ਪੜਚੋਲ ਕਰੋ

ਸੋਨਾ ਖਰੀਦਣ ਤੋਂ ਪਹਿਲਾਂ ਇਹ ਗੱਲਾਂ ਰੱਖੋ ਹਮੇਸ਼ਾ ਯਾਦ

Written By : ਏਬੀਪੀ ਸਾਂਝਾ | Updated at : 17 Oct 2017 02:27 PM (IST)

1/6

ਹਾਲ ਹੀ ਵਿੱਚ ਸਰਕਾਰ ਨੇ ਧਨ ਸ਼ੋਧਨ ਰੋਕੂ ਕਾਨੂੰਨ ਯਾਨੀ ਕਿ ਮਨੀ ਲੌਂਡ੍ਰਿੰਗ ਐਕਟ ਤਹਿਤ 2 ਲੱਖ ਤੋਂ ਘੱਟ ਮੁੱਲ ਦੇ ਰਤਨਾਂ ਤੇ ਗਹਿਣਿਆਂ ਦੀ ਖਰੀਦ 'ਤੇ ਪੈਨ ਕਾਰਡ ਦੇਣ ਤੋਂ ਛੋਟ ਦਿੱਤੀ ਗਈ ਹੈ ਜੋ 2 ਲੱਖ ਤੋਂ ਜ਼ਿਆਦਾ ਕੀਮਤ ਦੇ ਗਹਿਣੇ ਖਰੀਦਣ 'ਤੇ ਹੀ ਪੈਨ ਕਾਰਡ ਦੇਣਾ ਪਵੇਗਾ।

2/6

ਬਾਜ਼ਾਰ ਵਿੱਚ ਸੋਨੇ ਦੇ ਸਿੱਕੇ 0.5 ਗ੍ਰਾਮ ਦੇ ਵਜ਼ਨ ਤੋਂ ਲੈ ਕੇ 50 ਗ੍ਰਾਮ ਤਕ ਉਪਲਬਧ ਹੁੰਦੇ ਹਨ। 16 ਅਕਤੂਬਰ ਨੂੰ ਬਾਜ਼ਾਰ ਵਿੱਚ ਸੋਨੇ ਦਾ ਭਾਅ 30,850 ਰੁਪਏ ਪ੍ਰਤੀ 10 ਗ੍ਰਾਮ ਹੈ। ਇਸ ਦੇ ਨਾਲ ਹੀ ਤੁਸੀਂ ਕਿਸ ਬ੍ਰੈਂਡ ਦਾ ਸੋਨਾ ਖਰੀਦ ਰਹੇ ਹੋ, ਇਹ ਸੁਨਿਆਰੇ ਕੋਲ ਉਪਲਬਧ ਵਿਕਲਪ 'ਤੇ ਵੀ ਨਿਰਭਰ ਕਰਦਾ ਹੈ।

3/6

ਜੇਕਰ ਤੁਸੀਂ ਧਨਤੇਰਸ ਮੌਕੇ ਸੋਨੇ ਦਾ ਸਿੱਕਾ ਖਰੀਦਣ ਜਾ ਰਹੇ ਹੋ ਤਾਂ ਇਸ ਦੀ ਪੈਕੇਜਿੰਗ ਦਾ ਜ਼ਰੂਰ ਖਿਆਲ ਰੱਖੋ। ਸੋਨੇ ਦੇ ਸਿੱਕੇ ਦੀ ਪੈਕੇਜਿੰਗ ਖੁੱਲ੍ਹੀ ਨਾ ਹੋਵੇ। ਇਸ ਦਾ ਸੀਲਬੰਦ ਹੋਣਾ ਹੀ ਇਸ ਦੀ ਸ਼ੁੱਧਤਾ ਦੀ ਸਭ ਤੋਂ ਵੱਡੀ ਪਛਾਣ ਹੈ।

4/6

ਕਸੌਟੀ: ਸੋਨੇ ਦੀ ਖਰੀਦਦਾਰੀ ਕਰਨ ਵਾਲੇ ਗਾਹਕਾਂ ਨਾਲ ਕੋਈ ਧੋਖਾਧੜੀ ਨਾ ਹੋਵੇ, ਇਸ ਲਈ ਭਾਰਤ ਸਰਕਾਰ ਨੇ ਇੰਡੀਅਨ ਸਟੈਂਡਰਡਜ਼ ਆਫ਼ ਬਿਊਰੋ ਬਣਾਇਆ ਹੋਇਆ ਹੈ। ਇਸ ਅਦਾਰੇ ਦਾ ਕੰਮ ਖਰੇ ਸੋਨੇ ਦੀ ਪਛਾਣ ਕਰਕੇ ਉਸ 'ਤੇ ਸ਼ੁੱਧਤਾ ਦਾ ਹੌਲਮਾਰਕ ਲਾਉਣਾ ਹੁੰਦਾ ਹੈ। ਸੋਨੇ ਦੀ ਖਰੀਦਦਾਰੀ ਤੋਂ ਪਹਿਲਾਂ ਤੁਸੀਂ ਇਸ ਹੌਲਮਾਰਕ ਦੀ ਜਾਂਚ ਜ਼ਰੂਰ ਕਰੋ।

5/6

ਸੋਨੇ ਦੀ ਸ਼ੁੱਧਤਾ: ਸ਼ੁੱਧ ਸੋਨੇ ਦੀ ਪਛਾਣ ਲਈ ਕੈਰੇਟ ਨੂੰ ਇੱਕ ਮਾਪਦੰਡ ਮੰਨਿਆ ਜਾਂਦਾ ਹੈ। ਦੱਸ ਦਈਏ ਕਿ 24 ਕੈਰੇਟ ਦਾ ਸੋਨਾ ਸਭ ਤੋਂ ਸ਼ੁੱਧ ਹੁੰਦਾ ਹੈ, ਪਰ ਇਸ ਦੇ ਗਹਿਣੇ ਨਹੀਂ ਬਣ ਸਕਦੇ। ਗਹਿਣੇ ਬਣਾਉਣ ਸਮੇਂ 22 ਕੈਰੇਟ ਸੋਨੇ ਵਿੱਚ 2 ਕੈਰੇਟ ਚਾਂਦੀ ਮਿਲਾ ਦਿੱਤੀ ਜਾਂਦੀ ਹੈ। ਅਜਿਹੇ ਵਿੱਚ ਤੁਸੀਂ ਖਿਆਲ ਰੱਖੋ ਕਿ ਜੋ ਵੀ ਸੋਨਾ ਤੁਸੀਂ ਖਰੀਦ ਰਹੇ ਹੋ, ਉਹ ਘੱਟ ਤੋਂ ਘੱਟ 22 ਕੈਰੇਟ ਦਾ ਹੋਵੇ।

6/6

ਭਾਰਤ ਵਿੱਚ ਇਸ ਸਮੇਂ ਤਿਉਹਾਰਾਂ ਦੀ ਰੁੱਤ ਹੈ। ਧਨਤੇਰਸ ਮੌਕੇ ਬਹੁਤ ਸਾਰੇ ਲੋਕ ਸੋਨਾ ਖਰੀਦਣ ਨੂੰ ਬੇਹੱਦ ਸ਼ੁਭ ਮੰਨਦੇ ਹਨ ਪਰ ਇਸ ਦੌਰਾਨ ਜੇਕਰ ਤੁਸੀਂ ਸੋਨੇ ਦੀ ਖਰੀਦਦਾਰੀ ਕਰੋਗੇ ਤਾਂ ਧੋਖਾਧੜੀ ਦਾ ਸ਼ਿਕਾਰ ਵੀ ਹੋ ਸਕਦੇ ਹੋ। ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ 5 ਗੱਲਾਂ ਬਾਰੇ ਦੱਸਦੇ ਹਾਂ ਜਿਨ੍ਹਾਂ ਦਾ ਧਿਆਨ ਤੁਹਾਨੂੰ ਸੋਨਾ ਖਰੀਦਣ ਸਮੇਂ ਰੱਖਣਾ ਚਾਹੀਦਾ ਹੈ।