ਸ਼ੂਗਰ ਦੇ ਮਰੀਜ਼ਾਂ ਲਈ ਰਾਮਬਾਣ ਸਦਾਬਹਾਰ ਦੇ ਫੁੱਲ ਅਤੇ ਪੱਤੇ! ਜਾਣੋ ਵਰਤੋਂ ਦਾ ਸਹੀ ਢੰਗ

ਭਾਰਤ ਦੇ ਵਿੱਚ ਵੀ ਸ਼ੂਗਰ ਦੇ ਮਰੀਜ਼ਾਂ ਦੀ ਗਿਣਤੀ ਲਗਾਤਾਰ ਵੱਧ ਰਹੀ ਹੈ। ਅਜਿਹੇ ਵਿੱਚ ਜੇਕਰ ਖਾਣ-ਪੀਣ ਦਾ ਸਹੀ ਧਿਆਨ ਰੱਖਿਆ ਜਾਏ ਤਾਂ ਸ਼ੂਗਰ ਨੂੰ ਕੰਟਰੋਲ ਕੀਤਾ ਜਾ ਸਕਦਾ ਹੈ। ਸਦਾਬਹਾਰ ਦੇ ਫੁੱਲ ਅਤੇ ਪੱਤੇ ਦੋਵੇਂ ਹੀ ਔਸ਼ਧੀ ਗੁਣਾਂ ਨਾਲ ਭਰਪੂਰ ਹੁੰਦੇ ਹਨ।

ਸ਼ੂਗਰ ਦੇ ਮਰੀਜ਼ ਇਸ ਦਾ ਰਸ ਕੱਢ ਕੇ ਪੀ ਸਕਦੇ ਹਨ। ਤੁਸੀਂ ਸਦਾਬਹਾਰ ਦੀਆਂ 3-4 ਪੱਤੀਆਂ ਜਾਂ 5-6 ਫੁੱਲਾਂ ਨੂੰ ਇਸ ਤਰ੍ਹਾਂ ਚਬਾ ਕੇ ਵੀ ਖਾ ਸਕਦੇ ਹੋ। ਇਸ ਨਾਲ ਸਰੀਰ 'ਚ ਜਮ੍ਹਾ ਜ਼ਹਿਰੀਲੇ ਤੱਤ ਬਾਹਰ ਨਿਕਲ ਜਾਂਦੇ ਹਨ ਅਤੇ ਬਲੱਡ ਸ਼ੂਗਰ ਨੂੰ ਕੰਟਰੋਲ ਕਰਨ 'ਚ ਮਦਦ ਮਿਲਦੀ ਹੈ।

ਸ਼ੂਗਰ ਦੇ ਰੋਗੀਆਂ ਨੂੰ 1 ਛੋਟਾ ਖੀਰਾ, 1 ਛੋਟਾ ਕਰੇਲਾ, 1 ਛੋਟਾ ਟਮਾਟਰ ਮਿਕਸਰ ਵਿੱਚ ਪੀਸ ਲੈਣਾ ਚਾਹੀਦਾ ਹੈ। ਇਸ ਦੇ ਨਾਲ ਤੁਹਾਨੂੰ 6-7 ਸਦਾਬਹਾਰ ਫੁੱਲ ਅਤੇ 3-4 ਨਿੰਮ ਦੀਆਂ ਪੱਤੀਆਂ ਵੀ ਪਾਉਣੀਆਂ ਚਾਹੀਦੀਆਂ ਹਨ। ਜੇਕਰ ਸਦਾਬਹਾਰ ਫੁੱਲ ਉਪਲਬਧ ਨਹੀਂ ਹਨ, ਤਾਂ ਤੁਸੀਂ ਪੱਤਿਆਂ ਦੀ ਵਰਤੋਂ ਵੀ ਕਰ ਸਕਦੇ ਹੋ। ਸਾਰੀਆਂ ਚੀਜ਼ਾਂ ਨੂੰ ਮਿਲਾ ਕੇ ਪੀਸ ਲਓ ਅਤੇ ਫਿਰ ਜੂਸ ਕੱਢ ਕੇ ਛਾਣ ਲਓ। ਇਸ ਜੂਸ ਦਾ ਸੇਵਨ ਕਰਨ ਨਾਲ ਸ਼ੂਗਰ ਨੂੰ ਕੰਟਰੋਲ ਕਰਨ 'ਚ ਮਦਦ ਮਿਲਦੀ ਹੈ।

ਤੁਸੀਂ ਚਾਹੋ ਤਾਂ ਸੁੱਕੀਆਂ ਸਦਾਬਹਾਰ ਪੱਤੀਆਂ ਜਾਂ ਫੁੱਲਾਂ ਦੀ ਵਰਤੋਂ ਵੀ ਕਰ ਸਕਦੇ ਹੋ। ਇਨ੍ਹਾਂ ਪੱਤੀਆਂ ਨੂੰ ਪੀਸ ਕੇ ਪਾਊਡਰ ਬਣਾ ਲਓ ਅਤੇ ਫਿਰ ਇਸ ਨੂੰ ਜੂਸ 'ਚ ਮਿਲਾ ਲਓ ਜਾਂ 1 ਚਮਚ ਪਾਊਡਰ ਨੂੰ ਪਾਣੀ ਨਾਲ ਖਾਓ। ਡਾਇਬਟੀਜ਼ ਦੇ ਮਰੀਜ਼ਾਂ ਨੂੰ ਇਸ ਦਾ ਕਾਫੀ ਫਾਇਦਾ ਹੋਵੇਗਾ।

ਸਦਾਬਹਾਰ ਦੇ ਪੱਤੇ ਅਤੇ ਫੁੱਲ ਵਾਤ ਦੋਸ਼ ਨੂੰ ਘਟਾਉਂਦੇ ਹਨ। ਇਸ ਵਿਚ ਐਂਟੀ-ਇੰਫਲੇਮੇਟਰੀ ਗੁਣ ਹੁੰਦੇ ਹਨ ਜੋ ਸੋਜ ਨੂੰ ਘੱਟ ਕਰਦੇ ਹਨ।

ਸਦਾਬਹਾਰ ਦੇ ਪੱਤਿਆਂ ਵਿੱਚ ਐਲਕਾਲਾਇਡ ਗੁਣ ਹੁੰਦੇ ਹਨ ਜੋ ਵਧੀ ਹੋਈ ਬਲੱਡ ਸ਼ੂਗਰ ਨੂੰ ਘੱਟ ਕਰਨ ਵਿੱਚ ਮਦਦ ਕਰਦੇ ਹਨ। ਸਦਾਬਹਾਰ ਫੁੱਲਾਂ ਦਾ ਰਸ ਵੀ ਗਲੇ ਦੀ ਖਰਾਸ਼ ਤੋਂ ਰਾਹਤ ਦਿਵਾਉਣ ਦੇ ਨਾਲ ਸਿਹਤ ਨੂੰ ਕਈ ਹੋਰ ਫਾਇਦੇ ਮਿਲਦੇ ਹਨ।