ਟੂਰ ਬੱਸ ਪਲਟੀ, 12 ਦੀ ਮੌਤ, 18 ਜਖ਼ਮੀ

ਮੈਕਸਿਕੋ ਸਿਟੀ : ਮੰਗਲਵਾਰ ਸਵੇਰੇ ਕਰੂਜ਼ ਸਿ਼ੱਪ ਦੇ ਯਾਤਰੀਆਂ ਨੂੰ ਮਯਾਨ ਲਿਜਾ ਰਹੀ ਬੱਸ ਦੇ ਪੂਰਬੀ ਮੈਕਸਿਕੋ ਵਿੱਚ ਹਾਈਵੇਅ ਉੱਤੇ ਪਲਟ ਜਾਣ ਕਾਰਨ ਘੱਟੋ ਘੱਟ 12 ਵਿਅਕਤੀ ਮਾਰੇ ਗਏ।

ਵੀਡੀਓ ਇਮੇਜਿਜ਼ ਤੋਂ ਸਾਹਮਣੇ ਆਇਆ ਹੈ ਕਿ ਦੋ ਲੇਨ ਵਾਲੇ ਹਾਈਵੇਅ ਉੱਤੇ ਬੱਸ ਇੱਕ ਪਾਸੇ ਉਲਟੀ ਪਈ ਹੈ। ਕੁੱਝ ਯਾਤਰੀ ਪੇਵਮੈਂਟ ਉੱਤੇ ਪਏ ਹਨ ਜਦਕਿ ਬਾਕੀ ਆਲੇ ਦੁਆਲੇ ਘੁੰਮ ਰਹੇ ਹਨ।

ਮੈਕਸਿਕੋ ਸਥਿਤ ਅਮਰੀਕੀ ਅੰਬੈਸੀ ਦੇ ਬੁਲਾਰੇ ਨੇ ਆਖਿਆ ਕਿ ਅਮਰੀਕੀ ਅਧਿਕਾਰੀ ਸਥਾਨਕ ਅਧਿਕਾਰੀਆਂ ਨਾਲ ਮਿਲ ਕੇ ਇਹ ਪਤਾ ਲਾਉਣ ਦੀ ਕੋਸਿ਼ਸ਼ ਕਰ ਰਹੇ ਹਨ ਕਿ ਹਾਦਸੇ ਵਿੱਚ ਅਮਰੀਕੀ ਨਾਗਰਿਕ ਸ਼ਾਮਲ ਸਨ।

ਕੰਪਨੀ ਨੇ ਦੁਖ ਦਾ ਪ੍ਰਗਟਾਵਾ ਕਰਦਿਆਂ ਆਖਿਆ ਕਿ ਉਹ ਮੈਡੀਕਲ ਕੇਅਰ ਤੇ ਟਰਾਂਸਪੋਰਟੇਸ਼ਨ ਵਿੱਚ ਸਹਿਯੋਗ ਕਰਨ ਦੀ ਕੋਸਿ਼ਸ਼ ਕਰ ਰਹੀ ਹੈ।

ਮਾਰਟਿਨ ਨੇ ਦੱਸਿਆ ਕਿ ਹਾਦਸਾ ਉਸ ਸਮੇਂ ਹੋਇਆ ਜਦੋਂ ਬੱਸ ਚਾਕੋਬਨ ਦੇ ਖੰਡਰਾਂ ਵੱਲ ਜਾ ਰਹੀ ਸੀ। ਇਹ ਥਾਂ ਟੁਲੁਮ ਤੋਂ 110 ਮੀਲ ਦੱਖਣ ਵੱਲ ਹੈ। ਹਾਦਸੇ ਦੇ ਕਾਰਨਾਂ ਦੀ ਅਜੇ ਜਾਂਚ ਚੱਲ ਰਹੀ ਹੈ।

ਉਨ੍ਹਾਂ ਇਹ ਵੀ ਦੱਸਿਆ ਕਿ ਅਧਿਕਾਰੀਆਂ ਵੱਲੋਂ ਅਜੇ ਮ੍ਰਿਤਕਾਂ ਦੀ ਨਾਗਰਿਕਤਾ ਸਬੰਧੀ ਐਲਾਨ ਨਹੀਂ ਕੀਤਾ ਗਿਆ ਹੈ। ਮਾਇਆਮੀ ਸਥਿਤ ਰੌਇਲ ਕੈਰੇਬੀਅਨ ਕਰੂਜਿ਼ਜ਼ ਵੱਲੋਂ ਇੱਕ ਬਿਆਨ ਜਾਰੀ ਕਰਕੇ ਆਖਿਆ ਗਿਆ ਹੈ ਕਿ ਉਨ੍ਹਾਂ ਦੇ ਦੋ ਕਰੂਜ਼ ਸਿ਼ੱਪਜ਼, ਸੈਲੇਬ੍ਰਿਟੀ ਇਕੁਈਨੌਕਸ ਤੇ ਸੈਰੇਨੇਡ ਆਫ ਦ ਸੀਜ਼, ਦੇ ਯਾਤਰੀ ਇਸ ਹਾਦਸੇ ਦਾ ਸਿ਼ਕਾਰ ਹੋਏ ਹਨ।

ਕੁਇਨਟਾਨਾ ਰੂ ਸਟੇਟ ਸਿਵਿਲ ਡਿਫੈਂਸ ਦੇ ਬੁਲਾਰੇ ਵਿਸੈਂਟੇ ਮਾਰਟਿਨ ਅਨੁਸਾਰ ਜ਼ਖ਼ਮੀਆਂ ਵਿੱਚ ਅਮਰੀਕਾ ਦੇ ਸੱਤ ਨਾਗਰਿਕ ਤੇ ਸਵੀਡਨ ਦੇ ਦੋ ਨਾਗਰਿਕ ਸ਼ਾਮਲ ਹਨ।