ਬੁਲੇਟ ਦੇ ਪਟਾਕੇ ਪਾਉਣ ਵਾਲਿਆਂ ਦੀ ਹੁਣ ਖੈਰ ਨਹੀਂ, ਪੰਜਾਬ ਪੁਲਿਸ ਹੋਈ ਸਖ਼ਤ

ਬਠਿੰਡਾ: ਜ਼ਿਲ੍ਹਾ ਬਠਿੰਡਾ 'ਚ ਬੁਲੇਟ ਦੇ ਪਟਾਕੇ ਪਾਉਣ ਵਾਲਿਆਂ ਦੀ ਸ਼ਾਮਤ ਆ ਗਈ ਹੈ।ਬੁਲੇਟ ਮੋਟਰਸਾਇਕਲ ਤੇ ਪਟਾਕੇ ਪਾਉਣ ਵਾਲੇ ਸ਼ਰਾਰਤੀ ਅਨਸਰਾਂ ਤੇ ਕਾਰਵਾਈ ਕਰਦੇ ਹੋਏ ਵੱਡੀ ਗਿਣਤੀ 'ਚ ਸਿਲੰਸਰ ਉਤਾਰੇ ਗਏ ਹਨ।

ਡੀਐਸਪੀ ਕੁਲਭੂਸ਼ਨ ਸਿੰਘ ਨੇ ਕਿਹਾ SSP ਦੇ ਹੁਕਮਾਂ ਦੇ ਚੱਲਦੇ ਸ਼ਹਿਰ 'ਚ ਟਰੈਫਿਕ ਨੂੰ ਦੇਖਦੇ ਹੋਏ ਸਖ਼ਤੀ ਕੀਤੀ ਹੈ।

ਅੱਜ 18 ਬੁਲੇਟ ਮੋਟਰਸਾਇਕਲ ਜਿਨ੍ਹਾਂ ਦੇ ਸਿਲੰਸਰ ਉਤਾਰੇ ਗਏ ਹਨ ਤੇ ਕਾਨੂੰਨੀ ਕਾਰਵਾਈ ਕੀਤੀ ਗਈ ਹੈ।

ਅਜੀਤ ਰੋਡ, ਘੋੜੇ ਵਾਲਾ ਚੌਂਕ,100 ਫੁੱਟੀ ਰੋਡ ਤੇ ਨਾਕੇਬੰਦੀ ਕਰ ਪੁਲਿਸ ਨੇ ਕਾਰਵਾਈ ਕੀਤੀ ਹੈ।

ਪੁਲਿਸ ਨੇ ਕਿਹਾ ਕਿ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲਿਆਂ ਤੇ ਸਖ਼ਤੀ ਕੀਤੀ ਜਾਏਗੀ।