Carlos Alcaraz: ਕਾਰਲੋਸ ਅਲਕਾਰਜ਼ ਬਣਿਆ ਟੈਨਿਸ ਦਾ ਨਵਾਂ ਬਾਦਸ਼ਾਹ, ਨੋਵਾਕ ਜੋਕੋਵਿਚ ਨੂੰ ਧੂਲ ਚਟਾਈ

ਉਸ ਨੇ ਪੰਜਵੇਂ ਸੈੱਟ ਵਿੱਚ ਜੋਕੋਵਿਚ ਨੂੰ ਹਰਾ ਕੇ ਆਪਣਾ ਪਹਿਲਾ ਵਿੰਬਲਡਨ ਖ਼ਿਤਾਬ ਜਿੱਤਿਆ। ਅਲਕਾਰਜ਼ ਇੱਕ ਸਪੇਨੀ ਟੈਨਿਸ ਖਿਡਾਰੀ ਹੈ।

ਦੱਸ ਦੇਈਏ ਕਿ ਅਲਕਾਰਜ਼ ਵਰਤਮਾਨ ਵਿੱਚ ਏਟੀਪੀ (ਟੈਨਿਸ ਪੇਸ਼ੇਵਰਾਂ ਦੀ ਐਸੋਸੀਏਸ਼ਨ) ਵਿੱਚ ਨੰਬਰ ਇੱਕ ਖਿਡਾਰੀ ਹੈ। ਅਲਕਾਰਜ਼ ਨੇ ਇਸ ਤੋਂ ਪਹਿਲਾਂ 19 ਸਾਲ ਦੀ ਉਮਰ ਵਿੱਚ ਯੂਐਸ ਓਪਨ ਦਾ ਖਿਤਾਬ ਜਿੱਤਿਆ ਸੀ।

ਅਲਕਾਰਜ਼ ਸਪੇਨ ਦੇ ਇੱਕ ਪਿੰਡ ਐਲ ਪਾਲਮਾਰ ਦਾ ਮੂਲ ਨਿਵਾਸੀ ਹੈ। ਉਨ੍ਹਾਂ ਦਾ ਜਨਮ 5 ਮਈ 2003 ਨੂੰ ਹੋਇਆ ਸੀ। ਅਲਕਾਰਜ਼ ਨੇ ਟੈਨਿਸ ਦਾ ਹੁਨਰ ਆਪਣੇ ਪਿਤਾ ਦੁਆਰਾ ਚਲਾਏ ਗਏ ਟ੍ਰੈਨਿੰਗ ਸਿਖਲਾਈ ਤੋਂ ਹਾਸਿਲ ਕੀਤਾ।

ਉਸਨੇ ਕਈ ਸਪੈਨਿਸ਼ ਅਤੇ ਯੂਰਪੀਅਨ ਚੈਂਪੀਅਨਸ਼ਿਪਾਂ ਜਿੱਤੀਆਂ ਹਨ। ਅਲਕਾਰਜ਼ ਨੇ ਆਪਣਾ ਪਹਿਲਾ ਏਟੀਪੀ ਮੈਚ ਰਾਮੋਸ ਵਿਨੋਲਾਸ ਦੇ ਖਿਲਾਫ ਜਿੱਤਿਆ ਜਦੋਂ ਉਹ ਲਗਭਗ 16 ਸਾਲ ਦਾ ਸੀ। ਵਿਸ਼ਵ ਦੇ ਸਾਬਕਾ ਨੰਬਰ 1 ਖਿਡਾਰੀ ਜੁਆਨ ਕਾਰਲੋਸ ਫੇਰੇਰੋ ਉਸ ਦੇ ਟ੍ਰੇਨਰ ਹਨ। ਫੇਰੇਰੋ 15 ਸਾਲ ਦੀ ਉਮਰ ਤੋਂ ਉਸਦੇ ਨਾਲ ਕੰਮ ਕਰ ਰਿਹਾ ਹੈ।

ਅਲਕਾਰਜ਼ ਏਟੀਪੀ ਵਿੱਚ ਨੰਬਰ ਇੱਕ ਰੈਂਕਿੰਗ ਹਾਸਲ ਕਰਨ ਵਾਲਾ ਚੌਥਾ ਸਪੈਨਿਸ਼ ਖਿਡਾਰੀ ਹੈ। ਇਸ ਤੋਂ ਪਹਿਲਾਂ ਨਡਾਲ, ਕਾਰਲੋਸ ਮੋਯਾ ਅਤੇ ਉਸ ਦੇ ਮੈਂਟਰ ਜੁਆਨ ਕਾਰਲੋਸ ਫੇਰੇਰੋ ਇਹ ਦਰਜਾਬੰਦੀ ਹਾਸਲ ਕਰ ਚੁੱਕੇ ਹਨ।

ਇਹ ਪਹਿਲੀ ਵਾਰ ਨਹੀਂ ਸੀ ਜਦੋਂ ਅਲਕਾਰਜ਼ ਨੇ ਏਟੀਪੀ ਗੇਮ ਵਿੱਚ ਨੋਵਾਕ ਜੋਕੋਵਿਚ ਨੂੰ ਹਰਾਇਆ ਸੀ। ਇਸ ਤੋਂ ਪਹਿਲਾਂ ਉਸ ਨੇ ਮੈਡ੍ਰਿਡ ਓਪਨ ਦੇ ਸੈਮੀਫਾਈਨਲ 'ਚ ਜੋਕੋਵਿਚ ਨੂੰ ਹਰਾਇਆ ਸੀ। ਅਲਕਾਰਜ਼ ਅਤੇ ਜੋਕੋਵਿਚ ਵਿਚਕਾਰ ਕੁੱਲ ਤਿੰਨ ਮੈਚ ਖੇਡੇ ਗਏ ਹਨ, ਜਿਸ ਵਿੱਚ ਅਲਕਾਰਾਜ਼ 2-1 ਨਾਲ ਅੱਗੇ ਹੈ।

ਅਲਕਾਰਜ਼ ਦਾ ਇਹ ਦੂਜਾ ਗ੍ਰੈਂਡ ਸਲੈਮ ਖਿਤਾਬ ਸੀ। ਇਸ ਤੋਂ ਪਹਿਲਾਂ ਉਸ ਨੇ ਯੂਐਸ ਓਪਨ 2022 ਦਾ ਖਿਤਾਬ ਜਿੱਤਿਆ ਸੀ। ਅਲਕਾਰਜ਼ 2021 ਵਿੱਚ ਯੂਐਸ ਓਪਨ ਵਿੱਚ ਓਪਨ ਯੁੱਗ ਵਿੱਚ ਪੁਰਸ਼ਾਂ ਦਾ ਸਭ ਤੋਂ ਘੱਟ ਉਮਰ ਦਾ ਕੁਆਰਟਰ ਫਾਈਨਲਿਸਟ ਬਣ ਗਿਆ। ਉਹ 2022 ਵਿੱਚ ਰਾਫੇਲ ਨਡਾਲ ਅਤੇ ਜੋਕੋਵਿਚ ਨੂੰ ਹਰਾਉਣ ਵਾਲਾ ਪਹਿਲਾ ਕਿਸ਼ੋਰ ਬਣਿਆ। ਅਲਕਾਰਾ ਏਟੀਪੀ ਵਿੱਚ ਨੰਬਰ ਵਨ ਰੈਂਕਿੰਗ ਹਾਸਲ ਕਰਨ ਵਾਲੇ ਸਭ ਤੋਂ ਛੋਟੀ ਉਮਰ ਦੇ ਖਿਡਾਰੀ ਹਨ।