ਅਗਲੇ ਮਹੀਨੇ ਆਵੇਗਾ ਆਈਫੋਨ 8 ਤੇ 7S...ਦੇਖੋ ਤਸਵੀਰਾਂ

ਆਈਫੋਨ 8 ‘ਚ ਐਪਲ ਇਨ ਸਕਰੀਨ ਫਿੰਗਰਪਿੰਟ ਸੈਂਸਰ ਤਕਨੀਕ ਦੇਵੇਗੀ ਜਾਂ ਨਹੀਂ ਇਸ ‘ਤੇ ਸ਼ਸ਼ਪੰਜ ਬਰਕਰਾਰ ਹੈ। ਹਾਲ ਹੀ ‘ਚ ਸਾਹਮਣੇ ਆਈ ਰਿਪੋਰਟ ਮੁਤਾਬਕ ਕਵਾਲਕਾਮ ਦੀ ਇਨ ਸਕ੍ਰੀਨ ਫਿੰਗਰਪ੍ਰਿੰਟ ਤਕਨੀਕ ਦੀ ਸ਼ਿਪਿੰਗ ‘ਚ ਦੇਰੀ ਹੋ ਰਹੀ ਹੈ।

ਇਹ ਵੀ ਖ਼ਬਰਾਂ ਆ ਰਹੀਆਂ ਹਨ ਕਿ ਆਉਣ ਵਾਲੇ ਆਈਫੋਨ 7S ਲਈ ਵਾਇਰਲੈੱਸ ਚਾਰਜਿੰਗ ਸਿਸਟਮ ਵੀ ਦੇ ਸਕਦੀ ਹੈ।

ਐਪਲ ਦੇ ਫੋਨ ਪਸੰਦ ਕਰਨ ਵਾਲਿਆਂ ਲਈ ਚੰਗੀ ਖ਼ਬਰ ਹੈ। ਐਪਲ ਕੰਪਨੀ ਆਉਣ ਵਾਲੇ ਸਮੇਂ ‘ਚ ਆਈਫੋਨ 8 ਤਾਂ ਲਾਂਚ ਕਰ ਹੀ ਰਹੀ ਹੈ ਪਰ ਉਹ ਇਸ ਦੇ ਨਾਲ ਆਈਫੋਨ 7 ਦਾ ਨਵਾਂ ਅਪਡੇਟ ਵਰਜਨ 7S ਉਤਾਰ ਸਕਦੀ ਹੈ।

ਆਈਫੋਨ 8, 5.8 ਇੰਚ ਦੀ ਸਕਰੀਨ ਦੇ ਨਾਲ ਆਵੇਗਾ। ਇਸ ਦੀ ਬਾਡੀ ਦਾ ਸਾਇਜ਼ ਆਈਫੋਨ 7 ਦੇ ਬਰਾਬਰ ਹੀ ਹੋਵੇਗਾ ਪਰ ਆਈਫੋਨ 7 ‘ਚ 4.7 ਇੰਚ ਡਿਸਪਲੇ ਦਿੱਤਾ ਗਿਆ ਹੈ।

ਇਸ ‘ਚ ਉਮੀਦ ਹੈ ਕਿ ਐਪਲ ਟਚ ਆਈ ਡੀ ਸੈਂਸਰ ਤਕਨੀਕ ਆਈਫੋਨ 8 ‘ਚ ਨਹੀਂ ਦੇਵੇਗਾ।

ਡਿਜ਼ਾਇਨ ਦੀ ਗੱਲ ਕਰੀਏ ਤਾਂ KGI ਦਾ ਦਾਅਵਾ ਹੈ ਕਿ ਆਈਫੋਨ 8 ‘ਚ ਬੇਜਲ ਲੇਸ ਡਿਜ਼ਾਇਨ ਹੋਵੇਗਾ ਜਿਸ ਦੇ ਉਪਰ ਨੋਚ ਹੋਵੇਗਾ। ਇਸ ਨੋਚ ‘ਤੇ ਹੀ ਫਰੰਟ ਕੈਮਰਾ ਦਿੱਤਾ ਜਾ ਸਕਦਾ ਹੈ।

ਆਈਫੋਨ 8 ਨੂੰ ਲੈ ਕੇ ਤਾਂ ਪਿਛਲੇ ਕੁਝ ਸਮੇਂ ਤੋਂ ਮੀਡੀਆ ‘ਚ ਖ਼ਬਰਾਂ ਛਾਈਆਂ ਹੋਈਆਂ ਹਨ ਪਰ ਆਈ ਫੋਨ 7S ਨੂੰ ਲੈ ਕੇ ਪਿਛਲੇ ਇੱਕ ਮਹੀਨੇ ਤੋਂ ਹੀ ਜਾਣਕਾਰੀਆਂ ਸਾਹਮਣੇ ਆਉਣੀਆਂ ਸ਼ੁਰੂ ਹੋਈਆਂ ਹਨ।

ਇੰਟਰਨੈੱਟ ‘ਤੇ 7S ਦੀਆਂ ਲੀਕ ਹੋਈਆਂ ਤਸਵੀਰਾਂ ਤੋਂ ਪਤਾ ਲੱਗਾ ਹੈ ਕਿ ਇਸ ਸਮਾਰਟਫੋਨ ਦੀ ਬਾਡੀ ਦਾ ਪਿਛਲਾ ਹਿੱਸਾ ਕੱਚ ਦਾ ਹੈ।