Vicky Kaushal: ਵਿੱਕੀ ਕੌਸ਼ਲ ਤੋਂ ਸੁਣੋ ਬਾਲੀਵੁੱਡ ਫਿਲਮਾਂ ਫਲਾਪ ਹੋਣ ਦੀ ਵਜ੍ਹਾ

ਵਿੱਕੀ ਕੌਸ਼ਲ ਆਪਣੀ ਸ਼ਾਨਦਾਰ ਅਦਾਕਾਰੀ ਲਈ ਜਾਣੇ ਜਾਂਦੇ ਹਨ। ਕੁਝ ਦਿਨ ਪਹਿਲਾਂ ਉਨ੍ਹਾਂ ਦੀ ਨਵੀਂ ਫਿਲਮ ਗੋਵਿੰਦਾ ਨਾਮ ਮੇਰਾ ਰਿਲੀਜ਼ ਹੋਈ ਹੈ, ਜਿਸ ਨੂੰ ਲੋਕਾਂ ਵੱਲੋਂ ਚੰਗਾ ਹੁੰਗਾਰਾ ਮਿਲ ਰਿਹਾ ਹੈ।

ਵਿੱਕੀ ਕੌਸ਼ਲ ਨੇ ਇਸ ਫਿਲਮ 'ਚ ਕਿਆਰਾ ਅਡਵਾਨੀ ਅਤੇ ਭੂਮੀ ਪੇਡਨੇਕਰ ਨਾਲ ਕੰਮ ਕੀਤਾ ਹੈ। ਇਸ ਦੌਰਾਨ ਵਿੱਕੀ ਨੇ ਦੱਸਿਆ ਕਿ ਦਰਸ਼ਕ ਹੁਣ ਕਿਸ ਤਰ੍ਹਾਂ ਦੀਆਂ ਫਿਲਮਾਂ ਨੂੰ ਪਸੰਦ ਕਰ ਰਹੇ ਹਨ।

ਵਿੱਕੀ ਕੌਸ਼ਲ ਨੇ ਗੱਲਬਾਤ 'ਚ ਕਿਹਾ, 'ਮੈਨੂੰ ਲੱਗਦਾ ਹੈ ਕਿ ਚੰਗੀਆਂ ਫਿਲਮਾਂ ਵਧੀਆ ਪ੍ਰਸਰਸ਼ਨ ਕਰ ਰਹੀਆਂ ਹਨ। ਇੱਥੋਂ ਤੱਕ ਕਿ ਲੋਕਾਂ ਨੇ ਇਸ ਗੱਲ ਨੂੰ ਹੋਰ ਸਰਲ ਬਣਾ ਦਿੱਤਾ ਹੈ।

ਜੇਕਰ ਉਨ੍ਹਾਂ ਨੂੰ ਕੋਈ ਫਿਲਮ ਪਸੰਦ ਆਉਂਦੀ ਹੈ, ਭਾਵੇਂ ਭਾਸ਼ਾ, ਸ਼ੈਲੀ ਜਾਂ ਪੈਮਾਨੇ ਦੀ ਪਰਵਾਹ ਕੀਤੇ ਬਿਨਾਂ, ਲੋਕ ਉਸ 'ਤੇ ਬਹੁਤ ਪਿਆਰ ਦੀ ਵਰਖਾ ਕਰਦੇ ਹਨ। ਦਰਸ਼ਕਾਂ ਨੇ ਹੁਣ ਇਸਨੂੰ ਬਹੁਤ ਆਸਾਨ ਬਣਾ ਦਿੱਤਾ ਹੈ।

ਅਦਾਕਾਰ ਨੇ ਅੱਗੇ ਕਿਹਾ ਕਿ ਦਰਸ਼ਕਾਂ ਦਾ ਸਪੱਸ਼ਟ ਕਹਿਣਾ ਹੈ ਕਿ 'ਸਾਨੂੰ ਫਿਲਮ ਚੰਗੀ ਲੱਗਣੀ ਚਾਹੀਦੀ ਹੈ।'। ਤੁਸੀਂ ਦੇਖ ਸਕਦੇ ਹੋ ਕਿ ਭੂਲ ਭੁਲਈਆ 2, ਕੇਜੀਐਫ 2, ਆਰਆਰਆਰ, ਦ੍ਰਿਸ਼ਯਮ 2 ਵਰਗੀਆਂ ਫਿਲਮਾਂ ਨੇ ਬਾਕਸ ਆਫਿਸ 'ਤੇ ਵਧੀਆ ਪ੍ਰਦਰਸ਼ਨ ਕੀਤਾ, ਜਦੋਂ ਕਿ ਇਹ ਇੱਕੋ ਭਾਸ਼ਾ ਦੀਆਂ ਫਿਲਮਾਂ ਨਹੀਂ ਸਨ, ਨਾ ਹੀ ਇਨ੍ਹਾਂ ਦਾ ਪੈਮਾਨਾ ਅਤੇ ਮਾਰਕੀਟਿੰਗ ਇੱਕੋ ਜਿਹੀ ਸੀ।

ਤਿੰਨ ਸਾਲ ਪਹਿਲਾਂ ਕਿਹਾ ਜਾਂਦਾ ਸੀ ਕਿ ਤੁਸੀਂ ਜਿੰਨੀ ਜ਼ਿਆਦਾ ਮਾਰਕੀਟਿੰਗ ਕਰੋਗੇ, ਤੁਹਾਡੀ ਫਿਲਮ ਓਨੀ ਹੀ ਜ਼ਿਆਦਾ ਚੱਲੇਗੀ, ਪਰ ਹੁਣ ਅਜਿਹਾ ਬਿਲਕੁਲ ਨਹੀਂ ਹੈ। ਅੱਜ ਜੇਕਰ ਲੋਕ ਫਿਲਮ ਪਸੰਦ ਕਰਦੇ ਹਨ ਤਾਂ ਉਹ ਦੇਖਦੇ ਹਨ। ਮੈਨੂੰ ਲੱਗਦਾ ਹੈ ਕਿ ਅਸੀਂ ਅਜਿਹੇ ਸਮੇਂ 'ਚ ਹਾਂ, ਜਿਸ 'ਚ ਦਰਸ਼ਕ ਸਾਫ ਕਹਿ ਰਹੇ ਹਨ ਕਿ ਚੰਗੀ ਫਿਲਮ ਬਣਾਓ ਅਸੀਂ ਤੁਹਾਨੂੰ ਪਿਆਰ ਦੇਵਾਂਗੇ।