Twitter 'ਤੇ ਦਿਲ ਖੋਲ ਕੇ ਲਿਖੋ ਆਪਣੇ ਵਿਚਾਰ, 10,000 ਹੋਈ ਟੈਕਸਟ ਲਿਮਿਟ

Twitter Blue subscribers: ਜੇ ਤੁਸੀਂ ਟਵਿੱਟਰ ਬਲੂ ਦੀ ਵਰਤੋਂ ਕਰਦੇ ਹੋ ਤਾਂ ਤੁਹਾਡੇ ਲਈ ਖੁਸ਼ਖਬਰੀ ਹੈ। ਹੁਣ ਤੁਸੀਂ ਟਵਿੱਟਰ 'ਤੇ ਖੁੱਲ੍ਹ ਕੇ ਆਪਣੇ ਸ਼ਬਦ ਲਿਖ ਸਕਦੇ ਹੋ।

ਟਵਿੱਟਰ

Twitter Blue: ਐਲੋਨ ਮਸਕ ਨੇ ਟਵਿਟਰ ਬਲੂ ਸਬਸਕ੍ਰਾਈਬਰ ਨੂੰ ਇੱਕ ਹੋਰ ਤੋਹਫਾ ਦਿੱਤਾ ਹੈ ਅਤੇ ਹੁਣ ਯੂਜ਼ਰਸ ਟਵਿੱਟਰ 'ਤੇ 280 ਅੱਖਰਾਂ ਦੀ ਬਜਾਏ 10,000 ਅੱਖਰ ਤੱਕ ਲਿਖ ਸਕਦੇ ਹਨ। ਪਹਿਲਾਂ ਟਵਿਟਰ ਬਲੂ ਯੂਜ਼ਰਸ ਪਲੇਟਫਾਰਮ 'ਤੇ 4,000 ਅੱਖਰ ਤੱਕ ਲਿਖ ਸਕਦੇ ਸਨ ਪਰ ਹੁਣ ਕੰਪਨੀ ਨੇ ਇਸ ਨੂੰ ਵਧਾ ਕੇ 10,000 ਕਰ ਦਿੱਤਾ ਹੈ। ਫਿਲਹਾਲ ਇਸ ਅਪਡੇਟ ਨੂੰ ਕੰਪਨੀ ਨੇ ਸਿਰਫ ਅਮਰੀਕਾ 'ਚ ਮੌਜੂਦ ਯੂਜ਼ਰਸ ਲਈ ਰੋਲਆਊਟ ਕੀਤਾ ਹੈ, ਜਿਸ ਨੂੰ ਹੌਲੀ-ਹੌਲੀ ਹੋਰ ਦੇਸ਼ਾਂ 'ਚ ਵੀ ਸ਼ੁਰੂ ਕੀਤਾ ਜਾਵੇਗਾ।

ਬਦਲ ਸਕੋਗੇ ਟਵੀਟ ਦੇ ਫੌਂਟ : ਟਵਿਟਰ ਬਲੂ ਯੂਜ਼ਰਸ ਨਾ ਸਿਰਫ ਲੰਬੇ ਟਵੀਟ ਪੋਸਟ ਕਰ ਸਕਣਗੇ ਸਗੋਂ ਆਪਣੇ ਟਵੀਟਸ ਦੇ ਫੌਂਟ ਅਤੇ ਸਟਾਈਲ ਨੂੰ ਵੀ ਬਦਲ ਸਕਣਗੇ। ਯਾਨੀ ਤੁਸੀਂ ਟਵੀਟ ਨੂੰ ਬੋਲਡ ਅਤੇ ਇਟਾਲਿਕ ਫਾਰਮੈਟ ਵਿੱਚ ਪੋਸਟ ਕਰ ਸਕਦੇ ਹੋ। ਕੰਪਨੀ ਨੇ ਇਸ ਅਪਡੇਟ ਨੂੰ ਖਾਸ ਤੌਰ 'ਤੇ ਉਨ੍ਹਾਂ ਸਿਰਜਣਹਾਰਾਂ ਲਈ ਜਾਰੀ ਕੀਤਾ ਹੈ ਜੋ ਆਪਣੇ ਗਾਹਕਾਂ ਲਈ ਲੰਬੀਆਂ ਅਤੇ ਦਿਲਚਸਪ ਪੋਸਟਾਂ ਲਿਖਦੇ ਹਨ।