Milk Cream for Skin: ਦੁੱਧ ਦੀ ਮਲਾਈ ਨਾਲ ਚਿਹਰੇ 'ਤੇ ਲਿਆਓ ਨਿਖਾਰ, ਹਮੇਸ਼ਾ ਜਵਾਨ ਦਿਸੇਗੀ ਤੁਹਾਡੀ ਸਕਿਨ

ਚਮੜੀ 'ਤੇ ਨਿਖਾਰ ਲਿਆਉਣ ਲਈ, ਸਾਡੇ ਵਿੱਚੋਂ ਬਹੁਤ ਸਾਰੇ ਲੋਕ ਬਾਜ਼ਾਰ ਵਿੱਚ ਉਪਲਬਧ ਬਹੁਤ ਸਾਰੇ ਰਸਾਇਣਕ ਉਤਪਾਦਾਂ ਦੀ ਵਰਤੋਂ ਕਰਦੇ ਹਨ। ਇਹ ਉਤਪਾਦ ਤੁਹਾਡੀ ਖ਼ੂਬਸੂਰਤੀ ਤਾਂ ਨਹੀਂ ਵਧਾ ਸਕਦੇ, ਪਰ ਇਸ ਨਾਲ ਕਾਫ਼ੀ ਨੁਕਸਾਨ ਹੋਣ ਦੀ ਸੰਭਾਵਨਾ ਹੈ। ਇਸ ਲਈ ਚਮੜੀ ਦੀ ਸੁੰਦਰਤਾ ਵਧਾਉਣ ਲਈ ਕੈਮੀਕਲ ਉਤਪਾਦਾਂ ਦੀ ਬਜਾਏ ਕੁਦਰਤੀ ਉਤਪਾਦਾਂ ਦੀ ਵਰਤੋਂ ਕਰੋ।

ਖਾਸ ਤੌਰ 'ਤੇ ਘਰ 'ਚ ਕਈ ਅਜਿਹੀਆਂ ਚੀਜ਼ਾਂ ਮੌਜੂਦ ਹਨ, ਜਿਨ੍ਹਾਂ ਦੀ ਵਰਤੋਂ ਨਾਲ ਤੁਸੀਂ ਚਮੜੀ 'ਤੇ ਨਿਖਾਰ ਲਿਆ ਸਕਦੇ ਹੋ। ਇਹਨਾਂ ਵਿੱਚੋਂ ਇੱਕ ਦੁੱਧ ਦੀ ਮਲਾਈ ਜਾਂ ਕਰੀਮ ਹੈ। ਹਾਂ, ਮਲਾਈ ਨਾ ਸਿਰਫ਼ ਤੁਹਾਡੇ ਭੋਜਨ ਲਈ ਲਾਭਦਾਇਕ ਹੋ ਸਕਦੀ ਹੈ, ਸਗੋਂ ਇਹ ਚਮੜੀ ਨੂੰ ਨਿਖਾਰ ਵੀ ਸਕਦੀ ਹੈ।

ਨਿੰਬੂ ਅਤੇ ਮਲਾਈ-ਚਮੜੀ ਦੀ ਸੁੰਦਰਤਾ ਨੂੰ ਵਧਾਉਣ ਲਈ ਤੁਸੀਂ ਆਪਣੇ ਚਿਹਰੇ 'ਤੇ ਨਿੰਬੂ ਅਤੇ ਕਰੀਮ ਦੇ ਮਿਸ਼ਰਣ ਨੂੰ ਲਗਾ ਸਕਦੇ ਹੋ। ਇਸ ਦੇ ਲਈ 1 ਚੱਮਚ ਦੁੱਧ ਦੀ ਮਲਾਈ ਲਓ। ਇਸ 'ਚ ਥੋੜ੍ਹਾ ਜਿਹਾ ਨਿੰਬੂ ਦਾ ਰਸ ਮਿਲਾ ਕੇ ਚਿਹਰੇ 'ਤੇ ਲਗਾਓ। ਇਸ ਮਿਸ਼ਰਣ ਨਾਲ ਚਿਹਰੇ 'ਤੇ ਕਰੀਬ 15 ਮਿੰਟ ਤੱਕ ਮਾਲਿਸ਼ ਕਰੋ। ਇਸ ਤੋਂ ਬਾਅਦ ਚਿਹਰੇ ਨੂੰ ਸਾਧਾਰਨ ਪਾਣੀ ਨਾਲ ਧੋ ਲਓ। ਇਸ ਨਾਲ ਚਮੜੀ 'ਚ ਨਿਖਾਰ ਆਵੇਗਾ।

ਹਲਦੀ ਅਤੇ ਮਲਾਈ- ਚਮੜੀ ਦੀ ਖੁਸ਼ਕੀ ਨੂੰ ਦੂਰ ਕਰਨ ਲਈ ਹਲਦੀ ਅਤੇ ਮਲਾਈ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਇਸ ਨਾਲ ਤੁਹਾਡੀ ਸਕਿਨ ਕਾਫੀ ਗਲੋ ਹੋਵੇਗੀ। ਨਾਲ ਹੀ ਇਹ ਚਮੜੀ ਨੂੰ ਨਮੀ ਦੇ ਸਕਦਾ ਹੈ। ਚਿਹਰੇ 'ਤੇ ਮਲਾਈ ਅਤੇ ਹਲਦੀ ਦੀ ਵਰਤੋਂ ਕਰਨ ਲਈ 1 ਚਮਚ ਦੁੱਧ ਦੀ ਮਲਾਈ ਲਓ। ਇਸ ਵਿਚ ਥੋੜ੍ਹੀ ਜਿਹੀ ਹਲਦੀ ਪਾਊਡਰ ਮਿਲਾ ਕੇ ਚਿਹਰੇ 'ਤੇ ਲਗਾ ਕੇ ਮਾਲਿਸ਼ ਕਰੋ। ਇਸ ਨਾਲ ਤੁਹਾਡੇ ਚਿਹਰੇ 'ਤੇ ਚਮਕ ਆ ਜਾਵੇਗੀ।