ਬਾਲੀਵੁੱਡ ਐਕਟਰਸ ਭੂਮੀ ਪੇਡਨੇਕਰ ਨਿਕਲੀ ਮੁੰਬਈ ਦੀ ਸਫਾਈ ਕਰਨ, ਵੇਖੋ ਤਸਵੀਰਾਂ

ਵ੍ਹਾਈਟ ਟੀ-ਸ਼ਰਟ ਅਤੇ ਸਿਰ 'ਤੇ ਟੋਪੀ ਨਾਲ ਹੀ ਟੀ-ਸ਼ਰਟ ਉਪਰ ਲਿਖਿਆ ਹੈ 'ਕਲਾਈਮੇਟ ਵਾਰੀਅਰ'। ਬਾਲੀਵੁੱਡ ਐਕਟਰਸ ਭੂਮੀ ਪੇਡਨੇਕਰ ਮੁੰਬਈ ਦੇ ਕਾਰਟਰ ਰੋਡ 'ਤੇ ਬੀਚ ਦੇ ਨਾਲ ਫੈਲੇ ਕੂੜੇ ਨੂੰ ਸਾਫ਼ ਕਰਨ ਲਈ ਪਹੁੰਚੀ।

ਭੂਮੀ ਪੇਡਨੇਕਰ ਨੇ ਸੈਂਕੜੇ ਵਲੰਟੀਅਰਾਂ ਨਾਲ ਮਿਲ ਕੇ ਬੀਚ ਦੇ ਕਿਨਾਰਿਆਂ 'ਤੇ ਪਏ ਕੂੜੇ ਨੂੰ ਲਗਪਗ ਅੱਧੇ ਘੰਟੇ ਤੱਕ ਸਾਫ਼ ਕੀਤਾ ਅਤੇ ਵਾਤਾਵਰਣ ਨੂੰ ਬਚਾਉਣ ਦੀ ਅਪੀਲ ਵੀ ਕੀਤੀ।

ਦੱਸ ਦਈਏ ਕਿ ਭਾਮਲਾ ਫਾਊਂਡੇਸ਼ਨ ਵਲੋਂ ਆਯੋਜਿਤ ਇਸ ਵਿਸ਼ੇਸ਼ ਸਫਾਈ ਅਭਿਆਨ ਵਿੱਚ ਹਿੱਸਾ ਲੈਣ ਤੋਂ ਬਾਅਦ ਭੂਮੀ ਪੇਡਨੇਕਰ ਨੇ ਸਫਾਈ ਅਤੇ ਵਾਤਾਵਰਣ ਦੀ ਸੁਰੱਖਿਆ ਦੀ ਜ਼ਰੂਰਤ 'ਤੇ ਜ਼ੋਰ ਦਿੰਦੇ ਹੋਏ ਕਿਹਾ, ਇਹ ਕੂੜਾ ਸਾਡਾ ਫੈਲਾਇਆ ਹੋਇਆ ਹੈ ਅਤੇ ਸਾਡੇ ਕੂੜੇ ਨੂੰ ਸਾਫ਼ ਕਰਨਾ ਸਾਡੀ ਜ਼ਿੰਮੇਵਾਰੀ ਹੈ। ਇਸ ਧਰਤੀ ਦੀ ਰੱਖਿਆ ਕਰਨ ਲਈ ਜੋ ਸਾਡੀ ਹੈ ਇਹ ਨਾ ਸਿਰਫ ਸਾਡੇ ਲਈ ਬਲਕਿ ਸਾਡੀ ਆਉਣ ਵਾਲੀ ਪੀੜ੍ਹੀ ਲਈ ਵੀ ਬਹੁਤ ਮਹੱਤਵਪੂਰਨ ਹੈ।

ਭੂਮੀ ਪੇਡਨੇਕਰ ਨੇ ਅੱਗੇ ਕਿਹਾ, ਮੈਂ ਵਾਰ-ਵਾਰ ਕਹਿੰਦੀ ਹਾਂ ਕਿ ਜੇ ਤੁਸੀਂ ਕਹਿੰਦੇ ਹੋ ਕਿ ਤੁਸੀਂ ਆਪਣੇ ਪਰਿਵਾਰ ਨੂੰ ਪਿਆਰ ਕਰਦੇ ਹੋ, ਤਾਂ ਇਹ ਤੁਹਾਡੇ ਪਰਿਵਾਰ ਨੂੰ ਪਿਆਰ ਕਰਨ ਦਾ ਸਹੀ ਤਰੀਕਾ ਹੈ। ਇਹ ਤੁਹਾਡੇ ਪਰਿਵਾਰ ਨੂੰ ਪਿਆਰ ਦਿਖਾਉਣ ਦਾ ਸਹੀ ਜ਼ਿੰਮੇਵਾਰ ਤਰੀਕਾ ਹੈ। ਇਸ ਲਈ, ਮੈਂ ਚਾਹੁੰਦੀ ਹਾਂ ਇਸ ਮੁਹਿੰਮ ਲਈ ਇਸ ਫਾਊਂਡੇਸ਼ਨ ਦਾ ਤਹਿ ਦਿਲੋਂ ਧੰਨਵਾਦ।

ਉਨ੍ਹਾਂ ਕਿਹਾ ਕਿ ਮੈਂ ਸਾਰੇ ਕਲਾਈਮੇਟ ਵਾਰੀਅਰ ਨੂੰ ਕਹਿਣਾ ਚਾਉਂਦੀ ਹਾਂ ਕਿ ਜਿੰਨੇ ਜ਼ਿਆਦਾ ਲੋਕ ਇਸ ਮੁਹਿੰਮ ਵਿੱਚ ਸ਼ਾਮਲ ਹੋਣਗੇ, ਉਨਾ ਹੀ ਚੰਗਾ ਹੋਵੇਗਾ।