IND vs SL ODIs Stats : ਸਚਿਨ ਤੇਂਦੁਲਕਰ ਨੇ ਸਭ ਤੋਂ ਵੱਧ ਬਣਾਈਆਂ ਦੌੜਾਂ, ਸ਼੍ਰੀਲੰਕਾ ਦੇ ਤਿੰਨ ਬੱਲੇਬਾਜ਼ ਟਾਪ-5 'ਚ

ਭਾਰਤ ਤੇ ਸ਼੍ਰੀਲੰਕਾ ਵਿਚਾਲੇ ਵਨਡੇ 'ਚ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਦਾ ਰਿਕਾਰਡ ਸਚਿਨ ਤੇਂਦੁਲਕਰ ਦੇ ਨਾਂ ਹੈ। ਸਚਿਨ ਨੇ ਸ਼੍ਰੀਲੰਕਾ ਖਿਲਾਫ 84 ਵਨਡੇ ਖੇਡੇ ਹਨ ਤੇ 3113 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਸਚਿਨ ਦੀ ਬੱਲੇਬਾਜ਼ੀ ਔਸਤ 43.84 ਅਤੇ ਸਟ੍ਰਾਈਕ ਰੇਟ 87.54 ਰਿਹਾ।

ਸ਼੍ਰੀਲੰਕਾ ਦੇ ਸਾਬਕਾ ਵਿਨਾਸ਼ਕਾਰੀ ਸਲਾਮੀ ਬੱਲੇਬਾਜ਼ ਸਨਥ ਜੈਸੂਰੀਆ ਇਸ ਸੂਚੀ 'ਚ ਦੂਜੇ ਨੰਬਰ 'ਤੇ ਹਨ। ਜੈਸੂਰੀਆ ਨੇ ਭਾਰਤ ਦੇ ਖਿਲਾਫ 89 ਮੈਚ ਖੇਡੇ ਹਨ ਅਤੇ 36.23 ਦੀ ਔਸਤ ਅਤੇ 96.98 ਦੇ ਧਮਾਕੇਦਾਰ ਸਟ੍ਰਾਈਕ ਰੇਟ ਨਾਲ 2899 ਦੌੜਾਂ ਬਣਾਈਆਂ ਹਨ।

ਸ਼੍ਰੀਲੰਕਾ ਦੇ ਸਾਬਕਾ ਦਿੱਗਜ ਬੱਲੇਬਾਜ਼ ਕੁਮਾਰ ਸੰਗਾਕਾਰਾ ਇੱਥੇ ਤੀਜੇ ਸਥਾਨ 'ਤੇ ਆਉਂਦੇ ਹਨ। ਸੰਗਾਕਾਰਾ ਨੇ ਭਾਰਤ ਖਿਲਾਫ 76 ਮੈਚਾਂ 'ਚ 2700 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਉਸਦੀ ਔਸਤ 39.70 ਅਤੇ ਸਟ੍ਰਾਈਕ ਰੇਟ 81.62 ਹੈ।

ਮਹੇਲਾ ਜੈਵਰਧਨੇ ਭਾਰਤ-ਸ਼੍ਰੀਲੰਕਾ ਵਨਡੇ ਵਿੱਚ ਚੌਥੇ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਹਨ। ਉਸ ਨੇ 87 ਮੈਚਾਂ ਵਿੱਚ 35.07 ਦੀ ਔਸਤ ਅਤੇ 78.15 ਦੀ ਸਟ੍ਰਾਈਕ ਰੇਟ ਨਾਲ 2666 ਦੌੜਾਂ ਬਣਾਈਆਂ ਹਨ।

ਸਾਬਕਾ ਭਾਰਤੀ ਕਪਤਾਨ ਐਮਐਸ ਧੋਨੀ ਵੀ ਟਾਪ-5 ਦੀ ਇਸ ਸੂਚੀ ਵਿੱਚ ਸ਼ਾਮਲ ਹਨ। ਧੋਨੀ ਨੇ ਸ਼੍ਰੀਲੰਕਾ ਖਿਲਾਫ 67 ਵਨਡੇ ਮੈਚਾਂ 'ਚ 2383 ਦੌੜਾਂ ਬਣਾਈਆਂ ਹਨ। ਇਸ ਦੌਰਾਨ ਧੋਨੀ ਦੀ ਬੱਲੇਬਾਜ਼ੀ ਔਸਤ 64.40 ਅਤੇ ਸਟ੍ਰਾਈਕ ਰੇਟ 90.09 ਹੈ।