ਕਿੰਨੀ ਪੜ੍ਹੀ ਲਿਖੀ ਹੈ ਸੋਨੀਆ ਗਾਂਧੀ, ਜਾਣੋ ਕੀ ਹੈ ਸੋਨੀਆ ਗਾਂਧੀ ਦਾ ਅਸਲੀ ਨਾਮ ਤੇ ਕਿਹੜੀ-ਕਿਹੜੀ ਡਿਗਰੀ ਕੀਤੀ ਹੈ ਹਾਸਲ

SoniaGandhi Education: ਇੰਡੀਅਨ ਨੈਸ਼ਨਲ ਕਾਂਗਰਸ ਦੀ ਅੰਤਰਿਮ ਪ੍ਰਧਾਨ ਸੋਨੀਆ ਗਾਂਧੀ (Sonia Gandhi) ਨੂੰ ਕੌਣ ਨਹੀਂ ਜਾਣਦਾ। ਉਹ ਗਾਂਧੀ ਪਰਿਵਾਰ ਦੇ ਪੁੱਤਰ ਮਰਹੂਮ ਰਾਜੀਵ ਗਾਂਧੀ ਦੀ ਪਤਨੀ ਹੈ। ਇਸ ਦੇ ਨਾਲ, ਸੋਨੀਆ ਗਾਂਧੀ ਭਾਰਤੀ ਰਾਜਨੀਤੀ ਵਿੱਚ ਸਭ ਤੋਂ ਪੁਰਾਣੀ ਅਤੇ ਸਭ ਤੋਂ ਸ਼ਕਤੀਸ਼ਾਲੀ ਪਾਰਟੀਆਂ ਵਿੱਚੋਂ ਇੱਕ, ਇੰਡੀਅਨ ਨੈਸ਼ਨਲ ਕਾਂਗਰਸ ਪਾਰਟੀ ਦੀ ਸਭ ਤੋਂ ਲੰਬੇ ਸਮੇਂ ਤੱਕ ਸੇਵਾ ਕਰਨ ਵਾਲੀ ਪ੍ਰਧਾਨ ਸੀ। ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਸੋਨੀਆ ਗਾਂਧੀ ਕਿੰਨੀ ਪੜ੍ਹੀ-ਲਿਖੀ ਹੈ ਅਤੇ ਉਨ੍ਹਾਂ ਨੇ ਕਿੱਥੋਂ ਸਿੱਖਿਆ ਹਾਸਲ ਕੀਤੀ ਹੈ।

ਸੋਨੀਆ ਗਾਂਧੀ ਦਾ ਅਸਲੀ ਨਾਂ ਐਂਟੋਨੀਆ ਐਡਵਿਜੇ ਅਲਬੀਨਾ ਮਾਈਨੋ ਹੈ। ਉਹਨਾਂ ਦਾ ਜਨਮ 9 ਦਸੰਬਰ 1946 ਨੂੰ ਲੂਸੀਆਨਾ, ਵੇਨੇਟੋ, ਇਟਲੀ ਵਿੱਚ ਹੋਇਆ ਸੀ

ਸੋਨੀਆ ਗਾਂਧੀ ਦਾ ਬਚਪਨ ਇਟਲੀ ਦੇ ਟੂਰਿਨ ਸ਼ਹਿਰ ਦੇ ਨੇੜੇ ਓਰਬਾਸਾਨੋ ਨਾਮਕ ਕਸਬੇ ਵਿੱਚ ਬੀਤਿਆ। ਇੱਥੇ ਉਹਨਾਂ ਦੇ ਪਿਤਾ ਦੀ ਕੰਟਸਟ੍ਰੱਕਸ਼ਨ ਕੰਪਨੀ ਸੀ। ਰੋਮਨ ਕੈਥੋਲਿਕ ਪਰਿਵਾਰ ਨਾਲ ਸਬੰਧਤ, ਸੋਨੀਆ ਗਾਂਧੀ ਨੇ ਆਪਣੀ ਸ਼ੁਰੂਆਤੀ ਸਿੱਖਿਆ ਕੈਥੋਲਿਕ ਸਕੂਲ ਤੋਂ ਪ੍ਰਾਪਤ ਕੀਤੀ। ਇੱਥੇ ਅੰਗਰੇਜ਼ੀ ਅਤੇ ਇੰਜੀਨੀਅਰਿੰਗ ਦੀ ਸਿੱਖਿਆ ਲੈਣ ਤੋਂ ਬਾਅਦ ਉਹ 1964 ਵਿੱਚ ਕੈਂਬਰਿਜ ਚਲੀ ਗਈ।

ਕੈਂਬਰਿਜ ਵਿੱਚ ਪੜ੍ਹਾਈ ਦੌਰਾਨ ਉਹਨਾਂ ਦੀ ਮੁਲਾਕਾਤ ਰਾਜੀਵ ਗਾਂਧੀ ਨਾਲ ਹੋਈ ਸੀ । ਉਸ ਸਮੇਂ ਉਹ ਅੰਗਰੇਜ਼ੀ ਭਾਸ਼ਾ ਦਾ ਕੋਰਸ ਕਰ ਰਹੀ ਸੀ। 1968 ਵਿੱਚ ਸੋਨੀਆ ਗਾਂਧੀ ਦਾ ਵਿਆਹ ਨਵੀਂ ਦਿੱਲੀ ਵਿੱਚ ਰਾਜੀਵ ਗਾਂਧੀ ਨਾਲ ਹੋਇਆ ਸੀ।

ਉਹਨਾਂ ਨੇ 1991 ਵਿੱਚ ਆਪਣੇ ਪਤੀ ਰਾਜੀਵ ਗਾਂਧੀ ਦੀ ਹੱਤਿਆ ਤੋਂ ਬਾਅਦ ਰਾਜਨੀਤੀ ਵਿੱਚ ਦਾਖਲਾ ਲਿਆ। ਉਹ ਪਹਿਲੀ ਵਾਰ 1999 ਵਿੱਚ ਅਮੇਠੀ ਸੰਸਦੀ ਹਲਕੇ ਤੋਂ ਸੰਸਦ ਲਈ ਚੁਣੇ ਗਏ ਸਨ।

ਸੋਨੀਆ ਗਾਂਧੀ ਦਾ ਇੱਕ ਪੁੱਤਰ ਰਾਹੁਲ ਗਾਂਧੀ ਅਤੇ ਇੱਕ ਧੀ ਪ੍ਰਿਅੰਕਾ ਗਾਂਧੀ ਅਤੇ ਦੋ ਪੋਤੇ-ਪੋਤੀਆਂ ਹਨ।

ਜਿਸ ਤੋਂ ਬਾਅਦ ਉਹ ਲੋਕ ਸਭਾ ਵਿੱਚ ਵਿਰੋਧੀ ਧਿਰ ਦੀ ਨੇਤਾ ਬਣੀ। 2004 ਦੀਆਂ ਆਮ ਚੋਣਾਂ ਵਿੱਚ, ਉਸਨੇ ਆਪਣੀ ਪਾਰਟੀ ਦੀ ਚੋਣ ਮੁਹਿੰਮ ਦੀ ਅਗਵਾਈ ਕੀਤੀ ਅਤੇ ਸਭ ਤੋਂ ਵੱਧ ਸੀਟਾਂ ਜਿੱਤੀਆਂ। 2014 ਦੀਆਂ ਲੋਕ ਸਭਾ ਚੋਣਾਂ ਵਿੱਚ, ਉਸਨੇ ਚੌਥੀ ਵਾਰ ਰਾਏਬਰੇਲੀ ਤੋਂ ਲੋਕ ਸਭਾ ਸੀਟ ਜਿੱਤੀ। ਵੱਖ-ਵੱਖ ਮੈਗਜ਼ੀਨਾਂ ਵੱਲੋਂ ਸੋਨੀਆ ਗਾਂਧੀ ਨੂੰ ਸਭ ਤੋਂ ਤਾਕਤਵਰ ਵਿਅਕਤੀਆਂ ਅਤੇ ਔਰਤਾਂ ਦੀ ਸੂਚੀ ਵਿੱਚ ਸ਼ਾਮਲ ਕੀਤਾ ਜਾ ਚੁੱਕਿਆ ਹੈ।