ਸੁਸ਼ਾਂਤ ਸਿੰਘ ਰਾਜਪੂਤ ਵਾਂਗ ਵੈਸ਼ਾਲੀ ਠੱਕਰ ਵੀ ਸੀ ਡਿਪਰੈਸ਼ਨ ਦਾ ਸ਼ਿਕਾਰ? ਅਦਾਕਾਰਾ ਦੀ ਮੌਤ ਨੂੰ ਲੈਕੇ ਨਵਾਂ ਖੁਲਾਸਾ

ਟੀਵੀ ਅਦਾਕਾਰਾ ਵੈਸ਼ਾਲੀ ਠੱਕਰ ਦੀ ਮੌਤ ਦੇ ਮਾਮਲੇ ਵਿੱਚ ਨਿੱਤ ਨਵੇਂ ਖੁਲਾਸੇ ਸਾਹਮਣੇ ਆ ਰਹੇ ਹਨ। ਅਦਾਕਾਰਾ ਦੇ ਪਰਿਵਾਰਕ ਮੈਂਬਰ ਵੀ ਲਗਾਤਾਰ ਆਪਣੀ ਧੀ ਲਈ ਇਨਸਾਫ਼ ਦੀ ਗੁਹਾਰ ਲਗਾ ਰਹੇ ਹਨ।

ਵੈਸ਼ਾਲੀ ਠੱਕਰ

ਟੀਵੀ ਅਦਾਕਾਰਾ ਵੈਸ਼ਾਲੀ ਠੱਕਰ ਦੀ ਮੌਤ ਦੇ ਮਾਮਲੇ ਵਿੱਚ ਨਿੱਤ ਨਵੇਂ ਖੁਲਾਸੇ ਸਾਹਮਣੇ ਆ ਰਹੇ ਹਨ। ਅਦਾਕਾਰਾ ਦੇ ਪਰਿਵਾਰਕ ਮੈਂਬਰ ਵੀ ਲਗਾਤਾਰ ਆਪਣੀ ਧੀ ਲਈ ਇਨਸਾਫ਼ ਦੀ ਗੁਹਾਰ ਲਗਾ ਰਹੇ ਹਨ। ਇਸ ਦੇ ਨਾਲ ਹੀ ਇਹ ਸਵਾਲ ਵੀ ਲਗਾਤਾਰ ਉਠਾਇਆ ਜਾ ਰਿਹਾ ਹੈ ਕਿ ਕੀ ਉਹ ਵੀ ਡਿਪ੍ਰੈਸ਼ਨ ਦਾ ਸ਼ਿਕਾਰ ਸੀ।

ਦਰਅਸਲ, ਵੈਸ਼ਾਲੀ ਨੇ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਮੌਤ ਤੋਂ ਬਾਅਦ ਉਨ੍ਹਾਂ ਦੀ ਮੌਤ ਨੂੰ ਲੈਕੇ ਕਈ ਬਿਆਨ ਦਿੱਤੇ ਸੀ। ਹੁਣ ਵੈਸ਼ਾਲੀ ਨੇ ਸੁਸ਼ਾਂਤ ਵਾਂਗ ਖੁਦਕੁਸ਼ੀ ਕਰ ਲਈ ਹੈ। ਹਾਲ ਹੀ 'ਚ ਵੈਸ਼ਾਲੀ ਦੇ ਭਰਾ ਨੀਰਜ ਠੱਕਰ ਨੇ ਮੀਡੀਆ ਨਾਲ ਗੱਲਬਾਤ ਕੀਤੀ ਅਤੇ ਇਸ ਦੌਰਾਨ ਕਈ ਹੈਰਾਨੀਜਨਕ ਖੁਲਾਸੇ ਕੀਤੇ। ਨੀਰਜ ਨੇ ਦੱਸਿਆ ਕਿ ਵੈਸ਼ਾਲੀ ਕੁਝ ਸਮੇਂ ਤੋਂ ਡਿਪ੍ਰੈਸ਼ਨ 'ਚ ਸੀ।

ਇੰਨਾ ਹੀ ਨਹੀਂ ਵੈਸ਼ਾਲੀ ਦੇ ਭਰਾ ਨੇ ਇਹ ਵੀ ਦੱਸਿਆ ਕਿ ਕਿਸ ਤਰ੍ਹਾਂ ਉਸ ਦਾ ਇਕ ਗੁਆਂਢੀ ਉਸ ਦੀ ਭੈਣ ਨੂੰ ਪ੍ਰੇਸ਼ਾਨ ਕਰ ਰਿਹਾ ਸੀ। ਉਸਨੇ ਦੱਸਿਆ ਕਿ ਦੋਸ਼ੀ ਉਸਦੀ ਭੈਣ ਨੂੰ ਇੰਨਾ ਤੰਗ ਕਰਦਾ ਸੀ ਕਿ ਉਹ ਡਿਪ੍ਰੈਸ਼ਨ ਵਿੱਚ ਚਲੀ ਗਈ ਸੀ।

ਨੀਰਜ ਨੇ ਕਿਹਾ, ਇਹ ਲੜਕਾ ਜ਼ਿਆਦਾ ਪ੍ਰੇਸ਼ਾਨ ਕਰ ਰਿਹਾ ਸੀ, ਇਸ ਲਈ ਅਸੀਂ ਉਸ ਦੇ ਪਰਿਵਾਰ ਵਾਲਿਆਂ ਨੂੰ ਕਿਹਾ ਕਿ ਉਹ ਆਪਣੇ ਲੜਕੇ ਨੂੰ ਸਮਝਾਉਣ। ਅਸੀਂ ਸੋਚਿਆ ਗੁਆਂਢੀ ਹੈ ਤਾਂ ਮੰਨ ਜਾਣਗੇ

ਵੈਸ਼ਾਲੀ ਦੇ ਭਰਾ ਨੇ ਦੱਸਿਆ ਕਿ ਵੈਸ਼ਾਲੀ ਨੇ ਸਾਰੀ ਕਹਾਣੀ ਆਪਣੀ ਡਾਇਰੀ ਵਿੱਚ ਲਿਖੀ ਸੀ। ਵੈਸ਼ਾਲੀ ਨੇ ਲਿਖਿਆ ਕਿ ਕਿਵੇਂ ਉਹ ਉਸ ਨੂੰ ਤੰਗ ਕਰਦਾ ਸੀ ਅਤੇ ਧਮਕੀਆਂ ਦਿੰਦਾ ਸੀ। ਨੀਰਜ ਨੇ ਦੱਸਿਆ ਕਿ ਇਕ ਵਾਰ ਵੈਸ਼ਾਲੀ ਉਸ ਨਾਲ ਘੁੰਮਣ ਗਈ ਸੀ ਤਾਂ ਉਸ ਨੇ ਉਸ (ਦੋਸ਼ੀ) ਨਾਲ ਕੁਝ ਤਸਵੀਰਾਂ ਖਿੱਚੀਆਂ ਸਨ ਅਤੇ ਉਹ ਧਮਕੀਆਂ ਦਿੰਦਾ ਸੀ ਕਿ ਉਹ ਇਹ ਤਸਵੀਰਾਂ ਸਾਰਿਆਂ ਨੂੰ ਦਿਖਾ ਦੇਵੇਗਾ, ਤੇਰਾ ਘਰ ਨਹੀਂ ਵਸੇਗਾ, ਤੇਰਾ ਵਿਆਹ ਨਹੀਂ ਹੋਵੇਗਾ।

ਵੈਸ਼ਾਲੀ ਦੇ ਭਰਾ ਨੇ ਵੀ ਦੱਸਿਆ ਕਿ ਉਸ ਦੀ ਭੈਣ ਡਿਪ੍ਰੈਸ਼ਨ 'ਚ ਚਲੀ ਗਈ ਸੀ। ਉਸ ਨੇ ਕਿਹਾ, ''ਉਸ (ਵੈਸ਼ਾਲੀ) ਦੀ ਇਕ ਜਗ੍ਹਾ 'ਤੇ ਮੰਗਣੀ ਹੋ ਗਈ ਸੀ, ਇਸ ਲਈ ਰਾਹੁਲ ਲੜਕੇ ਨੂੰ ਉਸ ਨਾਲ ਗੱਲ ਨਾ ਕਰਨ ਦਾ ਸੁਨੇਹਾ ਦਿੰਦਾ ਸੀ। ਵਿਆਹ ਅਤੇ ਲੜਕੇ ਕਾਰਨ ਉਹ ਡਿਪ੍ਰੈਸ਼ਨ ਵਿੱਚ ਸੀ।

ਨੀਰਜ ਨੇ ਇਸ ਦੌਰਾਨ ਇਹ ਵੀ ਦੱਸਿਆ ਕਿ ਜਿਸ ਸੀਰੀਅਲ 'ਚ ਵੈਸ਼ਾਲੀ ਕੰਮ ਕਰ ਰਹੀ ਸੀ। ਜਿਸ ਕਾਰਨ ਪਰਿਵਾਰ ਨੇ ਵੈਸ਼ਾਲੀ ਨੂੰ ਇੰਦੌਰ ਬੁਲਾਇਆ ਸੀ।

ਨੀਰਜ ਨੇ ਇਹ ਵੀ ਦੱਸਿਆ ਕਿ ਪਰਿਵਾਰ ਉਨ੍ਹਾਂ ਦੇ ਵਿਆਹ ਦੀਆਂ ਤਿਆਰੀਆਂ ਕਰ ਰਿਹਾ ਸੀ। ਵੈਸ਼ਾਲੀ ਦੇ ਪਿਤਾ ਨੇ ਇਹ ਵੀ ਦੱਸਿਆ ਕਿ ਵੈਸ਼ਾਲੀ ਦੀ ਕੋਰਟ ਮੈਰਿਜ 20 ਅਕਤੂਬਰ ਨੂੰ ਹੋਣ ਵਾਲੀ ਸੀ।