Sridevi: ਸ਼੍ਰੀਦੇਵੀ ਦਾ ਭੈਣ ਸ਼੍ਰੀਲਤਾ ਨਾਲ ਮਾਂ ਕਾਰਨ ਹੋਇਆ ਸੀ ਝਗੜਾ! ਜਾਣੋ ਕਿਉਂ ਦਰਜ ਕਰਵਾਇਆ ਸੀ ਕੇਸ
ਸ਼੍ਰੀਦੇਵੀ ਨੂੰ ਬਾਲੀਵੁੱਡ ਦੀ ਪਹਿਲੀ ਸੁਪਰਸਟਾਰ ਲੇਡੀ ਮੰਨਿਆ ਜਾਂਦਾ ਹੈ। ਉਨ੍ਹਾਂ ਨੇ ਆਪਣੇ ਕਰੀਅਰ 'ਚ ਕਾਫੀ ਸਫਲਤਾ ਹਾਸਲ ਕੀਤੀ। ਉਸ ਕੋਲ ਸਭ ਕੁਝ ਸੀ, ਦੌਲਤ ਅਤੇ ਪ੍ਰਸਿੱਧੀ। ਬਹੁਤ ਹੀ ਖੂਬਸੂਰਤ ਦਿਖਣ ਵਾਲੀ ਸ਼੍ਰੀਦੇਵੀ ਦੀ ਭੈਣ ਵੀ ਹੈ ਸ਼੍ਰੀਲਤਾ।
Download ABP Live App and Watch All Latest Videos
View In Appਸ਼੍ਰੀਲਤਾ ਅਤੇ ਸ਼੍ਰੀਦੇਵੀ ਦੀ ਬਾਂਡਿੰਗ ਬਹੁਤ ਮਜ਼ਬੂਤ ਸੀ। ਬਚਪਨ ਵਿੱਚ ਦੋਵੇਂ ਭੈਣਾਂ ਇੱਕ-ਦੂਜੇ ਦਾ ਸਾਥ ਦਿੰਦੀਆਂ ਸਨ। ਜਦੋਂ ਸ਼੍ਰੀਦੇਵੀ ਸ਼ੂਟਿੰਗ ਲਈ ਜਾਂਦੀ ਸੀ ਤਾਂ ਉਸਦੀ ਭੈਣ ਸ਼ੂਟਿੰਗ ਦੇਖਣ ਲਈ ਕਈ ਵਾਰ ਸੈੱਟ 'ਤੇ ਉਸਦੇ ਨਾਲ ਜਾਂਦੀ ਸੀ।
ਖਬਰਾਂ ਮੁਤਾਬਕ ਸ਼੍ਰੀਦੇਵੀ ਦੀ ਭੈਣ ਵੀ ਅਭਿਨੇਤਰੀ ਬਣਨਾ ਚਾਹੁੰਦੀ ਸੀ। ਸ਼੍ਰੀਦੇਵੀ ਅਤੇ ਉਨ੍ਹਾਂ ਦੀ ਭੈਣ ਸ਼੍ਰੀਲਤਾ ਵਿਚਕਾਰ ਮਾਮਲਾ ਸੰਪਤੀ ਨੂੰ ਲੈ ਕੇ ਵਿਗੜ ਗਿਆ ਸੀ। ਇਸ ਤੋਂ ਪਹਿਲਾਂ ਸ਼੍ਰੀਦੇਵੀ ਨੂੰ ਸ਼੍ਰੀਲਤਾ ਹਮੇਸ਼ਾ ਸਪੋਰਟ ਕਰਦੀ ਸੀ, ਉਹ ਸ਼੍ਰੀਦੇਵੀ ਦਾ ਸਾਰਾ ਕੰਮ ਸੰਭਾਲਦੀ ਸੀ।
ਸ਼੍ਰੀਦੇਵੀ ਅਤੇ ਸ਼੍ਰੀਲਤਾ ਦੀ ਮਾਂ ਦੀ ਜਦੋਂ ਮੌਤ ਹੋ ਗਈ ਤਾਂ ਦੋਹਾਂ ਭੈਣਾਂ ਦੇ ਰਿਸ਼ਤੇ ਵਿੱਚ ਖਟਾਸ ਆ ਗਈ। ਸ਼੍ਰੀਦੇਵੀ ਦੀ ਮਾਂ ਦਾ ਇਲਾਜ ਚੱਲ ਰਿਹਾ ਸੀ ਪਰ ਡਾਕਟਰਾਂ ਨੇ ਮਾਂ ਦੇ ਸਿਰ ਦੇ ਦੂਜੇ ਪਾਸੇ ਦਾ ਆਪ੍ਰੇਸ਼ਨ ਕੀਤਾ, ਜਿਸ ਕਾਰਨ ਉਹ ਯਾਦਦਾਸ਼ਤ ਗੁਆ ਬੈਠੀ। ਅਜਿਹੇ 'ਚ ਸ਼੍ਰੀਦੇਵੀ ਨੇ ਹਸਪਤਾਲ ਖਿਲਾਫ ਮਾਮਲਾ ਦਰਜ ਕਰਵਾਇਆ।
ਸ਼੍ਰੀਦੇਵੀ ਨੇ ਇਹ ਕੇਸ ਜਿੱਤਿਆ ਅਤੇ ਬਦਲੇ 'ਚ ਉਨ੍ਹਾਂ ਨੂੰ 7 ਕਰੋੜ 2 ਲੱਖ ਰੁਪਏ ਮੁਆਵਜ਼ੇ ਵਜੋਂ ਮਿਲੇ। ਖਬਰਾਂ ਮੁਤਾਬਕ ਇਸ ਪੈਸੇ ਨੂੰ ਲੈ ਕੇ ਦੋਹਾਂ ਭੈਣਾਂ 'ਚ ਲੜਾਈ ਹੁੰਦੀ ਸੀ।
ਦਰਅਸਲ, ਮਾਂ ਦੀ ਮੌਤ ਤੋਂ ਬਾਅਦ ਸਾਰੀ ਜਾਇਦਾਦ ਸ਼੍ਰੀਦੇਵੀ ਦੇ ਨਾਮ ਹੋ ਗਈ ਸੀ। ਇਸ ਦੇ ਨਾਲ ਹੀ ਮੁਆਵਜ਼ੇ ਦੀ ਰਕਮ ਨੂੰ ਲੈ ਕੇ ਵੀ ਸਮੱਸਿਆ ਖੜ੍ਹੀ ਹੋ ਗਈ ਸੀ। ਜਦੋਂ ਮਾਮਲਾ ਵਧਿਆ ਤਾਂ ਸ਼੍ਰੀਲਤਾ ਨੇ ਆਪਣੀ ਭੈਣ ਸ਼੍ਰੀਦੇਵੀ ਦੇ ਖਿਲਾਫ ਮਾਮਲਾ ਦਰਜ ਕਰਾਇਆ ਅਤੇ ਆਪਣਾ ਹਿੱਸਾ ਮੰਗਣ ਲੱਗੀ।
ਹਾਲਾਂਕਿ ਬਾਅਦ 'ਚ ਦੋਵੇਂ ਭੈਣਾਂ ਦਾ ਪੈਚਅੱਪ ਵੀ ਹੋ ਗਿਆ। ਜਦੋਂ ਸਾਲ 2018 'ਚ ਸ਼੍ਰੀਦੇਵੀ ਦੀ ਮੌਤ ਹੋ ਗਈ ਸੀ, ਉਸ ਤੋਂ ਬਾਅਦ ਸ਼੍ਰੀਲਤਾ ਨੇ ਇਸ ਮਾਮਲੇ 'ਚ ਚੁੱਪੀ ਧਾਰੀ ਰੱਖੀ ਸੀ। ਕਿਹਾ ਜਾਂਦਾ ਹੈ ਕਿ ਆਪਣੇ ਆਖਰੀ ਦਿਨਾਂ 'ਚ ਸ਼੍ਰੀਦੇਵੀ ਆਪਣੀ ਭੈਣ ਨਾਲ ਦੁਬਈ 'ਚ ਸਮਾਂ ਬਿਤਾਉਣਾ ਚਾਹੁੰਦੀ ਸੀ।