ਕੋਹਲੀ ਦੇ ਡਾਂਸ ਤੋਂ ਲੈ ਕੇ ਫਾਫ ਦੀ ਵਾਈਫ ਦੇ ਦੇਸੀ ਲੁੱਕ ਤੱਕ ਮੈਕਸਵੈੱਲ ਦੇ ਵਿਆਹ ਦੀਆਂ ਦੇਖੋ ਇਨਸਾਈਡ ਤਸਵੀਰਾਂ

ਗਲੇਨ ਮੈਕਸਵੈੱਲ ਵੈਡਿੰਗ

ਗਲੇਨ ਮੈਕਸਵੈੱਲ ਨੇ ਇਸ ਸਾਲ ਮਾਰਚ ਦੇ ਆਖਰੀ ਹਫਤੇ ਭਾਰਤੀ ਮੂਲ ਦੀ ਵਿਨੀ ਰਮਨ ਨਾਲ ਵਿਆਹ ਕੀਤਾ ਸੀ। ਇਕ ਵਾਰ ਈਸਾਈ ਅਤੇ ਇਕ ਵਾਰ ਤਾਮਿਲ ਰੀਤੀ-ਰਿਵਾਜਾਂ ਮੁਤਾਬਕ ਦੋਹਾਂ ਨੇ ਵਿਆਹ ਕਰਵਾਇਆ। ਆਪਣੇ ਵਿਆਹ ਕਾਰਨ ਮੈਕਸਵੈੱਲ IPL 2022 ਦੇ ਪਹਿਲੇ ਤਿੰਨ ਮੈਚ ਨਹੀਂ ਖੇਡ ਸਕੇ।

ਵਿਰਾਟ ਕੋਹਲੀ ਕਾਲੇ ਕੁੜਤੇ ਵਿੱਚ ਅਤੇ ਕੋਚ ਸੰਜੇ ਬੰਗੜ ਆਫ ਵ੍ਹਾਈਟ ਕੁੜਤੇ ਵਿੱਚ ਨਜ਼ਰ ਆਏ।

ਹੁਣ ਰਾਇਲ ਚੈਲੇਂਜਰਸ ਬੈਂਗਲੁਰੂ ਫ੍ਰੈਂਚਾਇਜ਼ੀ ਨੇ ਇਸ ਜੋੜੇ ਨੂੰ ਵਿਆਹ ਦੀ ਪਾਰਟੀ ਦਿੱਤੀ ਹੈ। ਇਹ ਪਾਰਟੀ ਆਰਸੀਬੀ ਦੇ ਬਾਇਓ-ਬਬਲ ਵਿੱਚ ਹੀ ਹੋਈ ਸੀ।

ਇਸ ਪਾਰਟੀ ਵਿੱਚ ਟੀਮ ਦੇ ਸਾਰੇ ਖਿਡਾਰੀ, ਸਟਾਫ਼ ਅਤੇ ਆਰਸੀਬੀ ਦੇ ਬਾਇਓ ਬੱਬਲ ਵਿੱਚ ਸ਼ਾਮਲ ਖਿਡਾਰੀਆਂ ਦੇ ਪਰਿਵਾਰਕ ਮੈਂਬਰ ਮੌਜੂਦ ਸਨ। ਸਾਰਿਆਂ ਨੇ ਗਰੁੱਪ ਫੋਟੋ ਲਈ ਪੋਜ਼ ਵੀ ਦਿੱਤੇ।

ਇਸ ਦੌਰਾਨ ਆਰਸੀਬੀ ਦੇ ਕਪਤਾਨ ਫਾਫ ਡੂ ਪਲੇਸਿਸ ਆਪਣੀ ਪਤਨੀ ਅਤੇ ਬੇਟੀ ਨਾਲ ਪਾਰਟੀ 'ਚ ਸ਼ਾਮਲ ਹੋਏ। ਫਾਫ ਦੀ ਪਤਨੀ ਹਰੇ ਰੰਗ ਦੀ ਸਾੜੀ 'ਚ ਨਜ਼ਰ ਆਈ।

ਪਾਰਟੀ ਵਿੱਚ ਆਰਸੀਬੀ ਦੇ ਖਿਡਾਰੀਆਂ ਨੇ ਖੂਬ ਡਾਂਸ ਕੀਤਾ। ਮੁਹੰਮਦ ਸਿਰਾਜ, ਵਨਿੰਦੂ ਹਸਰਾਂਗਾ, ਸ਼ਾਹਬਾਜ਼ ਅਹਿਮਦ ਸਾਰੇ ਖਿਡਾਰੀ ਖੂਬ ਡਾਂਸ ਕਰਦੇ ਨਜ਼ਰ ਆਏ।

ਇਸ ਦੌਰਾਨ ਵਿਰਾਟ ਕੋਹਲੀ ਵੀ ਫਿਲਮ 'ਪੁਸ਼ਪਾ' ਦੇ ਗੀਤ 'ਓ ਅੰਟਾਵਾ ਮਾਵਾ' 'ਤੇ ਜ਼ਬਰਦਸਤ ਡਾਂਸ ਕਰਦੇ ਨਜ਼ਰ ਆਏ।