Ankita Lokhande B’day: ਬਚਪਨ ਤੋਂ ਹੀ ਸੀ ਏਅਰ ਹੋਸਟੈੱਸ ਬਣਨ ਦਾ ਸੁਪਨਾ, ਫਿਰ 'ਅਰਚਨਾ' ਬਣ ਕੇ ਬਣਾਈ ਵੱਖਰੀ ਪਛਾਣ
ਇੰਦੌਰ 'ਚ 19 ਦਸੰਬਰ 1984 ਨੂੰ ਮਹਾਰਾਸ਼ਟਰੀ ਪਰਿਵਾਰ 'ਚ ਜਨਮੀ ਅੰਕਿਤਾ ਅੱਜ ਆਪਣਾ ਜਨਮਦਿਨ ਮਨਾ ਰਹੀ ਹੈ। ਅਦਾਕਾਰਾ ਦੇ ਜਨਮਦਿਨ ਦੇ ਮੌਕੇ 'ਤੇ ਆਓ ਤੁਹਾਨੂੰ ਦੱਸਦੇ ਹਾਂ ਉਨ੍ਹਾਂ ਦੀ ਜ਼ਿੰਦਗੀ ਨਾਲ ਜੁੜੀਆਂ ਕੁਝ ਦਿਲਚਸਪ ਗੱਲਾਂ।
Download ABP Live App and Watch All Latest Videos
View In Appਅੰਕਿਤਾ ਲੋਖੰਡੇ ਦੇ ਨਾਂ ਨਾਲ ਮਸ਼ਹੂਰ ਅਦਾਕਾਰਾ ਦਾ ਅਸਲੀ ਨਾਂ ਤਨੂਜਾ ਲੋਖੰਡੇ ਹੈ। ਅੰਕਿਤਾ ਦੇ ਪਿਤਾ ਸ਼ਸ਼ੀਕਾਂਤ ਲੋਖੰਡੇ ਪੇਸ਼ੇ ਤੋਂ ਬੈਂਕਰ ਹਨ ਅਤੇ ਮਾਂ ਵੰਦਨਾ ਟੀਚਰ ਹੈ। ਇੰਦੌਰ ਤੋਂ ਆਪਣੀ ਪੜ੍ਹਾਈ ਪੂਰੀ ਕਰਨ ਵਾਲੀ ਅਰਚਨਾ ਨੂੰ ਕਦੇ ਵੀ ਅਦਾਕਾਰੀ ਵਿੱਚ ਦਿਲਚਸਪੀ ਨਹੀਂ ਸੀ ਅਤੇ ਨਾ ਹੀ ਉਸ ਦਾ ਪਰਿਵਾਰ ਚਾਹੁੰਦਾ ਸੀ ਕਿ ਉਹ ਅਦਾਕਾਰਾ ਬਣੇ। ਅਜਿਹੇ 'ਚ ਜਦੋਂ ਅੰਕਿਤਾ ਨੇ ਛੋਟੇ ਪਰਦੇ ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਤਾਂ ਪਰਿਵਾਰ ਨੇ ਵੀ ਉਸ ਦਾ ਸਾਥ ਨਹੀਂ ਦਿੱਤਾ ਸੀ।
ਅੰਕਿਤਾ ਲੋਖੰਡੇ ਹਮੇਸ਼ਾ ਤੋਂ ਏਅਰ ਹੋਸਟੈੱਸ ਬਣਨਾ ਚਾਹੁੰਦੀ ਸੀ ਅਤੇ ਅਜਿਹੇ 'ਚ ਉਨ੍ਹਾਂ ਨੇ ਫਰੈਂਕਫਿਨ ਅਕੈਡਮੀ ਵੀ ਜੁਆਇਨ ਕੀਤੀ ਸੀ ਪਰ ਜਿਵੇਂ ਕਿ ਕਹਿੰਦੇ ਹਨ ਕਿ ਕਿਸਮਤ 'ਚ ਜੋ ਲਿਖਿਆ ਹੁੰਦਾ ਹੈ, ਉਹ ਜ਼ਰੂਰ ਹੁੰਦਾ ਹੈ। ਅਜਿਹੇ 'ਚ ਜ਼ੀ ਸਿਨੇਸਟਾਰ ਦੀ ਖੋਜ ਇੰਦੌਰ 'ਚ ਸ਼ੁਰੂ ਹੋਈ ਅਤੇ ਉਸ ਨੂੰ ਇਸ 'ਚ ਚੁਣ ਲਿਆ ਗਿਆ।
ਇਸ ਸ਼ੋਅ ਦੌਰਾਨ ਅੰਕਿਤਾ ਨੂੰ ਐਕਟਿੰਗ ਪਸੰਦ ਆਉਣ ਲੱਗੀ ਅਤੇ ਉਸ ਦਾ ਰੁਝਾਨ ਇਸ ਦਿਸ਼ਾ ਵੱਲ ਵਧਦਾ ਗਿਆ। ਹਾਲਾਂਕਿ ਉਨ੍ਹਾਂ ਦੇ ਮਾਤਾ-ਪਿਤਾ ਪਹਿਲਾਂ ਤਾਂ ਅੰਕਿਤਾ ਨੂੰ ਅਭਿਨੇਤਰੀ ਬਣਦੇ ਨਹੀਂ ਦੇਖਣਾ ਚਾਹੁੰਦੇ ਸਨ, ਪਰ ਜਦੋਂ ਉਨ੍ਹਾਂ ਨੇ ਦੇਖਿਆ ਕਿ ਬੇਟੀ ਇਸ 'ਚ ਦਿਲਚਸਪੀ ਲੈ ਰਹੀ ਹੈ ਤਾਂ ਉਹ ਵੀ ਮੰਨ ਗਏ।
2004 'ਚ ਅੰਕਿਤਾ ਮੁੰਬਈ ਆਈ ਅਤੇ ਮਾਡਲਿੰਗ ਦੀ ਦੁਨੀਆ 'ਚ ਐਂਟਰੀ ਕੀਤੀ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਸ਼ੋਅ 'ਬਲੀ ਉਮਰ ਕੋ ਸਲਾਮ' ਨਾਲ ਡੈਬਿਊ ਕਰਨ ਦਾ ਮੌਕਾ ਮਿਲਿਆ ਪਰ ਇਹ ਕਦੇ ਆਨ ਏਅਰ ਨਹੀਂ ਹੋਇਆ। ਇਸ ਤੋਂ ਬਾਅਦ ਅੰਕਿਤਾ ਨੂੰ ਏਕਤਾ ਕਪੂਰ ਦੀ ਪਵਿੱਤਰ ਰਿਸ਼ਤਾ 'ਚ ਕੰਮ ਮਿਲਿਆ, ਜਿਸ 'ਚ ਅਰਚਨਾ ਦੇ ਕਿਰਦਾਰ ਨੇ ਉਸ ਨੂੰ ਇੱਕ ਵੱਖਰੀ ਪਛਾਣ ਦਿੱਤੀ। ਇਸ ਸ਼ੋਅ ਨੇ ਅੰਕਿਤਾ ਨੂੰ ਹਰ ਘਰ 'ਚ ਮਸ਼ਹੂਰ ਕਰ ਦਿੱਤਾ ਸੀ।
ਇਸ ਤੋਂ ਬਾਅਦ ਉਹ 'ਝਲਕ ਦਿਖਲਾ ਜਾ 4' 'ਚ ਨਜ਼ਰ ਆਈ। 2019 ਵਿੱਚ, ਅੰਕਿਤਾ ਨੇ ਕੰਗਨਾ ਰਣੌਤ ਦੀ ਫਿਲਮ 'ਮਣੀਕਰਨਿਕਾ' ਨਾਲ ਵੱਡੇ ਪਰਦੇ 'ਤੇ ਕਦਮ ਰੱਖਿਆ। ਉਹ 2020 ਵਿੱਚ ਟਾਈਗਰ ਸ਼ਰਾਫ ਦੇ ਨਾਲ 'ਬਾਗੀ 3' ਵਿੱਚ ਵੀ ਨਜ਼ਰ ਆਈ ਸੀ।
ਅੰਕਿਤਾ ਲੋਖੰਡੇ ਨੂੰ 'ਝਲਕ ਦਿਖਲਾ ਜਾ 4' ਦੌਰਾਨ 'ਪਵਿਤਰ ਰਿਸ਼ਤਾ' ਕਾਸਟਾਰ ਅਤੇ ਮਰਹੂਮ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਨੇ ਪ੍ਰਪੋਜ਼ ਕੀਤਾ ਸੀ। ਦੋਵੇਂ ਲੰਬੇ ਸਮੇਂ ਤੋਂ ਰਿਲੇਸ਼ਨਸ਼ਿਪ 'ਚ ਸਨ ਪਰ 2016 'ਚ ਉਨ੍ਹਾਂ ਦਾ ਬ੍ਰੇਕਅੱਪ ਹੋ ਗਿਆ। ਸੁਸ਼ਾਂਤ ਨਾਲ ਬ੍ਰੇਕਅੱਪ ਤੋਂ ਬਾਅਦ ਅੰਕਿਤਾ ਟੁੱਟ ਗਈ ਸੀ ਅਤੇ ਅਜਿਹੇ 'ਚ ਵਿੱਕੀ ਜੈਨ ਉਸ ਦਾ ਸਹਾਰਾ ਬਣ ਗਿਆ ਸੀ। ਹੌਲੀ-ਹੌਲੀ ਦੋਸਤੀ ਪਿਆਰ ਵਿੱਚ ਬਦਲ ਗਈ ਅਤੇ 2019 ਵਿੱਚ ਵਿੱਕੀ ਨੇ ਅੰਕਿਤਾ ਨੂੰ ਵਿਆਹ ਲਈ ਪ੍ਰਪੋਜ਼ ਕੀਤਾ।
ਵਿੱਕੀ ਜੈਨ ਅਤੇ ਅੰਕਿਤਾ ਲੋਖੰਡੇ ਦਾ ਵਿਆਹ ਦਸੰਬਰ 2021 ਵਿੱਚ ਹੋਇਆ ਸੀ। ਵਿਆਹ ਤੋਂ ਬਾਅਦ ਦੋਵੇਂ ਸ਼ੋਅ 'ਸਮਾਰਟ ਜੋੜੀ' 'ਚ ਇਕੱਠੇ ਨਜ਼ਰ ਆਏ ਅਤੇ ਇਸ ਦੇ ਜੇਤੂ ਬਣੇ। ਇਸ ਦੇ ਨਾਲ ਹੀ ਹੁਣ ਅੰਕਿਤਾ ਅਤੇ ਵਿੱਕੀ ਅਕਸਰ ਸੋਸ਼ਲ ਮੀਡੀਆ 'ਤੇ ਇੱਕ-ਦੂਜੇ 'ਤੇ ਪਿਆਰ ਦੀ ਵਰਖਾ ਕਰਦੇ ਨਜ਼ਰ ਆਉਂਦੇ ਹਨ।