IPL 2025 Mega Auction Live ਕਿਵੇਂ ਦੇਖ ਸਕਦੇ ਹੋ...ਇੱਥੇ ਜਾਣੋ ਪੂਰੀ ਡਿਟੇਲ
ਇੱਥੇ ਜਾਣੋ IPL Auction ਕਦੋਂ ਸ਼ੁਰੂ ਹੋਵੇਗੀ ਅਤੇ ਤੁਸੀਂ ਇਸ ਨੂੰ ਲਾਈਵ ਕਿੱਥੇ ਦੇਖ ਸਕੋਗੇ।
Download ABP Live App and Watch All Latest Videos
View In AppIPL 2025 ਦੀ ਮੈਗਾ ਨਿਲਾਮੀ ਲਈ ਕੁੱਲ 574 ਖਿਡਾਰੀਆਂ ਦੀ ਚੋਣ ਕੀਤੀ ਗਈ ਹੈ। ਇਸ ਵਿੱਚ 366 ਭਾਰਤੀ ਅਤੇ 208 ਵਿਦੇਸ਼ੀ ਖਿਡਾਰੀ ਸ਼ਾਮਲ ਹਨ। ਹਾਲਾਂਕਿ ਨਿਲਾਮੀ 'ਚ ਸਿਰਫ 104 ਖਿਡਾਰੀ ਹੀ ਵਿਕ ਸਕਣਗੇ। ਬਾਕੀ ਸਭ ਵੇਚੇ ਜਾਣਗੇ। ਇਸ ਤੋਂ ਪਹਿਲਾਂ ਸਾਰੀਆਂ ਟੀਮਾਂ ਆਪਣੇ ਰਿਟੇਨ ਖਿਡਾਰੀਆਂ ਦੀ ਸੂਚੀ ਜਾਰੀ ਕਰ ਚੁੱਕੀਆਂ ਹਨ।
IPL 2025 ਨਿਲਾਮੀ ਲਈ 13 ਦੇਸ਼ਾਂ ਦੇ ਕੁੱਲ 574 ਖਿਡਾਰੀਆਂ ਨੂੰ ਸ਼ਾਰਟਲਿਸਟ ਕੀਤਾ ਗਿਆ ਹੈ। ਇਸ ਵਿੱਚ ਸਕਾਟਲੈਂਡ ਦਾ ਇੱਕ ਅਤੇ ਜ਼ਿੰਬਾਬਵੇ ਦੇ 3 ਖਿਡਾਰੀ ਸ਼ਾਮਲ ਹਨ। ਇਸ ਮੈਗਾ ਨਿਲਾਮੀ ਵਿੱਚ 81 ਖਿਡਾਰੀਆਂ ਦੀ ਬੇਸ ਪ੍ਰਾਈਸ 2 ਕਰੋੜ ਰੁਪਏ ਹੈ, ਜਦਕਿ 27 ਖਿਡਾਰੀਆਂ ਦੀ ਬੇਸ ਪ੍ਰਾਈਸ 1.50 ਕਰੋੜ ਰੁਪਏ ਹੈ। ਇਸ ਦੇ ਨਾਲ ਹੀ ਇਸ ਸੂਚੀ 'ਚ 18 ਖਿਡਾਰੀ ਅਜਿਹੇ ਹਨ, ਜਿਨ੍ਹਾਂ ਦੀ ਬੇਸ ਪ੍ਰਾਈਸ 1.25 ਕਰੋੜ ਰੁਪਏ ਹੈ।
ਆਈਪੀਐਲ 2025 ਦੀ ਮੈਗਾ ਨਿਲਾਮੀ ਸਾਊਦੀ ਅਰਬ ਦੇ ਸਮੇਂ ਅਨੁਸਾਰ ਦੁਪਹਿਰ 12:30 ਵਜੇ ਸ਼ੁਰੂ ਹੋਵੇਗੀ। ਭਾਵ ਭਾਰਤ 'ਚ ਤੁਸੀਂ ਦੁਪਹਿਰ 3 ਵਜੇ ਤੋਂ ਮੈਗਾ ਨਿਲਾਮੀ ਦੇਖ ਸਕੋਗੇ। 24 ਅਤੇ 25 ਨਵੰਬਰ ਯਾਨੀ ਨਿਲਾਮੀ ਦੇ ਦੋਵਾਂ ਦਿਨਾਂ ਦਾ ਸਮਾਂ ਇੱਕੋ ਜਿਹਾ ਹੈ। ਤੁਸੀਂ ਸਟਾਰ ਸਪੋਰਟਸ ਨੈੱਟਵਰਕ 'ਤੇ ਟੀਵੀ 'ਤੇ ਆਈਪੀਐਲ 2025 ਦੀ ਮੈਗਾ ਨਿਲਾਮੀ ਨੂੰ ਦੇਖ ਸਕੋਗੇ।
ਮੋਬਾਈਲ 'ਤੇ ਨਿਲਾਮੀ ਸਟ੍ਰੀਮਿੰਗ Jio Cinema ਐਪ 'ਤੇ ਉਪਲਬਧ ਹੋਵੇਗੀ। ਟੀਵੀ 'ਤੇ ਦੇਖਣ ਵਾਲੇ ਦਰਸ਼ਕ ਇਸ ਨੂੰ ਸਟਾਰ ਸਪੋਰਟਸ 'ਤੇ ਦੇਖ ਸਕਦੇ ਹਨ ਅਤੇ ਮੋਬਾਈਲ 'ਤੇ ਦੇਖਣ ਵਾਲੇ ਦਰਸ਼ਕ ਜੀਓ ਸਿਨੇਮਾ ਐਪ 'ਤੇ ਨਿਲਾਮੀ ਦੇਖ ਸਕਦੇ ਹਨ।
ਆਈਪੀਐਲ 2025 ਦੀ ਮੈਗਾ ਨਿਲਾਮੀ ਵਿੱਚ ਕਈ ਭਾਰਤੀ ਸੁਪਰਸਟਾਰ ਸ਼ਾਮਲ ਹਨ। ਇਸ ਵਿੱਚ ਕੇਐਲ ਰਾਹੁਲ, ਰਿਸ਼ਭ ਪੰਤ, ਸ਼੍ਰੇਅਸ ਅਈਅਰ, ਮੁਹੰਮਦ ਸ਼ਮੀ, ਮੁਹੰਮਦ ਸਿਰਾਜ, ਰਵੀਚੰਦਰਨ ਅਸ਼ਵਿਨ ਅਤੇ ਯੁਜਵੇਂਦਰ ਚਾਹਲ ਵਰਗੇ ਵੱਡੇ ਭਾਰਤੀ ਖਿਡਾਰੀ ਹੋਣਗੇ।
ਇਸ ਤੋਂ ਇਲਾਵਾ ਕਈ ਵਿਦੇਸ਼ੀ ਦਿੱਗਜ ਵੀ ਨਿਲਾਮੀ ਦਾ ਹਿੱਸਾ ਹੋਣਗੇ। ਵਿਦੇਸ਼ੀ ਖਿਡਾਰੀਆਂ 'ਚ ਗਲੇਨ ਮੈਕਸਵੈੱਲ, ਫਾਫ ਡੂ ਪਲੇਸਿਸ, ਜੋਸ ਬਟਲਰ, ਡੇਵਿਡ ਵਾਰਨਰ, ਟਿਮ ਡੇਵਿਡ, ਮਾਰਕੋ ਜੈਨਸਨ, ਗੇਰਾਲਡ ਕੋਏਟਜ਼ੀ ਅਤੇ ਮਿਸ਼ੇਲ ਸਟਾਰਕ ਵਰਗੇ ਵੱਡੇ ਨਾਂ ਸ਼ਾਮਲ ਹਨ।