ਕਰੀਨਾ ਬਾਰੇ ਆਹ ਕੀ ਬੋਲ ਗਈਆਂ ਦਿੱਗਜ ਹੀਰੋਇਨਾਂ !

ਫ਼ਿਲਮਕਾਰ ਕਰਨ ਜੌਹਰ ਦਾ ਸ਼ੋਅ ‘ਕੌਫ਼ੀ ਵਿਦ ਕਰਨ’ ਕਿਸੇ ਨਾ ਕਿਸੇ ਗੱਲੋਂ ਚਰਚਾ ਵਿੱਚ ਰਹਿੰਦਾ ਹੈ। ਸ਼ੋਅ ਵਿੱਚ ਬਾਲੀਵੁੱਡ ਅਦਾਕਾਰਾ ਕਰੀਨਾ ਕਪੂਰ ਖ਼ਾਨ ਬਾਰੇ ਕਈ ਸਿਤਾਰਿਆਂ ਨੇ ਇਹੋ ਜਿਹੀਆਂ ਗੱਲਾਂ ਕੀਤੀਆਂ ਕਿ ਸਭ ਨੂੰ ਹੈਰਾਨ ਕਰ ਦਿੱਤਾ। ਪਰ ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਸਿਤਾਰਿਆਂ ਨਾਲ ਮਿਲਵਾਉਣ ਜਾ ਰਹੇ ਹਾਂ ਜਿਨ੍ਹਾ ਨੇ ਇਸ ਸ਼ੋਅ ਵਿੱਚ ਕਰੀਨਾ ਨੂੰ ਕਰਾਰੇ ਜਵਾਬ ਦਿੱਤੇ।

ਕਰੀਨਾ ਨੇ ਕਰਨ ਦੇ ਸ਼ੋਅ ਵਿੱਚ ਜੌਨ ਅਬ੍ਰਾਹਮ ਨੂੰ ‘ਐਸਪ੍ਰੈਸ਼ਨਲੈੱਸ’ ਆਖ ਦਿੱਤਾ ਸੀ। ਉਦੋਂ ਬਿਪਾਸ਼ਾ ਜੌਨ ਨੂੰ ਡੇਟ ਕਰ ਰਹੀ ਸੀ ਤਾਂ ਬਿਪਾਸ਼ਾ ਨੇ ਕਰਨ ਦੇ ਸ਼ੋਅ ਵਿੱਚ ਹੀ ਕਰੀਨਾ ਨੂੰ ਜਵਾਬ ਦਿੰਦਿਆਂ ਕਿਹਾ ਸੀ, ‘ਬਹੁਤ ਸਾਰੇ ਐਕਸਪ੍ਰੈਸ਼ਨ’

ਅਦਾਕਾਰਾ ਪ੍ਰਿਅੰਕਾ ਚੋਪੜਾ ਵੀ ਕਰਨ ਦੇ ਸ਼ੋਅ ਵਿੱਚ ਕਈ ਵਾਰ ਦਿਖਾਈ ਦਿੱਤੀ ਹੈ। ਜਦ ਸ਼ੋਅ ਵਿੱਚ ਉਸ ਨੂੰ ਕਰਨ ਨੇ ਪੁੱਛਿਆ ਕਿ ਉਹ ਕਰੀਨਾ ਦੇ ਕੰਪਿਊਟਰ ਤੋਂ ਕੀ ਚੋਰੀ ਕਰਨਾ ਚਾਹੇਗੀ, ਤਾਂ ਪ੍ਰਿਅੰਕਾ ਨੇ ਜਵਾਬ ਦਿੱਤਾ, ‘ਕੀ ਕਰੀਨਾ ਕੋਲ ਕੰਪਿਊਟਰ ਹੈ?’

ਕਰਨ ਦੇ ਸ਼ੋਅ ਵਿੱਚ ਪਹੁੰਚੀ ਪ੍ਰੀਤੀ ਜ਼ਿੰਟਾ ਨੂੰ ਜਦ ਕਰਨ ਨੇ ਉਸ ਦੀ ਫ਼ਿਲਮ ‘ਕਲ ਹੋ ਨਾ ਹੋ’ ਦਾ ਇੱਕ ਵੀਡੀਓ ਦਿਖਾਇਆ ਤਾਂ ਇਸ ‘ਤੇ ਪ੍ਰੀਤੀ ਨੇ ਜਵਾਬ ਦਿੱਤਾ ਕਿ ਕਰੀਨਾ, ਕਲ ਹੋ ਨਾ ਹੋ ਲਈ ਧੰਨਵਾਦ। ਉਸ ਨੇ ਅੱਗੇ ਕਿਹਾ, ‘ਮੈਨੂੰ ਉਸ ਨਾਲ ਕੋਈ ਪ੍ਰੇਸ਼ਾਨੀ ਨਹੀਂ ਹੈ, ਪਰ ਜਦ ਉਹ ਮੈਨੂੰ ਇਗਨੋਰ ਕਰਦੀ ਹੈ ਤਾਂ ਮੈਨੂੰ ਦਿੱਕਤ ਹੁੰਦੀ ਹੈ। ਇਹ ਮੈਨੂੰ ਪਸੰਦ ਨਹੀਂ।’

ਦੀਪਿਕਾ ਪਾਦੁਕੋਣ ਦੀ ਝੋਲੀ ਕਈ ਉਹ ਫ਼ਿਲਮਾਂ ਆਈਆਂ ਜਿਨ੍ਹਾਂ ਨੂੰ ਕਰੀਨਾ ਪਹਿਲਾਂ ਨਾਂਹ ਕਰ ਚੁੱਕੀ ਸੀ। ਦਿਲਚਸਪ ਗੱਲ ਇਹ ਰਹੀ ਕਿ ਇਨ੍ਹਾਂ ਫ਼ਿਲਮਾਂ ਕਰਕੇ ਹੀ ਦੀਪਿਕਾ ਅੱਜ ਬਾਲੀਵੁੱਡ ਦੀਆਂ ਸਿਖਰਲੀਆਂ ਅਦਾਕਾਰਾਵਾਂ ਵਿੱਚ ਸ਼ਾਮਲ ਹੈ। ਉੱਥੇ ਹੀ ਜਦ ਦੀਪਿਕਾ ਨੂੰ ਕਰਨ ਜੌਹਰ ਨੇ ਆਪਣੇ ਸ਼ੋਅ ਵਿੱਚ ਕਰੀਨਾ ਨੂੰ ਉਸ ਦੇ ਕਰੀਅਰ ਲਈ ਸੁਝਾਅ ਦੇਣ ਨੂੰ ਕਿਹਾ ਤਾਂ ਦੀਪਿਕਾ ਨੇ ਜਵਾਬ ਦਿੱਤਾ- ਚੈਰਿਟੀ।