Rapper Death: ਮਸ਼ਹੂਰ ਰੈਪਰ ਨੇ ਖੁਦ ਨੂੰ ਮਾਰੀ ਗੋਲੀ, ਫਿਲਮ ਇੰਡਸਟਰੀ ਸਣੇ ਫੈਨਜ਼ ਵਿਚਾਲੇ ਮੱਚੀ ਤਰਥੱਲੀ...

Rapper Passes Away: ਮਨੋਰੰਜਨ ਜਗਤ ਤੋਂ ਮੰਦਭਾਗੀ ਖਬਰ ਸਾਹਮਣੇ ਆ ਰਹੀ ਹੈ। ਦੱਸ ਦੇਈਏ ਕਿ ਮਸ਼ਹੂਰ ਅਮਰੀਕੀ ਰੈਪਰ ਓਜੀ ਮੈਕੋ ਦਾ 32 ਸਾਲ ਦੀ ਛੋਟੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ।

Rapper Passes Away

ਦੱਸਿਆ ਜਾਂਦਾ ਹੈ ਕਿ ਉਸ ਨੇ ਕਰੀਬ ਦੋ ਹਫ਼ਤੇ ਪਹਿਲਾਂ ਖ਼ੁਦ ਨੂੰ ਗੋਲੀ ਮਾਰ ਲਈ ਸੀ। ਉਦੋਂ ਤੋਂ ਉਹ ਹਸਪਤਾਲ 'ਚ ਭਰਤੀ ਸੀ। ਟੀਐਮਜ਼ੈਡ ਦੀ ਰਿਪੋਰਟ ਦੇ ਅਨੁਸਾਰ, ਰੈਪਰ ਨੇ ਆਪਣੇ ਪਰਿਵਾਰ ਅਤੇ ਅਜ਼ੀਜ਼ਾਂ ਵਿਚਾਲੇ ਆਖਰੀ ਸਾਹ ਲਿਆ। ਉਨ੍ਹਾਂ ਦੀ ਮੌਤ ਦੀ ਪੁਸ਼ਟੀ ਐਕਸ 'ਤੇ ਉਸ ਦੇ ਅਕਾਊਂਟ ਰਾਹੀਂ ਕੀਤੀ ਗਈ ਹੈ। ਰੈਪਰ ਦੇ ਪ੍ਰਸ਼ੰਸਕ ਇਸ ਦੁਖਦਾਈ ਖ਼ਬਰ ਤੋਂ ਦੁਖੀ ਹਨ।

ਪਰਿਵਾਰ ਨੇ ਮੌਤ ਦੀ ਪੁਸ਼ਟੀ ਕੀਤੀ ਮੀਡੀਆ ਰਿਪੋਰਟਾਂ ਮੁਤਾਬਕ ਰੈਪਰ ਓਜੀ ਮੈਕੋ ਦੀ ਮੌਤ ਦੀ ਖਬਰ ਉਨ੍ਹਾਂ ਦੇ ਪਰਿਵਾਰ ਨੇ ਦਿੱਤੀ ਹੈ। ਪਰਿਵਾਰ ਨੇ ਇੱਕ ਬਿਆਨ ਵਿੱਚ ਦੱਸਿਆ, 'ਭਾਰੀ ਮਨ ਨਾਲ ਇਹ ਕਹਿਣਾ ਪੈ ਰਿਹਾ ਹੈ ਕਿ ਸਾਡੇ ਪਿਆਰੇ ਬੇਨ ਦੇ ਦੇਹਾਂਤ ਦੀ ਦੁਖਦਾਈ ਖ਼ਬਰ ਤੁਹਾਡੇ ਨਾਲ ਸਾਂਝੀ ਕਰਨ ਜਾ ਰਹੇ ਹਾਂ। ਜਿਸਨੂੰ ਦੁਨੀਆਂ ਓਜੀ ਦੇ ਨਾਂ ਨਾਲ ਜਾਣਦੀ ਸੀ। ਉਸਦਾ ਜੀਵਨ ਲਚਕੀਲੇਪਣ, ਰਚਨਾਤਮਕਤਾ ਅਤੇ ਪਿਆਰ ਦਾ ਪ੍ਰਮਾਣ ਸੀ।