Plants: ਘਰ 'ਚ ਲਾਓ ਇਹ ਬੂਟੇ, ਮਿਲੇਗੀ ਸ਼ੁੱਧ ਤੇ ਸਾਫ ਹਵਾ

ਇੰਗਲਿਸ਼ ਆਈਵੀ ਪਲਾਂਟ ਹਵਾ ਤੋਂ ਨਮੀ ਨੂੰ ਘੱਟ ਕਰਦਾ ਹੈ, ਜਿਸ ਨਾਲ ਤੁਹਾਨੂੰ ਆਪਣੇ ਕਮਰੇ ਵਿੱਚ ਜ਼ਿਆਦਾ ਨਮੀ ਨਹੀਂ ਮਿਲੇਗੀ। ਇਸ ਦੇ ਨਾਲ ਹੀ ਇਹ ਧੂੜ ਅਤੇ ਮਿੱਟੀ ਨੂੰ ਵੀ ਘੱਟ ਕਰਦਾ ਹੈ। ਇਹ ਪਲਾਂਟ ਤੁਹਾਡੇ ਲਈ ਏਅਰ ਪਿਊਰੀਫਾਇਰ ਦੀ ਤਰ੍ਹਾਂ ਕੰਮ ਕਰਦਾ ਹੈ।

ਸਾਨਸੀਵੀਰਿਆ ਪਲਾਂਟ ਘਰ ਵਿੱਚ ਵੀ ਲਗਾ ਸਕਦੇ ਹਾਂ। ਇਹ 24 ਘੰਟੇ ਆਕਸੀਜਨ ਦਿੰਦਾ ਹੈ ਅਤੇ ਰਾਤ ਭਰ ਸਰੀਰ ਵਿਚੋਂ ਨਿਕਲਣ ਵਾਲੀ ਕਾਰਬਨ ਡਾਈਆਕਸਾਈਡ ਨੂੰ ਵੀ ਸੋਖ ਲੈਂਦਾ ਹੈ।

ਪੀਸ ਲਿਲੀ ਲਗਾਉਣਾ ਵੀ ਤੁਹਾਡੇ ਲਈ ਫਾਇਦੇਮੰਦ ਹੋ ਸਕਦਾ ਹੈ। ਖ਼ਾਸਕਰ ਉਨ੍ਹਾਂ ਲਈ ਜਿਨ੍ਹਾਂ ਨੂੰ ਦਮੇ ਅਤੇ ਸਾਹ ਦੀ ਤਕਲੀਫ਼ ਹੈ। ਇਹ ਪ੍ਰਦੂਸ਼ਿਤ ਗੈਸਾਂ ਨੂੰ ਖਤਮ ਕਰਦਾ ਹੈ। ਬਦਲੇ ਵਿੱਚ ਸ਼ੁੱਧ ਆਕਸੀਜਨ ਦਿੰਦਾ ਹੈ।

ਐਂਥੂਰੀਅਮ ਦਾ ਪੌਦਾ ਵੀ ਤੁਹਾਡੇ ਲਈ ਫਾਇਦੇਮੰਦ ਹੋ ਸਕਦਾ ਹੈ। ਨਾਸਾ ਦੇ ਮੁਤਾਬਕ, ਇਹ ਵਿਦੇਸ਼ੀ ਪੌਦਾ ਹਵਾ ਵਿੱਚੋਂ ਫਾਰਮਲਡੇਹਾਈਟ, ਅਮੋਨੀਆ, ਟੋਲਿਊਨ ਅਤੇ ਜ਼ਾਈਲੀਨ ਨੂੰ ਹਟਾਉਣ ਵਿੱਚ ਕਾਰਗਰ ਹੈ।

ਚੀਨੀ ਸਦਾਬਹਾਰ ਪੌਦਾ ਵੀ ਘਰ ਵਿੱਚ ਰੱਖਣ ਲਈ ਬਹੁਤ ਵਧੀਆ ਵਿਕਲਪ ਹੈ। ਇਹ ਦੇਖਣ 'ਚ ਸੁੰਦਰ ਹੋਣ ਦੇ ਨਾਲ-ਨਾਲ ਸਿਹਤ ਲਈ ਵੀ ਫਾਇਦੇਮੰਦ ਹੈ। ਇਸ ਨੂੰ ਘਰ 'ਚ ਰੱਖਣ ਨਾਲ ਜ਼ਹਿਰੀਲੀਆਂ ਗੈਸਾਂ ਦੂਰ ਹੁੰਦੀਆਂ ਹਨ ਅਤੇ ਉਦਾਸੀ, ਥਕਾਵਟ, ਤਣਾਅ ਦੂਰ ਹੁੰਦਾ ਹੈ।

ਘਰ 'ਚ ਸਪਾਈਡਰ ਪਲਾਂਟ ਲਗਾਉਣਾ ਵੀ ਫਾਇਦੇਮੰਦ ਹੁੰਦਾ ਹੈ। ਇਹ ਸ਼ੁੱਧ ਹਵਾ ਦਿੰਦਾ ਹੈ। ਹਵਾ ਵਿੱਚ ਮੌਜੂਦ ਕਾਰਬੋ ਮੋਨੋਆਕਸਾਈਡ ਫਾਰਮਲਾਡੇਹਾਈਡ ਨੂੰ ਘਟਾਉਣ ਵਿੱਚ ਮਦਦ ਕਰਦਾ ਹੈ। ਇਸ ਨਾਲ ਤਣਾਅ ਵੀ ਘੱਟ ਹੁੰਦਾ ਹੈ।