Russia Sell Drones to Pakistan: ਭਾਰਤ ਨਾਲ ਦੋਹਰੀ ਗੇਮ ਖੇਡ ਰਿਹਾ ਰੂਸ; ਸਭ ਤੋਂ ਵੱਡੇ ਦੁਸ਼ਮਣ ਨੂੰ ਵੇਚ ਰਿਹਾ ਹੈ ਡਰੋਨ, ਵੱਡਾ ਖੁਲਾਸਾ
ਇਕ ਪਾਸੇ ਰੂਸ ਭਾਰਤ ਨੂੰ ਆਪਣਾ ਸਭ ਤੋਂ ਚੰਗਾ ਮਿੱਤਰ ਦੱਸਦਾ ਹੈ, ਉਥੇ ਹੀ ਦੂਜੇ ਪਾਸੇ ਉਸ ਨੇ ਪਾਕਿਸਤਾਨ ਨੂੰ ਸੁਪਰਕੈਮ ਡਰੋਨ ਵੀ ਵੇਚੇ ਹਨ। ਇਹ ਸੁਪਰਕੈਮ ਡਰੋਨ ਜਾਸੂਸੀ ਲਈ ਵਰਤੇ ਜਾਂਦੇ ਹਨ। ਇੰਨਾ ਹੀ ਨਹੀਂ ਇਹ ਡਰੋਨ ਆਪਣੇ ਨਾਲ ਪੇਲੋਡ ਵੀ ਲੈ ਜਾ ਸਕਦਾ ਹੈ।
Download ABP Live App and Watch All Latest Videos
View In Appਇਸ ਦਾ ਖੁਲਾਸਾ ਆਰਮੀ 24 ਇੰਟਰਨੈਸ਼ਨਲ ਮਿਲਟਰੀ ਟੈਕਨੀਕਲ ਫੋਰਮ ਦੌਰਾਨ ਖੁਦ ਇਸ ਡਰੋਨ ਨੂੰ ਡਿਵੈਲਪਰ ਅਨਮੈਂਡ ਸਿਸਟਮ ਗਰੁੱਪ ਨੇ ਆਰਮੀ 24 ਇੰਟਰਨੈਸ਼ਨਲ ਮਿਲਟਰੀ ਟੈਕਨੀਕਲ ਫੋਰਮ ਦੌਰਾਨ ਕੀਤਾ। ਸੁਪਰਕੈਮ S350 ਇੱਕ ਡਰੋਨ ਹੈ ਜੋ 7 ਘੰਟੇ ਤੱਕ ਹਵਾ ਵਿੱਚ ਰਹਿ ਸਕਦਾ ਹੈ ਅਤੇ ਲੰਬੀ ਦੂਰੀ 'ਤੇ ਵੀ ਜਾਣਕਾਰੀ ਟ੍ਰਾਂਸਫਰ ਕਰ ਸਕਦਾ ਹੈ।
ਹਾਲਾਂਕਿ ਕੁਝ ਮੀਡੀਆ ਰਿਪੋਰਟਾਂ 'ਚ ਦਾਅਵਾ ਕੀਤਾ ਗਿਆ ਹੈ ਕਿ ਪਾਕਿਸਤਾਨ ਪਹਿਲਾਂ ਹੀ ਭਾਰਤ 'ਤੇ ਇਸ ਡਰੋਨ ਦੀ ਵਰਤੋਂ ਕਰ ਰਿਹਾ ਹੈ। ਇਸ ਤੋਂ ਬਾਅਦ ਇਹ ਸਵਾਲ ਮਨ ਵਿੱਚ ਆਉਂਦਾ ਹੈ ਕਿ ਕੀ ਰੂਸ ਭਾਰਤ ਨਾਲ ਦੋਹਰੀ ਚਾਲ ਤਾਂ ਨਹੀਂ ਖੇਡ ਰਿਹਾ ਹੈ।
ਪੱਛਮੀ ਦੇਸ਼ਾਂ ਦੇ ਵਿਰੋਧ ਕਰਨ ਦੇ ਬਾਵਜੂਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਸ ਸਾਲ ਜੁਲਾਈ 'ਚ ਰੂਸ ਦਾ ਦੌਰਾ ਕੀਤਾ ਸੀ। ਉਹ ਵਲਾਦੀਮੀਰ ਪੁਤਿਨ ਨੂੰ ਜੱਫੀ ਪਾਉਂਦੇ ਹੋਏ ਨਜ਼ਰ ਆਏ। ਇਸ ਤੋਂ ਬਾਅਦ ਯੂਕਰੇਨ ਸਮੇਤ ਕਈ ਪੱਛਮੀ ਦੇਸ਼ਾਂ ਨੇ ਭਾਰਤ ਦੀ ਆਲੋਚਨਾ ਕੀਤੀ ਸੀ।
ਇਸ ਤੋਂ ਬਾਅਦ ਇੱਕ ਤਸਵੀਰ ਸਾਹਮਣੇ ਆਈ ਜਿਸ ਨੇ ਸਾਬਤ ਕਰ ਦਿੱਤਾ ਕਿ ਭਾਰਤ ਉਪਰ ਖ਼ਤਰਾ ਮੰਡਰਾ ਰਿਹਾ ਹੈ । ਰੂਸੀ ਰੱਖਿਆ ਮੰਤਰਾਲੇ ਦੇ ਸੀਨੀਅਰ ਅਧਿਕਾਰੀ ਪਾਕਿਸਤਾਨੀ ਫੌਜ ਦੇ ਅਧਿਕਾਰੀਆਂ ਨਾਲ ਮੁਲਾਕਾਤ ਕਰਦੇ ਨਜ਼ਰ ਆਏ। ਜੇਕਰ ਦੇਖਿਆ ਜਾਵੇ ਤਾਂ ਰੂਸ ਅਤੇ ਪਾਕਿਸਤਾਨ ਵਿਚਾਲੇ ਕੋਈ ਵੀ ਡਿਫੈਂਸਿਵ ਪਾਰਟਨਰਸ਼ਿਪ ਨਹੀਂ ਹੈ।
ਜੇਕਰ ਅਸੀਂ Supercam Drone S350 ਦੀ ਗੱਲ ਕਰੀਏ ਤਾਂ ਇਹ ਤਕਨੀਕੀ ਤੌਰ 'ਤੇ ਬਹੁਤ ਮਜ਼ਬੂਤ ਹੈ। ਮੌਸਮ ਕਿੰਨਾ ਵੀ ਖਰਾਬ ਕਿਉਂ ਨਾ ਹੋਵੇ, ਇਹ ਡਰੋਨ 7 ਘੰਟੇ ਤੱਕ ਹਵਾ 'ਚ ਉੱਡ ਸਕਦਾ ਹੈ। ਇਸ ਦੀ ਵਰਤੋਂ ਜਾਸੂਸੀ, ਨਕਸ਼ੇ ਬਣਾਉਣ ਅਤੇ ਕਈ ਤਰ੍ਹਾਂ ਦੀਆਂ ਅਪਰਾਧਿਕ ਗਤੀਵਿਧੀਆਂ ਦਾ ਪਤਾ ਲਗਾਉਣ ਲਈ ਕੀਤੀ ਜਾ ਸਕਦੀ ਹੈ।
ਜੇਕਰ ਅਸੀਂ ਅਮਰੀਕੀ ਸਰਕਾਰ ਦੀ ਵੈੱਬਸਾਈਟ 'ਤੇ ਨਜ਼ਰ ਮਾਰੀਏ ਤਾਂ ਰੂਸੀ ਸੁਪਰਕੈਮ ਨੂੰ ਦੁਨੀਆ ਦੇ ਚੋਟੀ ਦੇ ਡਰੋਨਾਂ 'ਚ ਸ਼ਾਮਲ ਕੀਤਾ ਗਿਆ ਹੈ।