Electric Cars Under 20 Lakhs: ਜੇਕਰ 20 ਲੱਖ ਤੱਕ ਦਾ ਬਜਟ ਹੈ, ਤਾਂ ਇਹ ਇਲੈਕਟ੍ਰਿਕ ਵਾਹਨ ਨਿਰਾਸ਼ ਨਹੀਂ ਕਰਨਗੇ

20 ਲੱਖ ਰੁਪਏ ਤੱਕ ਦੇ ਬਜਟ 'ਚ ਆਉਣ ਵਾਲੇ ਵਾਹਨਾਂ ਦੀ ਸੂਚੀ 'ਚ ਪਹਿਲਾ ਨਾਂ MG Comet ਦਾ ਹੈ। ਜਿਸ ਦੀ ਕੀਮਤ 7.98 ਲੱਖ ਰੁਪਏ ਤੋਂ ਲੈ ਕੇ 9.98 ਲੱਖ ਰੁਪਏ ਐਕਸ-ਸ਼ੋਰੂਮ ਹੈ। ਇਸ ਵਿੱਚ 17.3 kWh ਦੀ ਬੈਟਰੀ ਹੈ, ਜੋ ਇੱਕ ਵਾਰ ਚਾਰਜ ਕਰਨ 'ਤੇ 230 ਕਿਲੋਮੀਟਰ ਤੱਕ ਸਫ਼ਰ ਕਰ ਸਕਦੀ ਹੈ।

ਇਸ ਲਿਸਟ 'ਚ ਦੂਜਾ ਨਾਂ ਟਾਟਾ ਦੀ ਇਲੈਕਟ੍ਰਿਕ ਕਾਰ Tiago ਦਾ ਹੈ। ਇਸ ਨੂੰ ਐਕਸ-ਸ਼ੋਰੂਮ 8.69 ਲੱਖ ਰੁਪਏ ਤੋਂ ਲੈ ਕੇ 12.03 ਲੱਖ ਰੁਪਏ ਤੱਕ ਦੀ ਕੀਮਤ 'ਚ ਖਰੀਦਿਆ ਜਾ ਸਕਦਾ ਹੈ। 24 kWh ਦੇ ਬੈਟਰੀ ਪੈਕ ਨਾਲ ਲੈਸ ਇਹ ਕਾਰ ਫੁੱਲ ਚਾਰਜ ਹੋਣ 'ਤੇ 315 ਕਿਲੋਮੀਟਰ ਤੱਕ ਦੀ ਦੂਰੀ ਤੈਅ ਕਰਨ ਦੇ ਸਮਰੱਥ ਹੈ।

ਤੀਜੇ ਨੰਬਰ 'ਤੇ ਟਾਟਾ ਟਿਗੋਰ ਇਲੈਕਟ੍ਰਿਕ ਕਾਰ ਹੈ ਜੋ ਕਿ ਸੇਡਾਨ ਕਾਰ ਹੈ। ਇਸਦੀ ਕੀਮਤ 12.49 ਲੱਖ ਰੁਪਏ ਤੋਂ ਲੈ ਕੇ 13.75 ਲੱਖ ਰੁਪਏ ਐਕਸ-ਸ਼ੋਰੂਮ ਹੈ। ਇਸ ਪਾਵਰ ਦੇਣ ਲਈ 26 kWh ਦਾ ਬੈਟਰੀ ਪੈਕ ਵਰਤਿਆ ਗਿਆ ਹੈ, ਜੋ 315 ਕਿਲੋਮੀਟਰ ਤੱਕ ਦੀ ਡਰਾਈਵਿੰਗ ਰੇਂਜ ਦਿੰਦਾ ਹੈ।

ਚੌਥੇ ਨੰਬਰ 'ਤੇ ਮਹਿੰਦਰਾ XUV400 ਇਲੈਕਟ੍ਰਿਕ ਕਾਰ ਹੈ। ਜਿਸ ਦੀ ਕੀਮਤ 15.98 ਲੱਖ ਰੁਪਏ ਤੋਂ ਲੈ ਕੇ 18.98 ਲੱਖ ਰੁਪਏ ਐਕਸ-ਸ਼ੋਰੂਮ ਹੈ। ਇਸ ਇਲੈਕਟ੍ਰਿਕ ਕਾਰ 'ਚ 39.4 kWh ਦੀ ਬੈਟਰੀ ਪੈਕ ਹੈ। ਕੰਪਨੀ ਇਸ ਕਾਰ ਲਈ 456 ਕਿਲੋਮੀਟਰ ਤੱਕ ਦੀ ਰੇਂਜ ਦਾ ਦਾਅਵਾ ਕਰਦੀ ਹੈ।

ਪੰਜਵੀਂ ਕਾਰ Tata Nexon EV Max ਹੈ। ਇਸ ਦੀ ਕੀਮਤ 16.49 ਲੱਖ ਰੁਪਏ ਤੋਂ 19.54 ਲੱਖ ਰੁਪਏ ਤੱਕ ਹੈ। ਇਸ ਵਿੱਚ 40.5 kWh ਦਾ ਬੈਟਰੀ ਪੈਕ ਹੈ ਅਤੇ ਇਸਦੀ 453 ਕਿਲੋਮੀਟਰ ਤੱਕ ਦੀ ਡਰਾਈਵਿੰਗ ਰੇਂਜ ਹੈ।