Sargun Mehta Affair: ਸਰਗੁਣ ਮਹਿਤਾ ਨਾਲ ਸੰਗੀਤਕਾਰ ਜਾਨੀ ਨੇ ਅਫੇਅਰ ਨੂੰ ਲੈ ਖੋਲ੍ਹਿਆ ਰਾਜ਼ ? ਬੋਲੇ- ਸਾਡੇ ਵਿਚਕਾਰ...

ਹੁਣ ਉਹ ਆਪਣੇ ਪਤੀ ਰਵੀ ਦੂਬੇ ਨਾਲ ਇੱਕ ਪ੍ਰੋਡਕਸ਼ਨ ਹਾਊਸ ਵੀ ਚਲਾਉਂਦੀ ਹੈ। ਉਨ੍ਹਾਂ ਦੇ ਸ਼ੋਅ ਨੂੰ ਕਾਫੀ ਪਸੰਦ ਕੀਤਾ ਜਾਂਦਾ ਹੈ। ਫੈਨਜ਼ ਰਵੀ ਅਤੇ ਸਰਗੁਣ ਦੀ ਜੋੜੀ ਨੂੰ ਕਾਫੀ ਪਸੰਦ ਕਰਦੇ ਹਨ। ਦੋਵੇਂ ਅਕਸਰ ਜਨਤਕ ਪਲੇਟਫਾਰਮ 'ਤੇ ਇਕ-ਦੂਜੇ ਦੀ ਤਾਰੀਫ ਕਰਦੇ ਨਜ਼ਰ ਆਉਂਦੇ ਹਨ।ਹਾਲਾਂਕਿ ਇਸ ਵਿਚਕਾਰ ਸੰਗੀਤਕਾਰ ਜਾਨੀ ਨਾਲ ਸਰਗੁਣ ਦੇ ਅਫੇਅਰ ਦੀਆਂ ਖਬਰਾਂ ਆਈਆਂ ਸਨ। ਹੁਣ ਜਾਨੀ ਨੇ ਖੁਦ ਇਨ੍ਹਾਂ ਖਬਰਾਂ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ ਅਤੇ ਇਸ ਦਾ ਪੂਰੀ ਤਰ੍ਹਾਂ ਖੰਡਨ ਕੀਤਾ ਹੈ।

ਜਾਨੀ ਨੇ ਸ਼ੁਭੰਕਰ ਮਿਸ਼ਰਾ ਦੇ ਪੋਡਕਾਸਟ ਵਿੱਚ ਕਿਹਾ, 'ਮੈਂ ਸਰਗੁਣ ਨੂੰ ਇੱਕ ਵੌਇਸ ਨੋਟ ਭੇਜਿਆ ਸੀ, ਜਿਸ ਵਿੱਚ ਮੈਂ ਕਿਹਾ ਸੀ ਕਿ ਸਰਗੁਣ ਵਰਗੀ ਲੜਕੀ ਦੋਸਤ, ਪ੍ਰੇਮਿਕਾ, ਪਤਨੀ ਜਾਂ ਭੈਣ ਦੇ ਰੂਪ ਵਿੱਚ ਤੁਹਾਡੀ ਜ਼ਿੰਦਗੀ ਵਿੱਚ ਜ਼ਰੂਰ ਹੋਣੀ ਚਾਹੀਦੀ ਹੈ। ਉਹ ਬਹੁਤ ਖਾਸ ਵਿਅਕਤੀ ਹੈ। ਮੈਂ ਉਸ ਤੋਂ ਵੱਧ ਮਿਹਨਤੀ ਬੰਦਾ ਕਦੇ ਨਹੀਂ ਦੇਖਿਆ। ਮੇਰੀ ਉਸ ਨਾਲ ਇੰਨੀ ਚੰਗੀ ਤਰ੍ਹਾਂ ਬਣਦੀ ਹੈ ਕਿ ਕੁਝ ਲੋਕ ਇਹ ਵੀ ਸੋਚਦੇ ਹਨ ਕਿ ਉਸ ਦੇ ਅਤੇ ਮੇਰੇ ਵਿਚਕਾਰ ਕੁਝ ਚੱਲ ਰਿਹਾ ਹੈ। ਪਰ ਮੇਰੇ ਅਤੇ ਸਰਗੁਣ ਵਿਚਕਾਰ ਕੁਝ ਵੀ ਨਹੀਂ ਹੈ।

'ਮੇਰੇ ਤੇ ਸਰਗੁਣ ਵਿਚਾਲੇ ਕੁਝ ਨਹੀਂ ਹੈ' 'ਸਾਡਾ ਕੋਈ ਅਫੇਅਰ ਨਹੀਂ ਹੈ। ਮੇਰਾ ਰਵੀ ਪਾਜ਼ੀ ਨਾਲ ਬਹੁਤ ਚੰਗਾ ਰਿਸ਼ਤਾ ਹੈ। ਮੇਰਾ ਸਰਗੁਣ ਨਾਲ ਬਹੁਤ ਚੰਗਾ ਰਿਸ਼ਤਾ ਹੈ। ਉਹ ਸਿਰਫ ਮੇਰੀ ਦੋਸਤ ਹੈ ਅਤੇ ਕਿਸੇ ਵੀ ਰਿਸ਼ਤੇ ਵਿੱਚ, ਤੁਹਾਡੇ ਕੋਲ ਸਰਗੁਣ ਵਰਗਾ ਵਿਅਕਤੀ ਹੋਣਾ ਚਾਹੀਦਾ ਹੈ। ਸਿਰਫ ਇੰਨੀ ਪ੍ਰੇਰਣਾ ਹੈ। ਆਪਣੇ ਕੰਮ ਲਈ 24 ਘੰਟੇ ਦੌੜਨਾ। ਬਤੌਰ ਅਭਿਨੇਤਰੀ ਫਿਲਮਾਂ ਕਰਨਾ, ਕਾਰੋਬਾਰ ਕਰਨਾ, ਰਿਸ਼ਤੇ ਨਿਭਾਉਣੇ, ਇੰਨੀ ਹਿੰਮਤ ਰੱਖਣਾ।

ਤੁਹਾਨੂੰ ਦੱਸ ਦੇਈਏ ਕਿ ਸਰਗੁਣ ਅਤੇ ਜਾਨੀ ਨੇ ਕਈ ਮਿਊਜ਼ਿਕ ਵੀਡੀਓ ਇਕੱਠੇ ਕੀਤੇ ਹਨ। ਇਨ੍ਹਾਂ ਨੇ ਮਿਲ ਕੇ 'ਤਿਤਲੀਆਂ ਵਰਗਾ', 'ਗੱਲਾ ਤੇਰੀਆਂ', 'ਤੇਰੀ ਆਂਖੇਂ, 'ਤਿਤਲੀਆਂ', 'ਕਿਸ ਮੋੜ ਤੇ', 'ਲਾਰੇ' ਵਰਗੇ ਗੀਤ ਕੀਤੇ ਹਨ।

ਇਸਦੇ ਨਾਲ ਹੀ ਰਵੀ ਅਤੇ ਸਰਗੁਣ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਦਾ ਵਿਆਹ 7 ਦਸੰਬਰ 2013 ਨੂੰ ਹੋਇਆ ਸੀ। ਉਨ੍ਹਾਂ ਨੇ ਇਕੱਠੇ ਸ਼ੋਅ ਵਿੱਚ '12/24 ਕਰੋਲ ਬਾਗ' 'ਚ ਕੰਮ ਕੀਤਾ ਸੀ। ਇੱਥੋਂ ਹੀ ਦੋਵਾਂ ਵਿਚਕਾਰ ਪਿਆਰ ਹੋਇਆ।