Royal Enfield: ਬੁਲੇਟ ਦੇ ਸ਼ੌਕੀਨਾਂ ਲਈ ਖੁਸ਼ਖਬਰੀ! ਨਵੀਂ ਜੈਨਰੇਸ਼ਨ Classic 350 ਲਾਂਚ, ਕੀਮਤ 4.47 ਲੱਖ ਰੁਪਏ, ਜਾਣੋ ਫੀਚਰਸ
ਰਾਇਲ ਐਨਫੀਲਡ ਕਲਾਸਿਕ 350 ਨਾ ਸਿਰਫ਼ ਭਾਰਤੀ ਬਾਜ਼ਾਰ 'ਚ ਸਗੋਂ ਪੂਰੀ ਦੁਨੀਆ ਵਿੱਚ ਬਹੁਤ ਹੀ ਪ੍ਰਸਿੱਧ ਰੈਟਰੋ ਮੋਟਰਸਾਈਕਲ ਹੈ। ਸਤੰਬਰ 2021 ਵਿੱਚ ਮਦਰਾਸ ਸਥਿਤ ਭਾਰਤੀ ਦੋ ਪਹੀਆ ਵਾਹਨ ਨਿਰਮਾਤਾ ਨੇ ਭਾਰਤ ਵਿੱਚ ਨਵੀਂ ਪੀੜ੍ਹੀ ਦੇ ਕਲਾਸਿਕ 350 ਨੂੰ ਲਾਂਚ ਕੀਤਾ।
Download ABP Live App and Watch All Latest Videos
View In Appਹੁਣ ਇਸ ਮੋਟਰਸਾਈਕਲ ਨੂੰ ਯੂਨਾਈਟਿਡ ਕਿੰਗਡਮ ਵਿੱਚ ਵੀ ਲਾਂਚ ਕੀਤਾ ਗਿਆ ਹੈ। ਮੇਡ-ਇਨ-ਇੰਡੀਆ ਨਿਊ ਜੈਨਰੇਸ਼ਨ ਰਾਇਲ ਐਨਫੀਲਡ ਕਲਾਸਿਕ 350 ਨੂੰ ਯੂਕੇ ਵਿੱਚ GBP 4439 (ਲਗਪਗ 4.47 ਲੱਖ ਰੁਪਏ) ਦੀ ਸ਼ੁਰੂਆਤੀ ਕੀਮਤ 'ਤੇ ਲਾਂਚ ਕੀਤਾ ਗਿਆ ਹੈ।
ਰਾਇਲ ਐਨਫੀਲਡ ਕਲਾਸਿਕ 350 ਨੂੰ ਭਾਰਤ ਵਿੱਚ ਪਹਿਲੀ ਵਾਰ 2008 ਵਿੱਚ ਲਾਂਚ ਕੀਤਾ ਗਿਆ ਸੀ ਤੇ 13 ਸਾਲਾਂ ਬਾਅਦ ਇਸ ਨੂੰ ਹੁਣ ਤੱਕ ਦਾ ਸਭ ਤੋਂ ਵੱਡਾ ਅਪਡੇਟ ਮਿਲਿਆ ਹੈ।
ਇਸ ਤੋਂ ਇਲਾਵਾ, ਆਪਣੀ ਅਧਿਕਾਰਤ ਸ਼ੁਰੂਆਤ ਦੇ 100 ਦਿਨਾਂ ਦੇ ਅੰਦਰ ਨਵੀਂ ਪੀੜ੍ਹੀ ਦੇ ਕਲਾਸਿਕ 350 ਨੇ ਦੇਸ਼ ਵਿੱਚ 1 ਲੱਖ ਯੂਨਿਟਾਂ ਦੇ ਉਤਪਾਦਨ ਦਾ ਟੀਚਾ ਹਾਸਲ ਕਰ ਲਿਆ ਹੈ। ਇਸ ਦੇ ਨਾਲ ਹੀ ਯੂਕੇ ਮੇਡ-ਇਨ-ਇੰਡੀਆ ਨਵੀਂ ਪੀੜ੍ਹੀ ਕਲਾਸਿਕ 350 ਹਾਸਲ ਕਰਨ ਵਾਲਾ ਨਵਾਂ ਦੇਸ਼ ਹੈ।
ਇਹ ਯੂਰਪ, ਦੱਖਣੀ ਏਸ਼ੀਆ, ਆਸਟਰੇਲੀਆ ਤੇ ਦੱਖਣੀ ਅਮਰੀਕਾ ਸਮੇਤ ਕੁਝ ਹੋਰ ਗਲੋਬਲ ਬਾਜ਼ਾਰਾਂ ਵਿੱਚ ਪਹਿਲਾਂ ਹੀ ਵਿਕਰੀ 'ਤੇ ਹੈ।
ਨਵੀਂ-ਜਨਰੇਸ਼ਨ ਰਾਇਲ ਐਨਫੀਲਡ ਕਲਾਸਿਕ 350 ਇੱਕ 349cc, ਸਿੰਗਲ-ਸਿਲੰਡਰ, ਏਅਰ- ਅਤੇ ਆਇਲ-ਕੂਲਡ, ਫਿਊਲ-ਇੰਜੈਕਟਿਡ ਇੰਜਣ ਰਾਹੀਂ ਸੰਚਾਲਿਤ ਹੈ ਜੋ 20 hp ਦੀ ਅਧਿਕਤਮ ਪਾਵਰ ਅਤੇ 27 Nm ਦਾ ਪੀਕ ਟਾਰਕ ਜਨਰੇਟ ਕਰਦਾ ਹੈ। ਇੰਜਣ 5-ਸਪੀਡ ਮੈਨੂਅਲ ਗਿਅਰਬਾਕਸ ਨਾਲ ਮੇਲ ਖਾਂਦਾ ਹੈ। ਇਹ ਉਹੀ ਮੋਟਰ ਹੈ ਜੋ Royal Enfield Meteor 350 'ਤੇ ਵੀ ਹੈ।
ਇਸ ਰੈਟਰੋ ਮੋਟਰਸਾਈਕਲ ਦੇ ਸਾਹਮਣੇ ਟੈਲੀਸਕੋਪਿਕ ਫੋਰਕਸ ਤੇ ਪਿਛਲੇ ਪਾਸੇ ਡਿਊਲ ਸਪ੍ਰਿੰਗ-ਲੋਡਡ ਸ਼ੌਕ ਐਬਜ਼ੋਰਬਰਸ ਹਨ। ਬ੍ਰੇਕਿੰਗ ਲਈ, ਇਸ ਵਿੱਚ ਅੱਗੇ ਇੱਕ ਡਿਸਕ ਬ੍ਰੇਕ ਹੈ, ਜਦੋਂਕਿ ਪਿਛਲੇ ਪਾਸੇ, ਇੱਕ ਸਿੰਗਲ ਜਾਂ ਡੁਅਲ-ਚੈਨਲ ABS ਦੇ ਨਾਲ ਇੱਕ ਡਿਸਕ ਜਾਂ ਡਰੱਮ ਯੂਨਿਟ ਵਿੱਚੋਂ ਚੁਣ ਸਕਦਾ ਹੈ।