Ayesha Takia Birthday Special : ਜਦੋਂ ਆਪਣੇ ਸਹੁਰੇ ਦੇ ਇਸ ਬਿਆਨ 'ਤੇ ਸ਼ਰਮਿੰਦਾ ਸੀ ਆਇਸ਼ਾ ਟਾਕੀਆ, ਟਵੀਟ ਕਰਕੇ ਜਤਾਇਆ ਸੀ ਗੁੱਸਾ

Ayesha Takia Birthday Special : ਅਭਿਨੇਤਰੀ ਆਇਸ਼ਾ ਟਾਕੀਆ ਨੇ ਅਬੂ ਆਜ਼ਮੀ ਦੇ ਬੇਟੇ ਨਾਲ ਵਿਆਹ ਕਰਵਾ ਲਿਆ ਹੈ। ਪਰ ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਇਕ ਵਾਰ ਉਨ੍ਹਾਂ ਨੂੰ ਆਪਣੇ ਸਹੁਰੇ ਦੇ ਬਿਆਨ ਕਾਰਨ ਮੁਆਫੀ ਮੰਗਣੀ ਪਈ ਸੀ। ਜਾਣੋ ਕੀ ਹੈ ਪੂਰੀ ਕਹਾਣੀ

'ਟਾਰਜ਼ਨ: ਦਿ ਵੰਡਰ ਕਾਰ' ਦੀ ਅਦਾਕਾਰਾ ਆਪਣਾ 37ਵਾਂ ਜਨਮਦਿਨ ਮਨਾ ਰਹੀ ਹੈ। ਅੱਜ ਅਸੀਂ ਤੁਹਾਨੂੰ ਅਭਿਨੇਤਰੀ ਦੀ ਜ਼ਿੰਦਗੀ ਦੀ ਕਹਾਣੀ ਦੱਸਣ ਜਾ ਰਹੇ ਹਾਂ ਜਦੋਂ ਔਰਤਾਂ ਨੂੰ ਲੈ ਕੇ ਆਪਣੇ ਸਹੁਰੇ ਦੇ ਬਿਆਨ ਕਾਰਨ ਉਨ੍ਹਾਂ ਨੂੰ ਸੋਸ਼ਲ ਮੀਡੀਆ 'ਤੇ ਮੁਆਫੀ ਮੰਗਣੀ ਪਈ ਸੀ।

ਆਇਸ਼ਾ ਨੇ ਆਪਣੇ ਕਰੀਅਰ ਦੇ ਸਿਖਰ 'ਤੇ ਅਬੂ ਆਜ਼ਮੀ ਦੇ ਬੇਟੇ ਫਰਹਾਨ ਆਜ਼ਮੀ ਨਾਲ ਵਿਆਹ ਕੀਤਾ ਸੀ। ਇਸ ਵਿਆਹ ਲਈ ਅਦਾਕਾਰਾ ਨੇ ਇਸਲਾਮ ਕਬੂਲ ਕਰ ਲਿਆ ਸੀ। ਇਸ ਦੇ ਨਾਲ ਹੀ ਨਿਕਾਹ ਦੇ ਕੁਝ ਸਮੇਂ ਬਾਅਦ ਅਭਿਨੇਤਰੀ ਨੇ ਸਹੁਰੇ ਅਬੂ ਆਜ਼ਮੀ ਤੋਂ ਰੇਪ ਦੇ ਵਧਦੇ ਮਾਮਲਿਆਂ ਨੂੰ ਲੈ ਕੇ ਸਵਾਲ ਪੁੱਛਿਆ ਗਿਆ ਸੀ।

ਜਿਸ ਦੇ ਜਵਾਬ 'ਚ ਉਨ੍ਹਾਂ ਕਿਹਾ ਸੀ, 'ਉਸ ਦੇ ਮੁਤਾਬਕ, ਜੋ ਲੜਕੀਆਂ ਆਪਣੀ ਮਰਜ਼ੀ ਨਾਲ ਜਾਂ ਜ਼ਬਰਦਸਤੀ ਕਿਸੇ ਨਾਲ ਸੈਕਸ ਕਰਦੀਆਂ ਹਨ, ਉਨ੍ਹਾਂ ਨੂੰ ਮੌਤ ਦੀ ਸਜ਼ਾ ਮਿਲਣੀ ਚਾਹੀਦੀ ਹੈ।

ਅਬੂ ਆਜ਼ਮੀ ਦੇ ਇਸ ਬਿਆਨ 'ਤੇ ਆਇਸ਼ਾ ਇੰਨੀ ਨਾਰਾਜ਼ ਹੋ ਗਈ ਕਿ ਉਸ ਨੇ ਆਪਣੇ ਸਹੁਰੇ 'ਤੇ ਚੁਟਕੀ ਲੈਂਦਿਆਂ ਇਕ ਟਵੀਟ 'ਚ ਕਿਹਾ ਸੀ , 'ਜੇਕਰ ਮੇਰੇ ਸਹੁਰੇ ਅਬੂ ਆਜ਼ਮੀ ਦਾ ਬਿਆਨ ਸੱਚ ਹੈ ਤਾਂ ਮੈਂ ਅਤੇ ਫਰਹਾਨ ਇਸ ਲਈ ਸਾਰਿਆਂ ਤੋਂ ਮਾਫ਼ੀ ਮੰਗਦੇ ਹਾਂ।

ਦੱਸ ਦੇਈਏ ਕਿ ਆਇਸ਼ਾ ਟਾਕੀਆ ਨੇ ਆਪਣੇ ਛੋਟੇ ਕਰੀਅਰ 'ਚ 'ਵਾਂਟੇਡ', 'ਦਿਲ ਮਾਂਗੇ ਮੋਰ', 'ਸੋਚਾ ਨਾ ਥਾ', 'ਸੰਡੇ', 'ਡੋਰ' ਵਰਗੀਆਂ ਕਈ ਹਿੱਟ ਫਿਲਮਾਂ 'ਚ ਕੰਮ ਕੀਤਾ ਹੈ।