Bajaj Freedom 125 CNG: 100 ਮਾਈਲੇਜ ਦੇਣ ਵਾਲੀ ਬਾਈਕ ਦੀ ਹਰ ਪਾਸੇ ਚਰਚਾ, ਜਾਣੋ ਕੀਮਤ ਅਤੇ ਸ਼ਾਨਦਾਰ ਫੀਚਰਸ

ਜਿਸ ਨੂੰ ਬਾਜ਼ਾਰ 'ਚ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ। ਦਰਅਸਲ, ਬਜਾਜ ਆਟੋ ਨੇ ਜੁਲਾਈ 2024 ਵਿੱਚ ਦੁਨੀਆ ਦੀ ਪਹਿਲੀ ਫ੍ਰੀਡਮ 125 CNG ਬਾਈਕ ਲਾਂਚ ਕੀਤੀ ਸੀ। ਜਿਸ ਨੂੰ ਲੈ ਹਾਲੇ ਤੱਕ ਗਾਹਕਾਂ ਵਿਚਾਲੇ ਹਲਚਲ ਮੱਚੀ ਹੋਈ ਹੈ। ਇਸ ਤੋਂ ਇਲਾਵਾ ਫ੍ਰੀਡਮ ਨੇ ਹਾਲ ਹੀ 'ਚ ਜਾਰੀ ਹੋਈ ਬਾਈਕ ਸੇਲ ਰਿਪੋਰਟ 'ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ।

ਬਜਾਜ ਫ੍ਰੀਡਮ 125 ਸੀਐਨਜੀ ਸੇਲਜ਼ ਰਿਪੋਰਟ: ਬਜਾਜ ਨੇ ਜੁਲਾਈ ਤੋਂ ਨਵੰਬਰ ਤੱਕ 'ਫ੍ਰੀਡਮ 125' ਬਾਈਕ ਦੀਆਂ ਕੁੱਲ 20,942 ਯੂਨਿਟਾਂ ਵੇਚੀਆਂ ਹਨ। ਜਿਸ 'ਚ ਇਕੱਲੇ ਅਕਤੂਬਰ 'ਚ ਬਾਈਕਸ ਦੀਆਂ 11,041 ਯੂਨਿਟਾਂ ਵਿਕੀਆਂ। ਇਸ ਤੋਂ ਇਲਾਵਾ ਸਤੰਬਰ 'ਚ 4,937 ਯੂਨਿਟ, ਅਗਸਤ 'ਚ 4,111 ਯੂਨਿਟ ਅਤੇ ਜੁਲਾਈ 'ਚ 272 ਯੂਨਿਟਸ ਵਿਕੀਆਂ। ਅੰਕੜੇ ਸਾਫ਼ ਦੱਸਦੇ ਹਨ ਕਿ ਸੀਐਨਜੀ ਬਾਈਕ ਦੀ ਮੰਗ ਹੌਲੀ-ਹੌਲੀ ਵੱਧ ਰਹੀ ਹੈ।

ਬਜਾਜ ਫਰੀਡਮ 125 ਸੀਐਨਜੀ ਦੀ ਕੀਮਤ ਅਤੇ ਵਿਸ਼ੇਸ਼ਤਾਵਾਂ: ਨਵੀਂ 'ਬਜਾਜ ਫ੍ਰੀਡਮ 125' ਬਾਈਕ ਦੇਸ਼ ਦੇ 77 ਸ਼ਹਿਰਾਂ ਵਿੱਚ ਵਿਕ ਰਹੀ ਹੈ। ਇਸ ਬਾਈਕ ਦੀ ਕੀਮਤ 95 ਹਜ਼ਾਰ ਤੋਂ 1.10 ਲੱਖ ਰੁਪਏ (ਐਕਸ-ਸ਼ੋਰੂਮ) ਦੇ ਵਿਚਕਾਰ ਹੈ। ਇਸ ਨੂੰ ਡ੍ਰਮ, ਡ੍ਰਮ LED ਅਤੇ ਡਿਸਕ LED ਵੇਰੀਐਂਟ 'ਚ ਖਰੀਦਿਆ ਜਾ ਸਕਦਾ ਹੈ। ਬਜਾਜ ਫ੍ਰੀਡਮ 125 ਮੋਟਰਸਾਈਕਲ ਵਿੱਚ 125 ਸੀਸੀ ਏਅਰ-ਕੂਲਡ ਸਿੰਗਲ-ਸਿਲੰਡਰ ਪੈਟਰੋਲ/ਸੀਐਨਜੀ ਇੰਜਣ ਹੈ। ਇਹ ਇੰਜਣ 9.4 PS ਦੀ ਪਾਵਰ ਅਤੇ 9.7 Nm ਦਾ ਪੀਕ ਟਾਰਕ ਜਨਰੇਟ ਕਰਦਾ ਹੈ। ਇਸ ਇੰਜਣ ਨੂੰ 5-ਸਪੀਡ ਗਿਅਰਬਾਕਸ ਨਾਲ ਜੋੜਿਆ ਗਿਆ ਹੈ।

ਮਜਬੂਤ ਮਾਈਲੇਜ: ਨਵੀਂ ਮੋਟਰਸਾਈਕਲ ਵਿੱਚ 2 ਲੀਟਰ ਸਮਰੱਥਾ ਵਾਲੇ ਪੈਟਰੋਲ ਅਤੇ CNG ਟੈਂਕ ਲਗਾਏ ਗਏ ਹਨ। ਦੋਵੇਂ ਈਂਧਨ ਨਾਲ ਇਹ ਬਾਈਕ ਲਗਭਗ 330 ਕਿਲੋਮੀਟਰ ਦਾ ਸਫਰ ਤੈਅ ਕਰਨ ਦੇ ਸਮਰੱਥ ਹੈ। ਪੈਟਰੋਲ ਫਿਊਲ ਦੇ ਨਾਲ, ਇਹ ਲਗਭਗ 65Kmpl ਦੀ ਮਾਈਲੇਜ ਦਿੰਦਾ ਹੈ। ਜਦੋਂ ਕਿ CNG ਬਾਲਣ ਨਾਲ ਇਹ 100KM/KG ਦੀ ਮਾਈਲੇਜ ਦਿੰਦਾ ਹੈ।

ਨਵੀਂ ਬਜਾਜ ਫ੍ਰੀਡਮ 125 ਬਾਈਕ ਦਾ ਡਿਜ਼ਾਈਨ ਰੈਟਰੋ ਆਧੁਨਿਕ ਹੈ, ਜਿਸ ਕਾਰਨ ਇਸ ਬਾਈਕ ਦੀ ਲੁੱਕ ਕਾਫੀ ਆਕਰਸ਼ਕ ਲੱਗ ਰਹੀ ਹੈ। ਇਸ ਵਿੱਚ LED ਹੈੱਡਲਾਈਟ, ਬਲੂਟੁੱਥ ਕਨੈਕਟੀਵਿਟੀ, LCD ਡਿਸਪਲੇ ਸਮੇਤ ਦਰਜਨਾਂ ਆਕਰਸ਼ਕ ਵਿਸ਼ੇਸ਼ਤਾਵਾਂ ਹਨ। ਤੁਸੀਂ ਇਸਨੂੰ ਕੈਰੇਬੀਅਨ ਬਲੂ, ਈਬੋਨੀ ਬਲੈਕ-ਗ੍ਰੇ, ਪਿਊਟਰ ਗ੍ਰੇ-ਬਲੈਕ ਅਤੇ ਰੇਸਿੰਗ ਰੈੱਡ ਸਮੇਤ ਕਈ ਰੰਗਾਂ ਵਿੱਚ ਖਰੀਦ ਸਕਦੇ ਹੋ। ਬਾਈਕ ਦੇ ਫਰੰਟ 'ਤੇ ਟੈਲੀਸਕੋਪਿਕ ਫੋਰਕ ਅਤੇ ਪਿਛਲੇ ਪਾਸੇ ਮੋਨੋਸ਼ੌਕ ਸਸਪੈਂਸ਼ਨ ਸੈੱਟਅਪ ਹੈ। ਰਾਈਡਰ ਦੀ ਸੁਰੱਖਿਆ ਲਈ ਡਿਸਕ ਅਤੇ ਡਰੱਮ ਬ੍ਰੇਕ ਦਿੱਤੇ ਗਏ ਹਨ। ਇਸ ਦਾ ਭਾਰ ਲਗਭਗ 147 ਕਿਲੋ ਹੈ।