UAE Latest News: ਸੰਯੁਕਤ ਅਰਬ ਅਮੀਰਾਤ ਵਿਸ਼ਵ ਮੰਚ 'ਤੇ ਦਿਨ-ਬ-ਦਿਨ ਨਵੇਂ ਕਾਰਨਾਮੇ ਕਰ ਰਿਹਾ ਹੈ। ਬੰਜਰ ਜ਼ਮੀਨ 'ਤੇ ਜਿੱਥੇ ਲੋਕਾਂ ਕਦੇ ਪਾਣੀ ਦੇ ਮੁਹਤਾਜ਼ ਹੁੰਦੇ ਸਨ, ਹੁਣ ਉਹ ਬੰਜਰ ਧਰਤੀ ਸੈਰ ਸਪਾਟੇ ਦਾ ਕੇਂਦਰ ਬਣ ਚੁੱਕੀ ਹੈ।
ਵੱਡੀਆਂ-ਵੱਡੀਆਂ ਸ਼ਾਨਦਾਰ ਇਮਾਰਤਾਂ ਬਣਾਉਣ ਵਾਲਾ ਯੂਏਈ ਹੁਣ ਦੁਨੀਆ ਦਾ ਸਭ ਤੋਂ ਵੱਡਾ ਹਵਾਈ ਅੱਡਾ ਬਣਾਉਣ ਜਾ ਰਿਹਾ ਹੈ। ਇਸ ਹਵਾਈ ਅੱਡੇ ਦਾ ਨਾਮ ਅਲ ਮਕਤੂਮ ਅੰਤਰਰਾਸ਼ਟਰੀ ਹਵਾਈ ਅੱਡਾ ਦੱਸਿਆ ਜਾ ਰਿਹਾ ਹੈ। ਇਸ ਨੂੰ ਦੁਬਈ ਵਰਲਡ ਸੈਂਟਰਲ ਵਜੋਂ ਵੀ ਜਾਣਿਆ ਜਾਂਦਾ ਹੈ। ਇਸ ਹਵਾਈ ਅੱਡੇ ਨੂੰ ਬਣਾਉਣ ਦਾ ਕੰਮ ਸੰਯੁਕਤ ਅਰਬ ਅਮੀਰਾਤ ਨੇ 2013 ਵਿੱਚ ਸ਼ੁਰੂ ਕੀਤਾ ਸੀ।
ਸਰਕਾਰ 2 ਕਰੋੜ ਯਾਤਰੀਆਂ ਦੀ ਸਮਰੱਥਾ ਨੂੰ ਹੋਰ ਵਧਾਉਣਾ ਚਾਹੁੰਦੀ
ਜੇਕਰ ਅਸੀਂ CNN ਦੀ ਰਿਪੋਰਟ 'ਤੇ ਨਜ਼ਰ ਮਾਰੀਏ ਤਾਂ ਇਸ ਏਅਰਪੋਰਟ ਨੂੰ ਆਪਣੀ ਸਮਰੱਥਾ ਵਧਾਉਣ ਲਈ ਨਵੀਂ ਤਕਨੀਕ ਦੀ ਮਦਦ ਨਾਲ ਡਿਜ਼ਾਇਨ ਕੀਤਾ ਜਾ ਰਿਹਾ ਹੈ। ਪੁਰਾਣੇ ਡਿਜ਼ਾਈਨ ਮੁਤਾਬਕ ਇਸ ਹਵਾਈ ਅੱਡੇ ਦੀ ਸਮਰੱਥਾ 10 ਕਰੋੜ ਯਾਤਰੀਆਂ ਦੀ ਦੱਸੀ ਗਈ ਸੀ। ਹਾਲਾਂਕਿ ਸਰਕਾਰ 2 ਕਰੋੜ ਯਾਤਰੀਆਂ ਦੀ ਸਮਰੱਥਾ ਨੂੰ ਹੋਰ ਵਧਾਉਣਾ ਚਾਹੁੰਦੀ ਹੈ।
ਇਹ ਵੀ ਪੜ੍ਹੋ: Pm modi: 'ਦੇਰ ਰਾਤ ਤੱਕ ਕੀਤੀ ਮੀਟਿੰਗ, ਫਿਰ ਸਵੇਰੇ ਛੇਤੀ ਕੰਮ 'ਤੇ ਪਰਤੇ', ਪੀਐਮ ਮੋਦੀ ਦੇ ਸ਼ਡਿਊਲ ਦੀ ਨੇਟੀਜਨਸ ਨੇ ਕੀਤੀ ਤਾਰੀਫ
ਏਅਰਪੋਰਟ 'ਤੇ ਨਿਵੇਸ਼ ਵਧਾਉਣ ਬਾਰੇ ਸੋਚ ਰਹੇ
ਦੁਬਈ ਏਅਰਪੋਰਟ ਦੇ ਸੀਈਓ ਪਾਲ ਗ੍ਰਿਫਿਥਸ ਮੁਤਾਬਕ ਉਹ ਗਾਹਕਾਂ ਦੀ ਸਹੂਲਤ ਨੂੰ ਧਿਆਨ ਵਿੱਚ ਰੱਖਦਿਆਂ ਹੋਇਆਂ ਇਸ ਏਅਰਪੋਰਟ ਵਿੱਚ ਨਿਵੇਸ਼ ਵਧਾਉਣ ਬਾਰੇ ਸੋਚ ਰਹੇ ਹਨ। ਇੱਕ ਪੂਰਵ ਅਨੁਮਾਨ ਦੇ ਅਨੁਸਾਰ, 2024 ਵਿੱਚ ਇਸ ਹਵਾਈ ਅੱਡੇ ਤੋਂ 8.82 ਕਰੋੜ ਯਾਤਰੀਆਂ ਅਤੇ 2025 ਵਿੱਚ 9.38 ਕਰੋੜ ਯਾਤਰੀਆਂ ਦੇ ਯਾਤਰਾ ਕਰਨ ਦੀ ਉਮੀਦ ਹੈ।
ਗ੍ਰਿਫਿਥ ਨੇ ਇਕ ਮੈਗਜ਼ੀਨ ਨਾਲ ਖ਼ਾਸ ਗੱਲਬਾਤ ਦੌਰਾਨ ਕਿਹਾ ਸੀ ਕਿ ਅਸੀਂ ਸਿਰਫ਼ ਦੁਨੀਆ ਦੇ ਸਭ ਤੋਂ ਵੱਡੇ ਹਵਾਈ ਅੱਡੇ ਦਾ ਨਿਰਮਾਣ ਨਹੀਂ ਕਰ ਰਹੇ, ਸਗੋਂ ਅਸੀਂ ਹਵਾਈ ਅੱਡੇ ਦੇ ਕਾਰੋਬਾਰ ਵਿਚ ਕ੍ਰਾਂਤੀ ਲਿਆਉਣਾ ਚਾਹੁੰਦੇ ਹਾਂ।
ਦੁਬਈ 'ਚ ਕਰੀਬ 145 ਵਰਗ ਕਿਲੋਮੀਟਰ ਜਗ੍ਹਾ ਲਈ ਜਾ ਰਹੀ
ਉਨ੍ਹਾਂ ਅੱਗੇ ਕਿਹਾ ਕਿ ਅਸੀਂ ਹਵਾਈ ਅੱਡੇ 'ਤੇ ਯਾਤਰੀਆਂ ਨੂੰ ਅਜਿਹੀਆਂ ਸਹੂਲਤਾਂ ਪ੍ਰਦਾਨ ਕਰਨਾ ਚਾਹੁੰਦੇ ਹਾਂ ਜਿਸ ਨਾਲ ਉਨ੍ਹਾਂ ਦੇ ਸਮੇਂ ਦੀ ਬੱਚਤ ਹੋਵੇਗੀ। ਇਹ ਸਾਡੀ ਸਭ ਤੋਂ ਵੱਡੀ ਯੋਜਨਾ ਹੈ। ਇਸ ਯੋਜਨਾ ਦੇ ਤਹਿਤ ਦੱਖਣੀ ਦੁਬਈ 'ਚ ਕਰੀਬ 145 ਵਰਗ ਕਿਲੋਮੀਟਰ ਜਗ੍ਹਾ ਲਈ ਜਾ ਰਹੀ ਹੈ। ਅਸੀਂ ਇੱਥੇ ਇੱਕ ਨਵੇਂ ਸ਼ਹਿਰ ਦੇ ਨਿਰਮਾਣ ਦੀ ਕਲਪਨਾ ਵੀ ਕੀਤੀ ਹੈ।
ਇਹ ਵੀ ਪੜ੍ਹੋ: Lok Sabha Election 2024: ਭਾਜਪਾ ਸਾਂਸਦ ਦੀ ਕਾਰਗੁਜ਼ਾਰੀ ਤੋਂ ਲੋਕ ਨਾਰਾਜ਼, ਸਰਵੇ ‘ਚ ਲੋਕਾਂ ਨੇ ਦੱਸੀ ਆਪਣੇ ਮਨ ਦੀ ਗੱਲ, ਜਾਣੋ