Ukraine Russia War: ਮਦਦ ਦੀ ਗੁਹਾਰ ਵਾਲਾ ਵੀਡੀਓ ਐਤਵਾਰ ਨੂੰ 'ਏਜੋਵ ਬਟਾਲੀਅਨ' ਵੱਲੋਂ ਜਾਰੀ ਕੀਤਾ ਗਿਆ ਜੋ ਮਾਰੀਓਪੋਲ ਦੇ ਏਜੋਵਸਤਾਲ ਸਟੀਲਵਰਕਸ 'ਚ ਤਾਇਨਾਤ ਯੂਕਰੇਨ ਬਲਾਂ 'ਚ ਸ਼ਾਮਲ ਹੈ। ਜਿੱਥੇ ਸੈਨਿਕਾਂ ਤੇ ਨਾਗਰਿਕਾਂ ਨੇ ਰੂਸੀ ਹਮਲੇ ਤੋਂ ਬਚਣ ਲਈ ਪਨਾਹ ਲਈ ਹੈ। ਸਮੂਹ ਦੇ ਡਿਪਟੀ ਕਮਾਂਡਰ ਸਿਯਾਵਾਤੋਸਲਾਵ ਪਾਲਮਰ ਨੇ ਦੱਸਿਆ ਕਿ ਉਹ ਵੀਡੀਓ ਐਤਵਾਰ ਨੂੰ ਪਲਾਂਟ 'ਚ ਬਣਾਇਆ ਗਿਆ ਹੈ।
ਵੀਡੀਓ 'ਚ ਕੁਝ ਬੱਚਿਆਂ ਨੂੰ ਈਸਟਰ ਦੇ ਮੌਕੇ 'ਤੇ ਤੋਹਫੇ ਦਿੰਦੇ ਦਿਖਾਇਆ ਗਿਆ ਹੈ। ਇਸ 'ਚ ਇੱਕ ਬੱਚਾ ਘਰ 'ਤੇ ਬਣਾ 'ਡਾਇਪਰ' ਪਹਿਣੇ ਦਿਖਾਈ ਦੇ ਰਿਹਾ ਹੈ। ਵੀਡੀਓ 'ਚ ਇਕ ਮਹਿਲਾ ਨੇ ਵਿਸ਼ਵ ਆਗੂਆਂ ਤੋਂ ਮਦਦ ਦੀ ਗੁਹਾਰ ਲਾਈ ਹੈ। ਉਨ੍ਹਾਂ ਨੇ ਕਿਹਾ ਕਿ ਉਹ ਤੇ ਪਲਾਂਟ 'ਚ ਮੌਜੂਦ ਹੋਰ ਲੋਕ ਬੰਬਾਰੀ ਤੋਂ ਪ੍ਰੇਸ਼ਾਨ ਹੋ ਚੁੱਕੇ ਹਨ ਤੇ ਹੁਣ ਆਜ਼ਾਦੀ ਚਾਹੁੰਦੇ ਹਨ।
ਨਮ ਅੱਖਾਂ ਨਾਲ ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਆਪਣੇ ਸ਼ਹਿਰ ਤੇ ਆਪਣੇ ਦੇਸ਼ 'ਚ ਰਹਿਣਾ ਚਾਹੁੰਦੇ ਹਾਂ ਅਸੀਂ ਸਾਡੇ ਦੇਸ਼ 'ਚ ਲਗਾਤਾਰ ਬੰਬਾਰੀ ਤੇ ਹਵਾਈ ਹਮਲਿਆਂ ਤੋਂ ਪਰੇਸ਼ਾਨ ਹੋ ਚੁੱਕੇ ਹਨ। ਇਹ ਸਭ ਕਦੋਂ ਤਕ ਚੱਲੇਗਾ?
ਉਨ੍ਹਾਂ ਨੇ ਕਿਹਾ ਕਿ ਬੱਚੇ ਲਗਾਤਾਰ ਰੋ ਰਹੇ ਹਨ... ਉਹ ਖੇਡਣਾ ਚਾਹੁੰਦੇ ਹਨ। ਇਸ ਹਮਲੇ ਨੂੰ ਬੰਦ ਕਰੋ। ਮੈਂ ਸਾਰਿਆਂ ਨੂੰ ਸਾਡੀ ਮਦਦ ਕਰਨ ਦੀ ਅਪੀਲ ਕਰਦੀ ਹੈ। ਸਾਨੂੰ ਆਜ਼ਾਦ ਕਰੋ...ਇਕ ਹੋਰ ਮਹਿਲਾ ਨੇ ਕਿਹਾ ਪਲਾਂਟ 'ਚ 600 ਨਾਗਰਿਕ ਹਨ ਤੇ ਬਿਨਾਂ ਭੋਜਨ ਤੇ ਪਾਣੀ ਦੇ ਰਹਿ ਰਹੇ ਹਨ।
ਦੂਜੇ ਪਾਸੇ ਰੂਸ ਦੀ ਫੌਜ ਨੇ ਕਿਹਾ ਹੈ ਕਿ ਉਸਨੇ ਯੂਕਰੇਨ ਵਿੱਚ ਵਿਸਫੋਟਕ ਬਣਾਉਣ ਵਾਲੀ ਇੱਕ ਫੈਕਟਰੀ, ਕਈ ਤੋਪਖਾਨੇ ਅਤੇ ਸੈਂਕੜੇ ਹੋਰ ਨਿਸ਼ਾਨੇ ਨੂੰ ਨਿਸ਼ਾਨਾ ਬਣਾਇਆ ਹੈ। ਰੂਸੀ ਰੱਖਿਆ ਮੰਤਰਾਲੇ ਦੇ ਬੁਲਾਰੇ ਮੇਜਰ ਜਨਰਲ ਇਗੋਰ ਕੋਨਾਸ਼ੇਨਕੋਵ ਨੇ ਐਤਵਾਰ ਨੂੰ ਕਿਹਾ ਕਿ ਫੌਜ ਨੇ ਮੱਧ ਯੂਕਰੇਨ ਦੇ ਡਨੀਪ੍ਰੋ ਖੇਤਰ ਵਿੱਚ ਪਾਵਲੋਹਰਾਦ ਨੇੜੇ ਇੱਕ ਵਿਸਫੋਟਕ ਫੈਕਟਰੀ ਨੂੰ ਨਸ਼ਟ ਕਰਨ ਲਈ ਇੱਕ ਮਿਜ਼ਾਈਲ ਦਾਗੀ।