Priyanka Chopra ਨੇ ਖੋਲ੍ਹੇ ਬਾਲੀਵੁੱਡ ਦੇ ਕਾਲੇ ਰਾਜ਼, ਸਾਲਾਂ ਬਾਅਦ ਛਲਕਿਆ ਇੰਡਸਟਰੀ ਛੱਡਣ ਦਾ ਦਰਦ

ਪ੍ਰਿਯੰਕਾ ਚੋਪੜਾ ਨੇ ਹਾਲ ਹੀ 'ਚ ਡੈਕਸ ਸ਼ੈਫਰਡ ਦੇ ਪੋਡਕਾਸਟ ਸ਼ੋਅ 'ਆਰਮਚੇਅਰ ਐਕਸਪਰਟ' 'ਚ ਹਿੱਸਾ ਲਿਆ ਸੀ। ਜਿੱਥੇ ਅਦਾਕਾਰਾ ਨੇ ਬਾਲੀਵੁੱਡ ਨਾਲ ਜੁੜੇ ਕਈ ਕਾਲੇ ਰਾਜ਼ ਖੋਲ੍ਹੇ ਅਤੇ ਅਮਰੀਕਾ ਸ਼ਿਫਟ ਹੋਣ ਦਾ ਕਾਰਨ ਵੀ ਦੱਸਿਆ।

ਪ੍ਰਿਅੰਕਾ ਚੋਪੜਾ ਨੇ ਇਸ ਸ਼ੋਅ ਵਿੱਚ ਪਹਿਲੀ ਵਾਰ ਹਾਲੀਵੁੱਡ ਵਿੱਚ ਕੰਮ ਕਰਨ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ। ਅਦਾਕਾਰਾ ਨੇ ਕਿਹਾ, 'ਬਾਲੀਵੁੱਡ ਵਿੱਚ ਉਸ ਨੂੰ ਜੋ ਵੀ ਕੰਮ ਮਿਲ ਰਿਹਾ ਸੀ, ਉਹ ਉਸ ਤੋਂ ਖੁਸ਼ ਨਹੀਂ ਸੀ।

ਉਸ ਨੇ ਦੱਸਿਆ ਕਿ 'ਦੇਸੀ ਹਿੱਟਸ' ਦੀ ਅੰਜਲੀ ਆਚਾਰੀਆ ਨੇ ਮੇਰਾ ਇੱਕ ਮਿਊਜ਼ਿਕ ਵੀਡੀਓ ਦੇਖ ਕੇ ਮੈਨੂੰ ਫੋਨ ਕੀਤਾ ਸੀ। ਉਦੋਂ ਮੈਂ 'ਸਾਤ ਖੂਨ ਮਾਫ' ਦੀ ਸ਼ੂਟਿੰਗ ਕਰ ਰਹੀ ਸੀ। ਅੰਜਲੀ ਨੇ ਫੋਨ 'ਤੇ ਪੁੱਛਿਆ ਕਿ ਕੀ ਮੈਂ ਅਮਰੀਕਾ 'ਚ ਆਪਣਾ ਸੰਗੀਤ ਕਰੀਅਰ ਬਣਾਉਣਾ ਚਾਹੁੰਦੀ ਹਾਂ।

ਉਸ ਦੌਰਾਨ ਮੈਂ ਵੀ ਬਾਲੀਵੁੱਡ ਛੱਡਣ ਬਾਰੇ ਸੋਚ ਰਹੀ ਸੀ ਕਿਉਂਕਿ ਮੈਨੂੰ ਇੰਡਸਟਰੀ ਵਿੱਚ ਕਿਨਾਰੇ ਕੀਤਾ ਜਾ ਰਿਹਾ ਸੀ, ਇਸ ਲਈ ਕੋਈ ਵੀ ਮੈਨੂੰ ਕਾਸਟ ਨਹੀਂ ਕਰ ਰਿਹਾ ਸੀ। ਮੈਨੂੰ ਲੋਕਾਂ ਨਾਲ ਸ਼ਿਕਾਇਤਾਂ ਸਨ।

ਅਜਿਹੇ 'ਚ ਕਿਸੇ ਨੇ ਪ੍ਰਿਅੰਕਾ ਨੂੰ ਸਲਾਹ ਦਿੱਤੀ ਕਿ ਉਹ ਅਮਰੀਕਾ 'ਚ ਐਕਟਿੰਗ ਕਰਨ ਦੀ ਕੋਸ਼ਿਸ਼ ਕਰ ਸਕਦੀ ਹੈ। ਇਸ ਲਈ ਪ੍ਰਿਯੰਕਾ ਨੇ ਵੀ ਇਹ ਸਲਾਹ ਮੰਨ ਲਈ ਅਤੇ ਉਸ ਨੇ ਸੀਰੀਜ਼ 'ਕਵਾਂਟਿਕੋ' 'ਚ ਕੰਮ ਕੀਤਾ। ਇੱਥੋਂ ਹੀ ਪ੍ਰਿਅੰਕਾ ਦਾ ਨਵਾਂ ਸਫਰ ਸ਼ੁਰੂ ਹੋਇਆ। ਜਿਸ ਤੋਂ ਬਾਅਦ ਉਸ ਨੇ ਕਦੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ। ਇਸ ਤੋਂ ਬਾਅਦ ਪ੍ਰਿਅੰਕਾ ਨੇ ਅਮਰੀਕਾ 'ਚ ਕਈ ਫਿਲਮਾਂ ਅਤੇ ਸ਼ੋਅ ਕੀਤੇ ਹਨ। ਬਹੁਤ ਜਲਦ ਉਹ 'ਸੀਟਾਡੇਲ' ਤੋਂ ਇਲਾਵਾ ਫਿਲਮ 'ਲਵ ਅਗੇਨ' 'ਚ ਵੀ ਨਜ਼ਰ ਆਵੇਗੀ।

ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਸ਼ੋਅ 'ਚ ਪੁਰਾਣੇ ਦਿਨਾਂ ਨੂੰ ਯਾਦ ਕਰਦੇ ਹੋਏ ਇਹ ਵੀ ਦੱਸਿਆ ਕਿ ਜਦੋਂ ਉਨ੍ਹਾਂ ਦੀਆਂ 6 ਫਿਲਮਾਂ ਇਕੱਠੀਆਂ ਫਲਾਪ ਹੋਈਆਂ ਤਾਂ ਉਹ ਕਾਫੀ ਘਬਰਾ ਗਈ ਸੀ ਕਿਉਂਕਿ ਮੈਂ ਨੈਪੋ ਬੇਬੀ ਨਹੀਂ ਹਾਂ। ਇਸ ਲਈ ਮੈਂ ਸੋਚਿਆ ਕਿ ਉਸਦਾ ਕਰੀਅਰ ਹੁਣ ਖਤਮ ਹੋ ਗਿਆ ਹੈ।

ਫਿਰ ਅਦਾਕਾਰਾ ਦੀ ਮਾਂ ਨੇ ਉਸ ਨੂੰ ਸਲਾਹ ਦਿੱਤੀ ਕਿ, 'ਤੁਸੀਂ ਹੁਣ 30 ਸਾਲ ਦੇ ਹੋਣ ਵਾਲੇ ਹੋ ਅਤੇ ਇਹ ਉਮਰ ਇੰਡਸਟਰੀ ਲਈ ਬਹੁਤ ਜ਼ਿਆਦਾ ਹੈ ਕਿਉਂਕਿ ਇੱਥੇ ਹਰ ਕੋਈ 20 ਸਾਲ ਦੀ ਹੀਰੋਇਨ ਨਾਲ ਕੰਮ ਕਰਨਾ ਚਾਹੁੰਦਾ ਹੈ। ਅਜਿਹੀ ਸਥਿਤੀ ਵਿੱਚ ਆਪਣੇ ਆਪ ਨੂੰ ਕਾਇਮ ਰੱਖਣ ਲਈ ਤੁਹਾਨੂੰ ਆਮਦਨੀ ਦੇ ਕਿਸੇ ਹੋਰ ਸਰੋਤ ਬਾਰੇ ਸੋਚਣ ਦੀ ਜ਼ਰੂਰਤ ਹੈ।

ਇਸ ਦੇ ਨਾਲ ਹੀ ਪ੍ਰਿਅੰਕਾ ਦੇ ਇਸ ਖੁਲਾਸੇ ਤੋਂ ਬਾਅਦ ਕੁਈਨ ਕੰਗਨਾ ਰਣੌਤ ਉਨ੍ਹਾਂ ਦੇ ਸਮਰਥਨ 'ਚ ਸਾਹਮਣੇ ਆਈ ਹੈ। ਅਭਿਨੇਤਰੀ ਨੇ ਇਸ 'ਤੇ ਇਕ ਟਵੀਟ ਕੀਤਾ ਅਤੇ ਲਿਖਿਆ- 'ਪ੍ਰਿਅੰਕਾ ਚੋਪੜਾ ਨਾਲ ਨਾ ਸਿਰਫ ਧੱਕੇਸ਼ਾਹੀ ਕੀਤੀ ਗਈ ਸਗੋਂ ਫਿਲਮ ਇੰਡਸਟਰੀ ਤੋਂ ਵੀ ਬਾਹਰ ਕੱਢ ਦਿੱਤਾ ਗਿਆ। ਜਿਸ ਕਾਰਨ ਉਸ ਨੂੰ ਭਾਰਤ ਛੱਡਣਾ ਪਿਆ। ਹਰ ਕੋਈ ਜਾਣਦਾ ਹੈ ਕਿ ਕਰਨ ਜੌਹਰ ਨੇ ਉਸ 'ਤੇ ਪਾਬੰਦੀ ਲਗਾ ਦਿੱਤੀ ਸੀ।