Jaipal Bhullar Cremation: ਗੈਂਗਸਟਰ ਜੈਪਾਲ ਭੁੱਲਰ ਦਾ ਅੱਜ ਕੀਤਾ ਸਸਕਾਰ, ਜੇਲ੍ਹ 'ਚੋਂ ਆ ਕੇ ਭਰਾ ਨੇ ਕੀਤੀ ਅਗਨੀ ਭੇਂਟ  

ਗੈਂਗਸਟਰ ਜੈਪਾਲ ਭੁੱਲਰ ਦੇ ਅੱਜ ਪੋਸਟ ਮਾਰਟਮ ਤੋਂ ਬਾਅਦ ਜੈਪਾਲ ਦਾ ਅੰਤਿਮ ਸੰਸਕਾਰ ਭਾਰੀ ਪੁਲਿਸ ਫੋਰਸ ਦੀ ਤਾਇਨਾਤੀ ਅਤੇ ਸੁਰੱਖਿਆ ਦੇ ਤਹਿਤ ਫਿਰੋਜ਼ਪੁਰ ਜ਼ੀਰਾ ਗੇਟ ਦੇ ਸ਼ਮਸ਼ਾਨਘਾਟ ਵਿਖੇ ਕੀਤਾ ਗਿਆ। 

ਜੈਪਾਲ ਭੁੱਲਰ ਦਾ ਛੋਟਾ ਭਰਾ ਅੰਮ੍ਰਿਤਪਾਲ ਭੁੱਲਰ ਲੁਧਿਆਣਾ ਵੱਡੀ ਸੋਨਾ ਲੁੱਟ ਦੇ ਮਾਮਲੇ ਵਿੱਚ ਬਠਿੰਡਾ ਜੇਲ੍ਹ ਵਿੱਚ ਕੈਦ ਹੈ, ਨੂੰ ਸ਼ਮਸ਼ਾਨਘਾਟ ਲਿਆਂਦਾ ਗਿਆ। 

ਉਸਨੇ ਆਪਣੇ ਭਰਾ ਜੈਪਾਲ ਭੁੱਲਰ ਨੂੰ ਅਗਨੀ ਭੇਂਟ ਕੀਤੀ। ਪੁਲਿਸ ਦੀ ਸਖਤ ਸੁਰੱਖਿਆ ਫੋਰਸ ਵਿਚ ਉਸ ਨੂੰ ਕਿਸੇ ਨਾਲ ਮੁਲਾਕਾਤ ਕੀਤੇ ਬਿਨਾਂ ਬਠਿੰਡਾ ਜੇਲ੍ਹ ਲਿਆਂਦਾ ਗਿਆ। ਪਰਿਵਾਰ ਵਿਚ ਸੋਗ ਦਾ ਮਾਹੌਲ ਸੀ। 

ਇਸ ਦੇ ਨਾਲ ਹੀ ਸਸਕਾਰ ਵਿੱਚ ਆਏ ਜਸਕਰਨ ਸਿੰਘ ਅਤੇ ਸਾਬਕਾ ਇੰਸਪੈਕਟਰ ਕ੍ਰਿਸ਼ਨ ਲਾਲ ਨੇ ਨੌਜਵਾਨਾਂ ਨੂੰ ਬਚਾਉਣ ਦੀ ਗੱਲ ਕੀਤੀ। ਪੁਲਿਸ ਅਤੇ ਸਰਕਾਰ 'ਤੇ ਬਹੁਤ ਸਾਰੇ ਸਵਾਲ ਖੜ੍ਹੇ ਕੀਤੇ। 

ਉਥੇ ਹੀ ਜੈਪਾਲ ਭੁੱਲਰ ਦੇ ਛੋਟੇ ਭਰਾ ਅੰਮ੍ਰਿਤਪਾਲ ਭੁੱਲਰ ਨੇ ਕਿਹਾ ਪੁਲਿਸ ਮੇਰਾ ਵੀ ਐਨਕਾਊਂਟਰ ਕਰ ਦੇਵੇਗੀ। 

ਉਸ ਨੇ ਕਿਹਾ ਪੁਲਿਸ ਮੇਰੇ ਖਿਲਾਫ ਝੂਠੇ ਕੇਸ ਦਰਜ ਕੀਤੇ ਹਨ ਤੇ ਉਹ ਮੇਰੇ ਪਰਿਵਾਰ ਦਾ ਨੁਕਸਾਨ ਵੀ ਕਰ ਸਕਦੀ ਹੈ।