Bollywood Kissa: ਤਾਂ ਇਸ ਕਰਕੇ ਟੁੱਟ ਗਈ ਸੀ ਮਾਧੁਰੀ ਦੀਕਸ਼ਿਤ ਤੇ ਅਨਿਲ ਕਪੂਰ ਦੀ ਸੁਪਰਹਿੱਟ ਜੋੜੀ, ਸਾਲਾਂ ਤੱਕ ਇਕੱਠਿਆਂ ਨਹੀਂ ਕੀਤਾ ਸੀ ਕੰਮ
ਅਨਿਲ ਕਪੂਰ ਅਤੇ ਮਾਧੁਰੀ ਦੀਕਸ਼ਿਤ ਨੇ ਮਿਲ ਕੇ ਹਿੰਦੀ ਸਿਨੇਮਾ ਨੂੰ 'ਤੇਜ਼ਾਬ', 'ਰਾਮ ਲਖਨ', 'ਪੁਕਾਰ', 'ਬੇਟਾ' ਵਰਗੀਆਂ ਸੁਪਰਹਿੱਟ ਫਿਲਮਾਂ ਦਿੱਤੀਆਂ ਹਨ। ਉਸ ਸਮੇਂ ਇਹ ਜੋੜੀ ਨਾ ਸਿਰਫ ਪਰਦੇ 'ਤੇ ਹਲਚਲ ਮਚਾ ਰਹੀ ਸੀ ਬਲਕਿ ਅਸਲ ਜ਼ਿੰਦਗੀ 'ਚ ਵੀ ਦੋਹਾਂ ਦੇ ਦਿਲਾਂ 'ਚ ਇਕ-ਦੂਜੇ ਲਈ ਪਿਆਰ ਵਧਣਾ ਸ਼ੁਰੂ ਹੋ ਗਿਆ ਸੀ।
Download ABP Live App and Watch All Latest Videos
View In Appਮੀਡੀਆ ਰਿਪੋਰਟਾਂ ਮੁਤਾਬਕ ਇੰਨੀਆਂ ਫਿਲਮਾਂ 'ਚ ਇਕੱਠੇ ਰੋਮਾਂਸ ਕਰਨ ਤੋਂ ਬਾਅਦ ਅਨਿਲ ਕਪੂਰ ਨੂੰ ਮਾਧੁਰੀ ਨਾਲ ਪਿਆਰ ਹੋ ਗਿਆ ਸੀ। ਮਾਧੁਰੀ ਵੀ ਅਨਿਲ ਨੂੰ ਪਸੰਦ ਕਰਨ ਲੱਗ ਗਈ ਸੀ।
ਪਰ ਇਸ ਤੋਂ ਪਹਿਲਾਂ ਕਿ ਦੋਵਾਂ ਵਿਚਾਲੇ ਪਿਆਰ ਵੱਧਦਾ ਕਿ ਅਨਿਲ ਦੀ ਪਤਨੀ ਸੁਨੀਤਾ ਨੂੰ ਇਸ ਬਾਰੇ ਪਤਾ ਲੱਗ ਗਿਆ। ਫਿਰ ਸੁਨੀਤਾ ਨੇ ਆਪਣੇ ਰਿਸ਼ਤੇ ਨੂੰ ਬਚਾਉਣ ਲਈ ਜੋ ਕੀਤਾ ਸੀ, ਉਸ ਬਾਰੇ ਅਨਿਲ ਨੇ ਕਦੇ ਵੀ ਨਹੀਂ ਸੋਚਿਆ ਸੀ।
ਦਰਅਸਲ ਜਦੋਂ ਦੋਵੇਂ ਫਿਲਮ 'ਪੁਕਾਰ' ਦੀ ਸ਼ੂਟਿੰਗ ਕਰ ਰਹੇ ਸਨ ਤਾਂ ਇਕ ਦਿਨ ਸੁਨੀਤਾ ਆਪਣੇ ਬੱਚਿਆਂ ਨਾਲ ਫਿਲਮ ਦੇ ਸੈੱਟ 'ਤੇ ਪਹੁੰਚੀ। ਦੱਸਿਆ ਜਾਂਦਾ ਹੈ ਕਿ ਸੁਨੀਤਾ ਨੇ ਉੱਥੇ ਜਾ ਕੇ ਕੋਈ ਤਮਾਸ਼ਾ ਤਾਂ ਨਹੀਂ ਕੀਤਾ ਪਰ ਅਨਿਲ ਨੇ ਆਪਣੀ ਪਤਨੀ ਨੂੰ ਉੱਥੇ ਦੇਖ ਕੇ ਸਾਰਾ ਮਾਮਲਾ ਸਮਝ ਲਿਆ।
ਉਸ ਦਿਨ ਤੋਂ ਬਾਅਦ ਹੀ ਅਨਿਲ ਕਪੂਰ ਨੇ ਫੈਸਲਾ ਕਰ ਲਿਆ ਸੀ ਕਿ ਉਹ ਮਾਧੁਰੀ ਦੀਕਸ਼ਿਤ ਨਾਲ ਦੁਬਾਰਾ ਕਦੇ ਕੰਮ ਨਹੀਂ ਕਰਨਗੇ। ਫਿਰ 18 ਸਾਲ ਇਕੱਠੇ ਕੰਮ ਨਾ ਕਰਨ ਤੋਂ ਬਾਅਦ ਇਹ ਜੋੜੀ ਫਿਲਮ 'ਡਬਲ ਧਮਾਲ' 'ਚ ਇਕੱਠੇ ਨਜ਼ਰ ਆਈ। ਇਹ ਫਿਲਮ ਸਾਲ 2019 ਵਿੱਚ ਰਿਲੀਜ਼ ਹੋਈ ਸੀ।
ਦੱਸ ਦਈਏ ਕਿ ਇਨ੍ਹੀਂ ਦਿਨੀਂ ਮਾਧੁਰੀ ਐਕਟਿੰਗ 'ਚ ਘੱਟ ਐਕਟਿਵ ਹੈ। ਉਥੇ ਹੀ ਅਨਿਲ ਕਪੂਰ ਅੱਜ ਵੀ ਆਪਣੀ ਫਿਟਨੈੱਸ ਅਤੇ ਦਮਦਾਰ ਐਕਟਿੰਗ ਰਾਹੀਂ ਨੌਜਵਾਨ ਸਿਤਾਰਿਆਂ ਨੂੰ ਮੁਕਾਬਲਾ ਦੇ ਰਹੇ ਹਨ।