7 Seater Car: ਬਜਟ 'ਚ ਮਿਲ ਰਹੀਆਂ ਇਹ 7 ਸੀਟਰ ਗੱਡੀਆਂ, ਕੀਮਤ 4.26 ਲੱਖ ਰੁਪਏ ਤੋਂ ਸ਼ੁਰੂ

ਜੇਕਰ ਤੁਸੀਂ 7 ਸੀਟਰ ਕਾਰ ਖਰੀਦਣਾ ਚਾਹੁੰਦੇ ਹੋ, ਤਾਂ ਇੱਥੇ ਅਸੀਂ ਤੁਹਾਨੂੰ ਦੱਸ ਰਹੇ ਹਾਂ ਕਿ ਦੇਸ਼ ਵਿੱਚ 9 ਲੱਖ ਰੁਪਏ ਤੱਕ ਦੇ ਬਜਟ ਵਿੱਚ ਕਿਹੜੀਆਂ ਗੱਡੀਆਂ ਉਪਲਬਧ ਹਨ। ਇਸ ਸ਼੍ਰੇਣੀ ਵਿੱਚ ਤਿੰਨੋਂ ਕਿਸਮ ਦੀਆਂ ਕਾਰਾਂ ਦੇ ਵਿਕਲਪ ਹਨ - ਡੀਜ਼ਲ, ਪੈਟਰੋਲ ਅਤੇ ਸੀਐਨਜੀ। ਇਸ ਤੋਂ ਇਲਾਵਾ ਜੇਕਰ ਤੁਸੀਂ ਆਟੋਮੈਟਿਕ 7 ਸੀਟਰ ਕਾਰ ਖਰੀਦਣਾ ਚਾਹੁੰਦੇ ਹੋ ਤਾਂ ਇਸ ਦਾ ਵਿਕਲਪ ਵੀ ਉਪਲਬਧ ਹੈ।

Renault Triber: ਹੁਣ ਗੱਲ ਕਰੀਏ Renault Triber ਦੀ ਤਾਂ ਇਸ ਕਾਰ ਵਿੱਚ 999cc ਦਾ ਪੈਟਰੋਲ ਇੰਜਣ ਹੈ। ਇਹ ਮੈਨੂਅਲ ਅਤੇ ਆਟੋਮੈਟਿਕ ਟਰਾਂਸਮਿਸ਼ਨ ਦੇ ਨਾਲ ਆਉਂਦਾ ਹੈ, ਇਹ 7 ਸੀਟਰ ਕਾਰ ਹੈ। ਜਦੋਂ ਜ਼ਿਆਦਾ ਬੂਟ ਸਪੇਸ ਦੀ ਲੋੜ ਹੋਵੇ ਤਾਂ ਪਿਛਲੀਆਂ ਜ਼ਿਆਦਾਤਰ ਸੀਟਾਂ ਨੂੰ ਵੀ ਬਾਹਰ ਕੱਢਿਆ ਜਾ ਸਕਦਾ ਹੈ। ਇਸ ਦੀ ਸ਼ੁਰੂਆਤੀ ਕੀਮਤ 5.53 ਲੱਖ ਰੁਪਏ ਐਕਸ-ਸ਼ੋਰੂਮ ਹੈ। ਇਸ ਕਾਰ ਦੇ 9 ਵੇਰੀਐਂਟ ਹਨ

Maruti Suzuki Ertiga: ਇਹ ਮਾਰੂਤੀ ਦਾ 7 ਸੀਟਰ ਵਾਹਨ ਹੈ ਜੋ ਪੈਟਰੋਲ ਅਤੇ CNG ਦੋਨਾਂ ਰੂਪਾਂ ਵਿੱਚ ਆਉਂਦਾ ਹੈ। ਇਸ ਦੀ ਸ਼ੁਰੂਆਤੀ ਕੀਮਤ 7.96 ਲੱਖ ਰੁਪਏ ਐਕਸ-ਸ਼ੋਰੂਮ ਹੈ। ਕੰਪਨੀ ਨੇ ਇਸ ਦੇ 7 ਵੇਰੀਐਂਟ ਲਾਂਚ ਕੀਤੇ ਸਨ। ਇਸ ਦੇ ਮਾਈਲੇਜ ਦੀ ਗੱਲ ਕਰੀਏ ਤਾਂ ਇਹ 17 ਤੋਂ 26 ਕਿਲੋਮੀਟਰ ਪ੍ਰਤੀ ਕਿਲੋਗ੍ਰਾਮ ਦੀ ਮਾਈਲੇਜ ਦਿੰਦੀ ਹੈ।

Maruti Suzuki Eeco: ਇਸ ਕਾਰ ਦੇ 4 ਵੇਰੀਐਂਟ ਹਨ। ਇਹ CNG ਅਤੇ ਪੈਟਰੋਲ ਦੋਵਾਂ ਨਾਲ ਆਉਂਦਾ ਹੈ। ਕੰਪਨੀ ਨੇ ਹਾਲ ਹੀ 'ਚ ਇਸ ਨੂੰ ਲਾਂਚ ਕੀਤਾ ਹੈ। ਇਸ ਦੀ ਸ਼ੁਰੂਆਤੀ ਕੀਮਤ 4.38 ਲੱਖ ਰੁਪਏ ਐਕਸ-ਸ਼ੋਰੂਮ ਹੈ। ਇਸ 'ਚ 1196cc ਦਾ ਇੰਜਣ ਦਿੱਤਾ ਗਿਆ ਹੈ। ਮਾਈਲੇਜ ਦੀ ਗੱਲ ਕਰੀਏ ਤਾਂ ਇਹ ਇੱਕ ਕਿਲੋ ਗੈਸ ਵਿੱਚ 20 ਕਿਲੋਮੀਟਰ ਤੱਕ ਜਾ ਸਕਦੀ ਹੈ। ਇਹ ਕਾਰ 5 ਅਤੇ 7 ਸੀਟਰ ਦੋਵਾਂ ਵੇਰੀਐਂਟ 'ਚ ਆਉਂਦੀ ਹੈ।

DATSUN GO: ਇਹ ਸਭ ਤੋਂ ਸਸਤੀ 7 ਸੀਟਰ ਕਾਰ ਹੈ। ਇਸ ਦੀ ਸ਼ੁਰੂਆਤੀ ਕੀਮਤ 4.26 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਇਸ ਕਾਰ ਦੀ ਮਾਈਲੇਜ ਦੀ ਗੱਲ ਕਰੀਏ ਤਾਂ ਇਹ ਪੈਟਰੋਲ 'ਤੇ 19 ਕਿਲੋਮੀਟਰ ਤੱਕ ਦੀ ਮਾਈਲੇਜ ਦਿੰਦੀ ਹੈ। ਇਸ 'ਚ 1198cc ਦਾ ਇੰਜਣ ਦਿੱਤਾ ਗਿਆ ਹੈ। ਇਸ ਕਾਰ ਨੂੰ ਮੈਨੂਅਲ ਅਤੇ ਆਟੋਮੈਟਿਕ ਟਰਾਂਸਮਿਸ਼ਨ ਨਾਲ ਖਰੀਦਿਆ ਜਾ ਸਕਦਾ ਹੈ।