ਜਦੋਂ ਗੱਡੀ ਇਨ੍ਹਾਂ ਕਾਲੇ-ਪੀਲੇ ਸਪੀਡ ਬ੍ਰੇਕਰਾਂ ਤੋਂ ਲੰਘਦੀ ਹੈ ਤਾਂ ਜ਼ਿਆਦਾ ਆਵਾਜ਼ ਕਿਉਂ ਕਰਦੀ ਹੈ ? ਇਹ ਹੁੰਦੀ ਹੈ ਇਸ ਦੀ ਵਜ੍ਹਾ

ਅੱਜ ਕੱਲ੍ਹ ਪਹਿਲਾਂ ਵਾਂਗ ਪਹਾੜਾਂ ਵਰਗੇ ਸਪੀਡ ਬਰੇਕਰ ਘੱਟ ਹੀ ਨਜ਼ਰ ਆਉਂਦੇ ਹਨ। ਅੱਜਕੱਲ੍ਹ ਸੜਕਾਂ 'ਤੇ ਕਾਲੀਆਂ ਅਤੇ ਪੀਲੀਆਂ ਧਾਰੀਆਂ ਵਾਲੇ ਪਤਲੇ ਅਤੇ ਛੋਟੇ ਸਪੀਡ ਬਰੇਕਰ ਦਿਖਾਈ ਦੇਣ ਲੱਗੇ ਹਨ ਪਰ ਉਨ੍ਹਾਂ ਵਿੱਚੋਂ ਲੰਘਣ ਵੇਲੇ ਕਾਰ ਜ਼ਿਆਦਾ ਆਵਾਜ਼ ਕਿਉਂ ਕਰਦੀ ਹੈ?

ਇਨ੍ਹਾਂ ਸਪੀਡ ਬ੍ਰੇਕਰਾਂ ਨੂੰ ਰੰਬਲ ਸਟ੍ਰਿਪਸ ਕਿਹਾ ਜਾਂਦਾ ਹੈ। ਜਦੋਂ ਵੀ ਗੱਡੀ ਉਨ੍ਹਾਂ ਦੇ ਉਪਰੋਂ ਲੰਘਦੀ ਹੈ ਤਾਂ ਇੰਜ ਲੱਗਦਾ ਹੈ ਜਿਵੇਂ ਕਾਰ ਵਿੱਚ ਕੋਈ ਚੀਜ਼ ਟੁੱਟ ਗਈ ਹੋਵੇ। ਜੇਕਰ ਤੁਹਾਡੀ ਕਾਰ ਤੇਜ਼ ਰਫਤਾਰ 'ਤੇ ਹੈ ਤਾਂ ਅੰਦਰ ਬੈਠੇ ਸਾਰੇ ਲੋਕ ਹਿੱਲ ਜਾਂਦੇ ਹਨ। ਇਨ੍ਹਾਂ ਵਿੱਚੋਂ ਲੰਘਣ ਵੇਲੇ ਕਾਰ ਜ਼ਿਆਦਾ ਆਵਾਜ਼ ਕਰਦੀ ਹੈ। ਲੇਕਿਨ ਕਿਉਂ...?

ਓਵਰ ਸਪੀਡ ਕਾਰਨ ਵੱਧ ਰਹੇ ਹਾਦਸਿਆਂ ਨੂੰ ਰੋਕਣ ਲਈ ਅਜਿਹੇ ਸਪੀਡ ਬਰੇਕਰ ਲਗਾਏ ਜਾ ਰਹੇ ਹਨ। ਹਾਲਾਂਕਿ, ਉਹ ਕਿਸੇ ਵੀ ਤਰ੍ਹਾਂ ਵਾਹਨ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਾਉਂਦੇ ਹਨ। ਇਨ੍ਹਾਂ ਸਪੀਡ ਬਰੇਕਰਾਂ ਨੂੰ ਬਣਾਉਣ ਪਿੱਛੇ ਵੀ ਵਿਗਿਆਨਕ ਕਾਰਨ ਹੈ। ਆਓ ਜਾਣਦੇ ਹਾਂ ਕਿ ਇਹ ਆਵਾਜ਼ ਕਿੱਥੋਂ ਆਉਂਦੀ ਹੈ ਅਤੇ ਇਸ ਨੂੰ ਕਿਵੇਂ ਡਿਜ਼ਾਈਨ ਕੀਤਾ ਗਿਆ ਹੈ।

ਇਹ ਸਪੀਡ ਬਰੇਕਰ ਟੁਕੜਿਆਂ ਵਿੱਚ ਬਣੇ ਹੁੰਦੇ ਹਨ। ਇਹ ਸਖ਼ਤ ਫਾਈਬਰ ਦੇ ਬਣੇ ਹੁੰਦੇ ਹਨ। ਇਨ੍ਹਾਂ ਵਿਚ ਏਅਰ ਗੈਪ ਇਸ ਤਰ੍ਹਾਂ ਦਿੱਤਾ ਗਿਆ ਹੈ ਕਿ ਜਦੋਂ ਭਾਰ ਡਿੱਗਦਾ ਹੈ ਤਾਂ ਇਹ ਸੌਕ ਅਬਜ਼ੋਰਬਰ ਵਾਂਗ ਦਬਾਉਣ ਤੋਂ ਬਾਅਦ ਵਾਪਸ ਉਛਾਲ ਲੈਂਦੇ ਹਨ। ਸੜਕ 'ਤੇ ਲਗਾਉਂਦੇ ਸਮੇਂ ਉਨ੍ਹਾਂ ਦੇ ਹੇਠਾਂ ਇੱਕ ਧਾਤੂ ਦੀ ਪਲੇਟ ਰੱਖੀ ਜਾਂਦੀ ਹੈ ਅਤੇ ਇੱਕ ਪਾਸੇ ਨਟ ਨਾਲ ਫਿੱਟ ਕੀਤਾ ਜਾਂਦਾ ਹੈ।