Shocking: ਅਜੀਬ ਬੀਮਾਰੀ...ਇਸਦਾ ਸ਼ਿਕਾਰ ਵਿਅਕਤੀ ਨੀਂਦ 'ਚ ਖੁਦ ਕਰਦਾ ਸ਼ੌਪਿੰਗ, ਸਵੇਰ ਹੋਣ ਤੱਕ ਸਭ ਕੁਝ ਜਾਂਦਾ ਭੁੱਲ

ਇਹ ਕੋਈ ਝੂਠ ਨਹੀਂ ਹੈ। ਇੱਕ ਅਜਿਹੀ ਬਿਮਾਰੀ ਹੈ, ਜਿਸ ਵਿੱਚ ਵਿਅਕਤੀ ਨੀਂਦ ਵਿੱਚ ਕੀ ਕਰਦਾ ਹੈ ਉਸ ਨੂੰ ਸਵੇਰੇ ਪਤਾ ਨਹੀਂ ਹੁੰਦਾ। ਇਸ ਬੀਮਾਰੀ ਕਾਰਨ ਇਕ ਔਰਤ ਨੇ ਨੀਂਦ ਵਿਚ ਹੀ ਆਨਲਾਈਨ ਖਰੀਦਦਾਰੀ ਕਰਨੀ ਸ਼ੁਰੂ ਕਰ ਦਿੱਤੀ।

ਸਭ ਤੋਂ ਵੱਡੀ ਗੱਲ ਇਹ ਹੈ ਕਿ ਸ਼ਾਪਿੰਗ ਕਰਦੇ ਸਮੇਂ ਮਹਿਲਾ ਇੱਕ ਵੱਡੀ ਆਨਲਾਈਨ ਧੋਖਾਧੜੀ ਦਾ ਸ਼ਿਕਾਰ ਹੋ ਗਈ। ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਔਰਤ ਸੌਂਦੇ ਸਮੇਂ ਖਰੀਦਦਾਰੀ ਕਰ ਰਹੀ ਸੀ, ਜਿਵੇਂ ਕੋਈ ਜਾਗਦਾ ਵਿਅਕਤੀ ਕਰਦਾ ਹੈ।

ਇਹ ਇੱਕ ਦੁਰਲੱਭ ਕਿਸਮ ਦੀ ਬਿਮਾਰੀ ਹੈ। ਇਸ ਨੂੰ ਪੈਰਾਸੋਮਨੀਆ ਕਿਹਾ ਜਾਂਦਾ ਹੈ। ਪੈਰਾਸੋਮਨੀਆ ਦੇ ਮਰੀਜ਼ ਨੂੰ ਪਤਾ ਨਹੀਂ ਹੁੰਦਾ ਕਿ ਉਹ ਰਾਤ ਨੂੰ ਕੀ ਕਰਦਾ ਹੈ। ਅਜਿਹੇ ਲੋਕ ਚੱਲਣ ਅਤੇ ਬੋਲਣ ਤੋਂ ਇਲਾਵਾ ਨੀਂਦ ਵਿੱਚ ਵੀ ਕਈ ਤਰ੍ਹਾਂ ਦੀਆਂ ਗਤੀਵਿਧੀਆਂ ਕਰਦੇ ਹਨ।

ਡੇਲੀ ਮੇਲ ਦੀ ਰਿਪੋਰਟ ਮੁਤਾਬਕ 42 ਸਾਲਾ ਕੇਲੀ ਨੂੰ ਇਹ ਬੀਮਾਰੀ ਹੈ। ਉਹ ਸਾਲ 2006 ਤੋਂ ਇਸ ਬਿਮਾਰੀ ਤੋਂ ਪੀੜਤ ਹੈ, ਪਰ ਉਸ ਨੂੰ ਇਹ ਨਹੀਂ ਪਤਾ ਸੀ ਕਿ ਸਮੇਂ ਦੇ ਨਾਲ ਉਸ ਦਾ ਸਲੀਪ ਵਾਕਿੰਗ ਡਿਸਆਰਡਰ ਇੱਕ ਦਿਨ ਸਲੀਪ ਸ਼ਾਪਿੰਗ ਡਿਸਆਰਡਰ ਵਿੱਚ ਬਦਲ ਜਾਵੇਗਾ।

ਸਲੀਪ ਸ਼ਾਪਿੰਗ ਡਿਸਆਰਡਰ ਕਾਰਨ ਕੈਲੀ 'ਤੇ ਕਰੀਬ 3 ਲੱਖ ਰੁਪਏ ਦਾ ਕਰਜ਼ਾ ਹੈ। ਇਸ ਰਿਪੋਰਟ ਦੇ ਅਨੁਸਾਰ, ਇੱਕ ਰਾਤ ਆਪਣੀ ਨੀਂਦ ਵਿੱਚ ਖਰੀਦਦਾਰੀ ਕਰਦੇ ਹੋਏ, ਕੈਲੀ ਨੇ ਇੱਕ ਘੁਟਾਲੇ ਵਾਲੀ ਵੈਬਸਾਈਟ 'ਤੇ ਆਪਣੇ ਬੈਂਕ ਵੇਰਵੇ ਦਰਜ ਕੀਤੇ ਅਤੇ ਧੋਖੇਬਾਜ਼ਾਂ ਨੇ ਉਸਦੇ ਪੈਸੇ ਚੋਰੀ ਕਰ ਲਏ।