Watch: ਸੋਮਵਾਰ, 13 ਜੂਨ ਨੂੰ, ਮੋਂਟਾਨਾ ਰਾਜ ਦੇ ਦੱਖਣੀ ਹਿੱਸਿਆਂ ਵਿੱਚ ਹੜ੍ਹ ਦਾ ਕਹਿਰ ਦੇਖਣ ਨੂੰ ਮਿਲਿਆ। ਗਾਰਡੀਨਰ ਵਿੱਚ ਨਦੀ ਦੇ ਕੰਢੇ ਸਥਿਤ ਇੱਕ ਘਰ ਹੜ੍ਹ ਦੀ ਲਪੇਟ ਵਿੱਚ ਆ ਗਿਆ। ਵਿਸ਼ਾਲ ਘਰ ਪਾਣੀ ਦੇ ਤੇਜ਼ ਵਹਾਅ ਨਾਲ ਦਰਿਆ ਵਿੱਚ ਵਹਿ ਗਿਆ। ਇਸ ਘਟਨਾ ਦੀ ਵੀਡੀਓ ਕੈਸੀ ਵ੍ਹਾਈਟ ਨਾਂ ਦੇ ਸਥਾਨਕ ਵਿਅਕਤੀ ਨੇ ਬਣਾਈ ਹੈ।
GoFundMe ਪੇਜ ਦੇ ਅਨੁਸਾਰ, ਪਾਣੀ ਨਾਲ ਭਰੇ ਘਰ ਵਿੱਚ ਪੰਜ ਪਰਿਵਾਰ ਰਹਿੰਦੇ ਸਨ। ਉਹਨਾਂ ਨੇ ਇਸ ਘਰ ਸਮੇਤ ਸਭ ਕੁਝ ਗੁਆ ਦਿੱਤਾ। ਘਰ 'ਚ ਰਹਿਣ ਵਾਲੇ ਲੋਕਾਂ ਨੂੰ ਆਰਥਿਕ ਤੌਰ 'ਤੇ ਕਾਫੀ ਨੁਕਸਾਨ ਹੋਇਆ ਹੈ। ਹੜ੍ਹ ਦੇ ਨਾਲ ਉਹਨਾਂ ਨੇ ਆਪਣਾ ਆਸ਼ੀਆਨਾ ਵੀ ਗੁਆ ਦਿੱਤਾ।
ਮੋਂਟਾਨਾ ਦੀਆਂ ਨਦੀਆਂ 'ਚ ਹੜ੍ਹ
ਮੋਂਟਾਨਾ ਦੇ ਪੂਰੇ ਇਲਾਕੇ ਵਿੱਚ ਹੜ੍ਹਾਂ ਨੇ ਭਾਰੀ ਤਬਾਹੀ ਮਚਾਈ ਹੈ। ਹਰ ਪਾਸੇ ਪਾਣੀ ਹੀ ਪਾਣੀ ਹੈ। ਦਰਿਆਵਾਂ ਵਿਚ ਉਛਾਲ ਹੈ। ਕੋਈ ਨਾ ਕੋਈ ਜ਼ਰੂਰੀ ਸਮਾਨ ਲੈ ਕੇ ਲੋਕ ਘਰ ਖਾਲੀ ਕਰ ਰਹੇ ਹਨ। ਹੜ੍ਹ ਨੇ ਕਈ ਘਰ ਪੂਰੀ ਤਰ੍ਹਾਂ ਤਬਾਹ ਕਰ ਦਿੱਤੇ ਹਨ।
ਦੱਸ ਦਈਏ ਕਿ ਯੈਲੋਸਟੋਨ ਨੈਸ਼ਨਲ ਪਾਰਕ ਦੇ ਨੇੜਲੇ ਇਲਾਕੇ 'ਚ ਦਿਨ ਭਰ ਜ਼ਮੀਨ ਖਿਸਕਣ ਅਤੇ ਹੜ੍ਹਾਂ ਦੀ ਸਥਿਤੀ ਬਣੀ ਰਹੀ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਨੈਸ਼ਨਲ ਪਾਰਕ ਮੰਗਲਵਾਰ ਅਤੇ ਬੁੱਧਵਾਰ ਨੂੰ ਬੰਦ ਸੀ। ਮੌਸਮ ਵਿਭਾਗ ਨੇ ਅਜੇ ਵੀ ਖਰਾਬ ਮੌਸਮ ਦੀ ਚਿਤਾਵਨੀ ਜਾਰੀ ਕੀਤੀ ਹੈ।
ਰਾਸ਼ਟਰੀ ਮੌਸਮ ਸੇਵਾ ਮੁਤਾਬਕ ਮੋਂਟਾਨਾ ਦੀਆਂ ਨਦੀਆਂ 'ਚ ਭਿਆਨਕ ਹੜ੍ਹ ਆ ਗਿਆ ਹੈ ਅਤੇ ਪਾਣੀ ਰਿਹਾਇਸ਼ੀ ਇਲਾਕਿਆਂ 'ਚ ਦਾਖਲ ਹੋ ਗਿਆ ਹੈ। ਮੌਸਮ ਵਿਭਾਗ ਨੇ ਹੜ੍ਹਾਂ ਨੂੰ ਲੈ ਕੇ ਪਹਿਲਾਂ ਹੀ ਚਿਤਾਵਨੀ ਜਾਰੀ ਕਰ ਦਿੱਤੀ ਸੀ। ਸਥਾਨਕ ਮੀਡੀਆ ਦੇ ਅਨੁਸਾਰ, ਰੈੱਡ ਲੌਜ ਵਿਖੇ ਹੜ੍ਹ ਨਿਕਾਸੀ ਕੇਂਦਰ ਵਿਅਸਤ ਸੀ ਕਿਉਂਕਿ ਦਰਜਨਾਂ ਵਸਨੀਕਾਂ ਨੇ ਉੱਥੇ ਅਸਥਾਈ ਪਨਾਹ ਲਈ ਸੀ।
ਅਮਰੀਕਾ ਦੇ ਮੋਂਟਾਨਾ ਵਿੱਚ ਹੜ੍ਹ ਨੇ ਤਬਾਹੀ ਮਚਾਈ ਹੈ। ਹਰ ਪਾਸੇ ਹਫੜਾ-ਦਫੜੀ ਦਾ ਮਾਹੌਲ ਹੈ। ਪ੍ਰਸ਼ਾਸਨ ਨੇ ਮਦਦ ਦਾ ਐਲਾਨ ਕੀਤਾ ਹੈ ਪਰ ਹੜ੍ਹ ਕਾਰਨ ਸਥਾਨਕ ਲੋਕਾਂ ਨੂੰ ਕਾਫੀ ਨੁਕਸਾਨ ਝੱਲਣਾ ਪਿਆ ਹੈ। ਵਾਇਰਲ ਹੋ ਰਹੀ ਵੀਡੀਓ 'ਚ ਤੁਸੀਂ ਹੜ੍ਹ ਦਾ ਭਿਆਨਕ ਰੂਪ ਦੇਖ ਸਕਦੇ ਹੋ।