Indian Railways: ਟ੍ਰੇਨ ‘ਚ ਲੋਅਰ ਬਰਥ ਚਾਹੀਦੀ? ਤਾਂ ਜਾਣ ਲਓ ਰੇਲਵੇ ਦਾ ਇਹ ਨਿਯਮ

Indian Railways Rule: ਭਾਰਤੀ ਰੇਲਵੇ ਨੇ ਲੋਅਰ ਬਰਥ ਨੂੰ ਲੈ ਕੇ ਕੁਝ ਖਾਸ ਨਿਯਮ ਬਣਾਏ ਹਨ। ਜੇਕਰ ਤੁਸੀਂ ਲੋਅਰ ਬਰਥ ਲੈਣਾ ਚਾਹੁੰਦੇ ਹੋ ਤਾਂ ਜਾਣੋ ਇਹ ਨਿਯਮ।

Indian Railways

ਹਰ ਰੋਜ਼ ਲੱਖਾਂ ਲੋਕ ਰੇਲਵੇ ਰਾਹੀਂ ਸਫ਼ਰ ਕਰਦੇ ਹਨ, ਜਿਨ੍ਹਾਂ ਲਈ ਰੇਲਵੇ ਸਮੇਂ-ਸਮੇਂ 'ਤੇ ਨਿਯਮ ਲਿਆਉਂਦਾ ਹੈ ਜਾਂ ਸਹੂਲਤਾਂ ਪ੍ਰਦਾਨ ਕਰਦਾ ਹੈ।

ਲੋਅਰ ਬਰਥਾਂ ਲਈ ਵੀ ਕੁਝ ਇਸੇ ਤਰ੍ਹਾਂ ਦੇ ਨਿਯਮ ਬਣਾਏ ਗਏ ਹਨ। ਜੇਕਰ ਤੁਸੀਂ ਟਰੇਨ 'ਚ ਸਫਰ ਕਰਦੇ ਹੋ ਅਤੇ ਲੋਅਰ ਬਰਥ ਲੈਣਾ ਚਾਹੁੰਦੇ ਹੋ ਤਾਂ ਬੁਕਿੰਗ ਤੋਂ ਪਹਿਲਾਂ ਤੁਹਾਨੂੰ ਇਨ੍ਹਾਂ ਨਿਯਮਾਂ ਦਾ ਪਤਾ ਹੋਣਾ ਚਾਹੀਦਾ ਹੈ।

ਭਾਰਤੀ ਰੇਲਵੇ ਨੇ ਲੋਅਰ ਬਰਥ ਬਾਰੇ ਜਾਣਕਾਰੀ ਦਿੱਤੀ ਹੈ ਕਿ ਇਹ ਕੁਝ ਲੋਕਾਂ ਲਈ ਰਾਖਵੀਂ ਰੱਖੀ ਗਈ ਹੈ। ਉਨ੍ਹਾਂ ਨੂੰ ਇਹ ਸੀਟ ਪਹਿਲਾਂ ਦਿੱਤੀ ਜਾਂਦੀ ਹੈ। ਇਸ ਤੋਂ ਬਾਅਦ ਜੇਕਰ ਕੋਈ ਹੋਰ ਬਰਥ ਬਚ ਜਾਵੇ ਤਾਂ ਬਾਕੀ ਲੋਕਾਂ ਨੂੰ ਦੇ ਦਿੱਤੀ ਜਾਂਦੀ ਹੈ।

ਰੇਲਵੇ ਨੇ ਦੱਸਿਆ ਹੈ ਕਿ ਇਹ ਲੋਅਰ ਬਰਥ ਪਹਿਲਾਂ ਸਰੀਰਕ ਤੌਰ 'ਤੇ ਅਪਾਹਜ ਲੋਕਾਂ ਨੂੰ ਦਿੱਤੀ ਜਾਵੇਗੀ। ਇਸ ਤੋਂ ਬਾਅਦ ਬਜ਼ੁਰਗਾਂ ਅਤੇ ਔਰਤਾਂ ਨੂੰ ਵੰਡੀ ਜਾਂਦੀ ਹੈ।

ਰੇਲਵੇ ਬੋਰਡ ਦੇ ਹੁਕਮਾਂ ਅਨੁਸਾਰ ਸਲੀਪਰ ਕਲਾਸ ਵਿੱਚ ਅਪਾਹਜਾਂ ਲਈ ਚਾਰ ਸੀਟਾਂ, ਏਸੀ ਵਿੱਚ ਦੋ ਸੀਟਾਂ ਰਾਖਵੀਆਂ ਹਨ।

ਗਰੀਬ ਰਥ ਟ੍ਰੇਨ ਵਿੱਚ ਵੀ ਅਪਾਹਜਾਂ ਲਈ ਦੋ ਸੀਟਾਂ ਰਾਖਵੀਆਂ ਹਨ। ਉੱਥੇ ਹੀ ਸੀਨੀਅਰ ਸਿਟੀਜ਼ਨਾਂ ਨੂੰ ਬਿਨਾਂ ਪੁੱਛੇ ਬਰਥ ਦੇ ਦਿੱਤੀ ਜਾਂਦੀ ਹੈ।

ਦੂਜੇ ਪਾਸੇ ਜੇਕਰ ਕੋਈ ਗਰਭਵਤੀ ਔਰਤ ਹੈ ਤਾਂ ਉਸ ਨੂੰ ਵੀ ਲੋਅਰ ਬਰਥ ਦਿੱਤੀ ਜਾਂਦੀ ਹੈ। ਤੁਸੀਂ IRCTC ਦੀ ਵੈੱਬਸਾਈਟ 'ਤੇ ਜਾ ਕੇ ਟਿਕਟਾਂ ਬੁੱਕ ਕਰ ਸਕਦੇ ਹੋ।