਰੂਰ ਕਰੋ
· ਪਹਿਲਾਂ Arrive CAN ਮੋਬਾਈਲ ਐਪ ਡਾਊਨਲੋਡ ਕਰ ਲਵੋ, ਜੋ iOS ਤੇ ਐਂਡ੍ਰਾਇਡ (Android) ਦੋਵੇਂ ਤਰ੍ਹਾਂ ਦੇ ਫ਼ੋਨਾਂ ਲਈ ਉਪਲਬਧ ਹੈ। ਫ਼ਲਾਈਟ ਉੱਤੇ ਸਵਾਰ ਹੋਣ ਤੋਂ ਪਹਿਲਾਂ ਇਸ ਐਪ ਨੂੰ ਸਾਈਨ-ਇਨ ਕਰਨ ਲਈ ਔਨਲਾਈਨ ਸਾਰੀ ਜਾਣਕਾਰੀ ਭਰੋ।
· ਫ਼ਲਾਈਟ ’ਚ ਬੈਠਣ ਤੋਂ ਪਹਿਲਾਂ ਨੌਨ-ਮੈਡੀਕਲ ਮਾਸਕ ਜਾਂ ਚਿਹਰਾ ਢਕਣ ਲਈ ਕੱਪੜੇ ਦੀ ਵਰਤੋਂ ਕਰੋ।
· ਫਿਰ ਹੈਲਥ-ਚੈੱਕ ਪ੍ਰਸ਼ਨਾਵਲੀ ’ਚ ਪੁੱਛੇ ਸੁਆਲਾਂ ਦੇ ਜੁਆਬ ਭਰੋ। ਜੇ ਤੁਸੀਂ ਇੱਥੇ ਕੋਈ ਗ਼ਲਤ ਜਾਣਕਾਰੀ ਦੇਵੋਗੇ, ਤਾਂ ਤੁਹਾਨੂੱ 5,000 ਕੈਨੇਡੀਅਨ ਡਾਲਰ ਤੱਕ ਦਾ ਜੁਰਮਾਨਾ ਕੀਤਾ ਜਾ ਸਕੇਗਾ।
· ਤੁਹਾਨੂੰ ਆਪਣੀ ਕੁਆਰੰਟੀਨ ਯੋਜਨਾ ਵੀ ਦਰਸਾਉਣੀ ਹੋਵੇ ਕਿ ਤੁਸੀਂ ਕੈਨੇਡਾ ਪੁੱਜਣ ਦੇ ਪਹਿਲੇ 14 ਦਿਨ ਕੁਆਰੰਟੀਨ ਵਿੱਚ ਕਿਵੇਂ ਰਹੋਗੇ। ਇਹ ਯੋਜਨਾ ਕਾਨੂੰਨੀ ਤੌਰ ਉੱਤੇ ਲਾਜ਼ਮੀ ਹੈ। ਹੋਰ ਵੇਰਵਿਆਂ ਲਈ ਇੱਥੇ ਕਲਿੱਕ ਕਰੋ।
· ਕੈਨੇਡਾ ਪੁੱਜਣ ਤੋਂ ਪਹਿਲਾਂ ਤੁਹਾਨੂੰ ਜ਼ਰੂਰ ਹੀ 3 ਰਾਤਾਂ ਲਈ ਠਹਿਰਨ ਵਾਸਤੇ ਹੋਟਲ ਬੁੱਕ ਕਰ ਕੇ ਉਸ ਦੀ ਅਦਾਇਗੀ ਵੀ ਕਰਨੀ ਹੋਵੇਗੀ।
· ਹਵਾਈ ਅੱਡੇ ਤੋਂ ਬਾਹਰ ਜਾਣ ਤੋਂ ਪਹਿਲਾਂ ਸਵੈ-ਘੋਸ਼ਣਾ ਪੱਤਰ ਜ਼ਰੂਰ ਭਰਨਾ ਹੋਵੇਗਾ।
· ਉਡਾਣ ਦੀ ਰਵਾਨਗੀ ਤੋਂ 72 ਘੰਟੇ ਪਹਿਲਾਂ ਯਾਤਰੀ ਦਾ ਕੋਰੋਨਾਵਾਇਰਸ ਲਈ RT-PCR ਟੈਸਟ ਕਰਵਾਇਆ ਹੋਣਾ ਲਾਜ਼ਮੀ ਹੈ ਤੇ ਉਸ ਦਾ QR ਕੋਡ ਤੁਹਾਡੇ ਕੋਲ ਜ਼ਰੂਰ ਹੋਣਾ ਚਾਹੀਦਾ ਹੈ।
ਕੈਨੇਡਾ ਤੋਂ ਭਾਰਤ ਰਵਾਨਗੀ ਤੋਂ ਪਹਿਲਾਂ ਇਹ ਜ਼ਰੂਰ ਕਰੋ
· ਉਡਾਣ ਭਰਨ ਤੋਂ 72 ਘੰਟੇ ਪਹਿਲਾਂ RT-PCR ਟੈਸਟ ਕਰਵਾਉਣਾ ਕਾਨੂੰਨੀ ਤੌਰ ਉੱਤੇ ਲਾਜ਼ਮੀ ਹੈ।
· ਔਨਲਾਈਨ ‘ਏਅਰ ਸੁਵਿਧਾ’ ਪੋਰਟਲ ਉੱਤੇ ਸਵੈ-ਘੋਸ਼ਣਾ ਪੱਤਰ ਭਰੋ ਤੇ ਕੋਵਿਡ-19 ਲਈ RT-PCR ਨੈਗੇਟਿਵ ਰਿਪੋਰਟ ਅਪਲੋਡ ਕਰੋ।
· ਜੇ ਕਿਸੇ ਸਕੇ ਪਰਿਵਾਰਕ ਮੈਂਬਰ ਦੀ ਮੌਤ ਹੋ ਗਈ ਹੈ, ਤਾਂ ਉਸ ਐਮਰਜੈਂਸੀ ਵਿੱਚ ਹੀ ਅਜਿਹੇ ਟੈਸਟ ਤੋਂ ਛੋਟ ਲਈ ਉਡਾਣ ਦੀ ਰਵਾਨਗੀ ਤੋਂ 72 ਘੰਟੇ ਪਹਿਲਾਂ ਫ਼ਾਰਮ ਔਨਲਾਈਨ ਭਰਨਾ ਹੋਵੇਗਾ।
· OCI ਕਾਰਡ-ਧਾਰਕਾਂ ਲਈ ਭਾਰਤੀ ਦੂਤਾਵਾਸ/ਹਾਈ ਕਮਿਸ਼ਨ ਕੋਲ ਰਜਿਸਟ੍ਰੇਸ਼ਨ ਕਰਵਾਉਣਾ ਕਾਨੂੰਨੀ ਤੌਰ ਉੱਤੇ ਲਾਜ਼ਮੀ ਹੈ।
ਕੁਆਰੰਟੀਨ ਦੀ ਮਿਆਦ
· ਕੈਨੇਡਾ – ਕਿਸੇ ਮਾਨਤਾ-ਪ੍ਰਾਪਤ ਹੋਟਲ ਵਿੱਚ 3 ਰਾਤਾਂ ਲਈ ਲਾਜ਼ਮੀ ਕੁਆਰੰਟੀਨ ਤੇ ਫਿਰ ਉਸ ਤੋਂ ਬਾਅਦ ਦੇ 14 ਦਿਨਾ ਕੁਆਰੰਟੀਨ ਘਰ ਵਿੱਚ।
· ਭਾਰਤ -14 ਦਿਨ HQ ‘RT-PCR ਨੈਗੇਟਿਵ ਸਰਟੀਫ਼ਿਕੇਟ ਕਾਨੂੰਨ ਕਾਨੂੰਨੀ ਤੌਰ ਉੱਤੇ ਲਾਜ਼ਮੀ’ (ਹਰੇਕ ਸੂਬੇ ਦੇ ਵੱਖਰੇ ਨਿਯਮ)।
Before You Go
ਚੇਨ ਸਨੈਚਰਾਂ ਦੀ ਉਲਟੀ ਪੈ ਗਈ ਚਾਲ! ਲੋਕਾਂ ਨੇ ਇੱਕ ਨੂੰ ਮੌਕੇ 'ਤੇ ਹੀ ਦਬੋਚਿਆ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
