Aishwarya Rai: ਐਸ਼ਵਰਿਆ ਰਾਏ ਆਪਣੇ ਪਤੀ ਅਭਿਸ਼ੇਕ ਬੱਚਨ ਤੋਂ ਹੋ ਚੁੱਕੀ ਹੈ ਅਲੱਗ? ਇਨ੍ਹਾਂ ਗੱਲਾਂ ਤੋਂ ਮਿਲਦਾ ਹੈ ਸਬੂਤ

Aishwarya Rai Bachchan: ਲੰਬੇ ਸਮੇਂ ਤੋਂ ਐਸ਼ ਤੇ ਅਭਿਸ਼ੇਕ ਨੂੰ ਇਕੱਠੇ ਨਹੀਂ ਦੇਖਿਆ ਗਿਆ ਹੈ। ਇੱਥੋਂ ਤੱਕ ਕਿ ਦੀਵਾਲੀ ਪਾਰਟੀ 'ਚ ਵੀ ਐਸ਼ਵਰਿਆ ਰਾਏ ਇਕੱਲੀ ਹੀ ਪਹੁੰਚੀ ਸੀ। ਉਨ੍ਹਾਂ ਦੇ ਨਾਲ ਬੱਚਨ ਪਰਿਵਾਰ ਦਾ ਕੋਈ ਵੀ ਮੈਂਬਰ ਮੌਜੂਦ ਨਹੀਂ ਸੀ।

ਐਸ਼ਵਰਿਆ ਰਾਏ ਆਪਣੇ ਪਤੀ ਅਭਿਸ਼ੇਕ ਬੱਚਨ ਤੋਂ ਹੋ ਚੁੱਕੀ ਹੈ ਅਲੱਗ? ਇਨ੍ਹਾਂ ਗੱਲਾਂ ਤੋਂ ਮਿਲਦਾ ਹੈ ਸਬੂਤ

ਬਾਲੀਵੁੱਡ ਦੀ ਸਭ ਤੋਂ ਸੁੰਦਰ ਅਭਿਨੇਤਰੀ ਐਸ਼ਵਰਿਆ ਰਾਏ ਇੰਨੀਂ ਦਿਨੀਂ ਖੂਬ ਸੁਰਖੀਆਂ 'ਚ ਬਣੀ ਹੋਈ ਹੈ। ਉਸ ਦਾ ਆਪਣੇ ਸਹੁਰੇ ਪਰਿਵਾਰ ਨਾਲ ਕਲੇਸ਼ ਕਿਸੇ ਤੋਂ ਲੁਕਿਆ ਨਹੀਂ ਹੈ। ਜ਼ਾਹਰ ਹੈ ਕਿਤੇ ਨਾ ਕਿਤੇ ਇਸ ਦਾ ਅਸਰ ਐਸ਼ਵਰਿਆ ਦੇ ਆਪਣੇ ਪਤੀ ਨਾਲ ਰਿਸ਼ਤੇ 'ਤੇ ਵੀ ਪੈ ਰਿਹਾ ਹੋਵੇਗਾ।

ਕਿਉਂਕਿ ਲੰਬੇ ਸਮੇਂ ਤੋਂ ਐਸ਼ ਤੇ ਅਭਿਸ਼ੇਕ ਨੂੰ ਇਕੱਠੇ ਨਹੀਂ ਦੇਖਿਆ ਗਿਆ ਹੈ। ਜਿਸ ਤੋਂ ਬਾਅਦ ਹੁਣ ਲੋਕਾਂ ਨੇ ਇਹ ਕਿਆਸ ;ਲਗਾਉਣੇ ਸ਼ੁਰੂ ਕਰ ਦਿੱਤੇ ਹਨ ਕਿ ਇਹ ਜੋੜੇ ਨੇ ਇੱਕ ਦੂਜੇ ਤੋਂ ਆਪਣੇ ਰਾਹ ਵੱਖ ਕਰ ਲਏ ਹਨ। ਇਹ ਨਹੀਂ ਹੈ ਕਿ ਆਮ ਜਨਤਾ ਜਾਂ ਮੀਡੀਆ ਹੀ ਇਨ੍ਹਾਂ ਦੇ ਵੱਖ ਹੋਣ ਦੀ ਚਰਚਾ ਕਰ ਰਹੇ ਹਨ, ਬਲਕਿ ਐਸ਼ ਦੀਆਂ ਐਕਟੀਵਿਟੀਜ਼ ਤੋਂ ਵੀ ਇਹ ਸਾਬਤ ਹੋ ਰਿਹਾ ਹੈ ਕਿ ਕਿਤੇ ਨਾ ਕਿਤੇ ਇਸ ਜੋੜੇ ਦਾ ਰਿਸ਼ਤਾ ਠੀਕ ਹਾਲਾਤ ਵਿੱਚੋਂ ਨਹੀਂ ਲੰਘ ਰਿਹਾ ਹੈ। ਇਹ ਹਨ ਇਸ ਨਾਲ ਜੁੜੇ ਕਈ ਪੁਆਇੰਟਸ ਜਿਸ ਨੂੰ ਪੜ੍ਹ ਤੁਹਾਨੂੰ ਵੀ ਇਹ ਯਕੀਨ ਹੋ ਜਾਵੇਗਾ ਕਿ ਅਸੀਂ ਗਲਤ ਨਹੀਂ ਕਹਿ ਰਹੇ ਹਾਂ।

ਪਿਛਲੇ ਲੰਬੇ ਸਮੇਂ ਤੋਂ ਐਸ਼ ਤੇ ਅਭਿਸ਼ੇਕ ਨੂੰ ਇਕੱਠੇ ਨਹੀਂ ਦੇਖਿਆ ਗਿਆ ਹੈ। ਇੱਥੋਂ ਤੱਕ ਕਿ ਦੀਵਾਲੀ ਪਾਰਟੀ 'ਚ ਵੀ ਐਸ਼ਵਰਿਆ ਰਾਏ ਇਕੱਲੀ ਹੀ ਪਹੁੰਚੀ ਸੀ। ਉਨ੍ਹਾਂ ਦੇ ਨਾਲ ਬੱਚਨ ਪਰਿਵਾਰ ਦਾ ਕੋਈ ਵੀ ਮੈਂਬਰ ਮੌਜੂਦ ਨਹੀਂ ਸੀ। ਕਿਉਂਕਿ ਇਸ ਤੋਂ ਪਹਿਲਾਂ ਐਸ਼ਵਰਿਆ-ਅਭਿਸ਼ੇਕ ਤੇ ਆਰਾਧਿਆ ਨੂੰ ਇਕੱਠੇ ਹੀ ਸਪੌਟ ਕੀਤਾ ਜਾਂਦਾ ਸੀ। ਪਰ ਹੁਣ ਲੰਬੇ ਸਮੇਂ ਤੋਂ ਐਸ਼ਵਰਿਆ ਨੂੰ ਆਪਣੇ ਪਤੀ ਨਾਲ ਕਿਸੇ ਵੀ ਈਵੈਂਟ 'ਚ ਨਹੀਂ ਦੇਖਿਆ ਗਿਆ ਹੈ।

ਐਸ਼ਵਰਿਆ ਪਹਿਲਾਂ ਅਕਸਰ ਆਪਣੇ ਪੂਰੇ ਪਰਿਵਾਰ ਯਾਨਿ ਅਭਿਸ਼ੇਕ ਤੇ ਆਰਾਧਿਆ ਨਾਲ ਤਸਵੀਰਾਂ ਸ਼ੇਅਰ ਕਰਦੀ ਹੁੰਦੀ ਸੀ, ਪਰ ਹੁਣ ਲੰਬੇ ਸਮੇਂ ਤੋਂ ਐਸ਼ਵਰਿਆ ਆਪਣੀ ਤੇ ਆਰਾਧਿਆ ਦੀਆਂ ਤਸਵੀਰਾਂ ਹੀ ਸ਼ੇਅਰ ਕਰਦੀ ਹੈ। ਐਸ਼ ਦੇ ਸੋਸ਼ਲ ਮੀਡੀਆ ਤੋਂ ਅਭਿਸ਼ੇਕ ਦਾ ਗਾਇਬ ਹੋਣਾ ਇਸ ਗੱਲ ਦਾ ਸਬੂਤ ਹੈ।

ਹਾਲ ਹੀ 'ਚ ਐਸ਼ਵਰਿਆ ਦੇ ਪਿਤਾ ਦੀ ਬਰਥ ਐਨੀਵਰਸਰੀ ਸੀ, ਜਿਸ ਵਿੱਚ ਐਸ਼ ਤੇ ਆਰਾਧਿਆ ਦੇ ਨਾਲ ਉਸ ਦਾ ਪੇਕਾ ਪਰਿਵਾਰ ਨਜ਼ਰ ਆਇਆ ਸੀ। ਪਰ ਹਮੇਸ਼ਾ ਦੀ ਤਰ੍ਹਾਂ ਅਭਿਸ਼ੇਕ ਤੇ ਪੂਰਾ ਬੱਚਨ ਪਰਿਵਾਰ ਗਾਇਬ ਸੀ।

ਐਸ਼ਵਰਿਆ ਨੇ ਆਪਣਾ ਜਨਮਦਿਨ ਵੀ ਆਪਣੀ ਮਾਂ ਤੇ ਧੀ ਨਾਲ ਸੈਲੀਬ੍ਰੇਟ ਕੀਤਾ ਸੀ।

ਦੀਵਾਲੀ ਦੇ ਮੌਕੇ 'ਤੇ ਵੀ ਐਸ਼ਵਰਿਆ ਆਪਣੀ ਧੀ ਨਾਲ ਮੁੰਬਈ ਤੋਂ ਬਾਹਰ ਚਲੀ ਗਈ ਸੀ। ਪਰ ਉਨ੍ਹਾਂ ਦੇ ਨਾਲ ਅਭਿਸ਼ੇਕ ਨਹੀਂ ਸੀ। ਇਹੀ ਨਹੀਂ ਦੀਵਾਲੀ ਮੌਕੇ ਲਕਸ਼ਮੀ ਪੂਜਾ ਵੀ ਐਸ਼ ਦੀ ਜਗ੍ਹਾ ਅਮਿਤਾਭ ਦੀ ਧੀ ਸ਼ਵੇਤਾ ਨੰਦਾ ਨੇ ਕੀਤੀ ਸੀ।

ਇਨ੍ਹਾਂ ਸਭ ਗੱਲਾਂ ਨੂੰ ਦੇਖਦੇ ਹੋਏ ਹਰ ਕਿਸੇ ਦੇ ਮਨ 'ਚ ਇਹ ਸਵਾਲ ਉੱਠ ਰਹੇ ਹਨ ਕਿ ਆਖਰ ਐਸ਼ ਆਪਣੇ ਪਤੀ ਨਾਲ ਪਬਲਿਕ ;ਚ ਨਜ਼ਰ ਕਿਉਂ ਨਹੀਂ ਆਉਂਦੀ ਤੇ ਨਾ ਹੀ ਉਸ ਦੇ ਨਾਲ ਸੋਸ਼ਲ ਮੀਡੀਆ 'ਤੇ ਕੋਈ ਤਸਵੀਰ ਸ਼ੇਅਰ ਕਰਦੀ ਹੈ। ਕਈ ਲੋਕਾਂ ਦਾ ਕਹਿਣਾ ਹੈ ਕਿ ਐਸ਼ਵਰਿਆ ਆਪਣੀ ਮਾਂ ਦੇ ਘਰ ਸ਼ਿਫਟ ਹੋ ਗਈ ਹੈ।