ਗੈਰਕਾਨੂੰਨੀ ਵੋਟਾਂ ਕਰਕੇ ਹਾਰੀ ਹਿਲੇਰੀ: ਟਰੰਪ

ਵਾਸ਼ਿੰਗਟਨ: ਅਮਰੀਕਾ ਦੇ ਨਵੇਂ ਚੁਣੇ ਗਏ ਰਾਸ਼ਟਰਪਤੀ ਡੋਨਲਡ ਟਰੰਪ ਆਪਣੀ ਚੋਣ ਮੁਹਿੰਮ ਤੋਂ ਲੈ ਕੇ ਹੀ ਆਪਣੇ ਬਿਆਨਾਂ ਕਰਕੇ ਸੁਰਖੀਆਂ ਵਿੱਚ ਰਹਿੰਦੇ ਹਨ। ਇਸ ਵਾਰ ਫਿਰ ਉਨ੍ਹਾਂ ਨੇ ਆਪਣੀ ਵਿਰੋਧੀ ਨੇਤਾ ਹਿਲੇਰੀ ਕਲਿੰਟਨ ਬਾਰੇ ਵਿਵਾਦਤ ਬਿਆਨ ਦਿੱਤਾ ਹੈ। ਟਰੰਪ ਨੇ ਦਾਅਵਾ ਕੀਤਾ ਹੈ ਕਿ ਹਿਲੇਰੀ ਕਲਿੰਟਨ ਨੂੰ ਲੱਖਾਂ ਗ਼ੈਰ-ਕਾਨੂੰਨੀ ਵੋਟਰਾਂ ਨੇ ਵੋਟ ਪਾਏ ਜਿਸ ਕਾਰਨ ਉਹ ਵੱਧ ਵੋਟਾਂ ਹਾਸਲ ਨਹੀਂ ਕਰ ਸਕੀ। ਆਪਣੇ ਦਾਅਵਿਆਂ ਲਈ ਟਰੰਪ ਨੇ ਭਾਵੇਂ ਕੋਈ ਸਬੂਤ ਨਹੀਂ ਪੇਸ਼ ਕੀਤੇ ਪਰ ਉਨ੍ਹਾਂ ਦਾ ਕਹਿਣਾ ਸੀ ਕਿ ਜੇਕਰ ਇਨ੍ਹਾਂ ਵੋਟਾਂ ਨੂੰ ਕੱਢ ਦਿੱਤਾ ਜਾਵੇ ਤਾਂ ਉਹ ਪਾਪੂਲਰ ਵੋਟਾਂ 'ਚ ਵੀ ਜਿੱਤ ਹਾਸਲ ਕਰ ਲੈਣਗੇ। ਟਰੰਪ ਨੇ ਦੋਸ਼ ਲਾਇਆ ਕਿ ਵਰਜੀਨੀਆ, ਨਿਊ ਹੈਂਪਸ਼ਾਇਰ ਤੇ ਕੈਲੀਫੋਰਨੀਆ 'ਚ ਗੰਭੀਰ ਜਾਅਲਸਾਜ਼ੀ ਹੋਈ ਹੈ। ਇਨ੍ਹਾਂ ਸੂਬਿਆਂ 'ਚ ਟਰੰਪ ਨੂੰ ਮਾਤ ਮਿਲੀ ਸੀ। ਜ਼ਿਕਰਯੋਗ ਹੈ ਕਿ ਟਰੰਪ ਨੇ ਚੋਣ ਪ੍ਰਚਾਰ ਦੌਰਾਨ ਜਾਅਲੀ ਵੋਟਾਂ ਭੁਗਤਾਉਣ ਦਾ ਖਦਸ਼ਾ ਪ੍ਰਗਟਾਇਆ ਸੀ। ਟਰੰਪ ਦੀਆਂ ਪਾਪੂਲਰ ਵੋਟਾਂ ਦੀ ਗਿਣਤੀ 2.0 ਮਿਲੀਅਨ ਤੋਂ ਵੱਧ ਹੋ ਗਈ ਹੈ ਤੇ ਕੈਲੀਫੋਰਨੀਆ ਸਮੇਤ ਹੋਰ ਸੂਬਿਆਂ 'ਚ ਅਜੇ ਗਿਣਤੀ ਚੱਲ ਰਹੀ ਹੈ। ਟਰੰਪ ਅਮਰੀਕਾ ਦੇ 45ਵੇਂ ਰਾਸ਼ਟਰਪਤੀ ਹੋਣਗੇ। ਐਸ.ਬੀ.ਆਈ. ਨੇ ਕਰੀਬ ਛੇ ਲੱਖ ਡੇਬਿਟ ਕਾਰਡ ਬੰਦ ਕੀਤੇ ਸਨ। ਹਾਲਾਂਕਿ ਬੈਂਕ ATM'S ਨੂੰ ਅੱਪਡੇਟ ਕਰ ਰਹੇ ਹਨ ਪਰ ਫਿਰ ਜ਼ਿਆਦਾਤਰ ਬੈਂਕ ਦਾ ਓਪਰੇਟਿੰਗ ਸਿਸਟਮ ਪੁਰਾਣਾ ਹੈ।