ਬੀਜੇਪੀ ਦਾ ਦਾਅ ਨਿਸ਼ਾਨੇ 'ਤੇ, ਰਾਹੁਲ ਦੀ ਨੁਮਾਇੰਦਗੀ 'ਤੇ ਫਿਰ ਸਵਾਲ

2019 ਵਿੱਚ ਜਦੋਂ ਦੇਸ਼ ਇੱਕ ਪਾਸੇ ਆਮ ਚੋਣਾਂ ਦੇ ਵੱਲ ਵਧੇਗਾ। ਉਦੋਂ ਇੱਕ ਪਾਸੇ ਬੀਜੇਪੀ ਕੋਲ ਪ੍ਰਧਾਨ ਮੰਤਰੀ ਦਾ ਚਿਹਰਾ ਨਰਿੰਦਰ ਮੋਦੀ ਹੋਵੇਗਾ ਜਦਕਿ ਕਾਂਗਰਸ ਕੋਲ ਰਾਹੁਲ ਦਾ ਹਾਰਿਆ ਹੋਇਆ ਚਿਹਰਾ ਹੋਵੇਗਾ। ਇਸ ਤੋਂ ਇਕ ਵਾਰ ਤਾਂ ਲੱਗ ਰਿਹਾ ਹੈ ਕਿ ਬੀਜੇਪੀ 2019 'ਚ ਇੱਕ ਵਾਰ ਫਿਰ ਸਰਕਾਰ ਬਣਾਉਣ 'ਚ ਸਫਲ ਰਹੇਗੀ। ਹਰ ਦੂਜੇ ਪਾਸੇ ਸੱਚ ਇਹ ਵੀ ਹੈ ਕਿ ਸਮਾਂ ਬਹੁਤ ਬਲਵਾਨ ਹੈ ਤੇ ਰਾਜਨੀਤੀ 'ਚ ਕੁਝ ਵੀ ਸੰਭਵ ਹੈ।

ਉੱਧਰ ਕਾਂਗਰਸ ਪਾਰਟੀ ਬਿਨਾ ਗਾਂਧੀ ਪਰਿਵਾਰ ਦੇ ਰਾਜਨੀਤੀ ਕਰਨ ਨੂੰ ਤਿਆਰ ਨਹੀਂ।

ਦੂਜੇ ਪਾਸੇ ਰਾਹੁਲ ਗਾਂਧੀ ਨੂੰ ਲੈ ਕੇ ਵੀ ਇਕ ਗੱਲ ਸਾਬਤ ਹੋ ਗਈ ਕਿ ਅਹੁਦਾ ਮਿਲਣ ਨਾਲ ਕਿਸੇ ਦੇ ਜੀਵਨ 'ਚ ਕੋਈ ਖਾਸ ਬਦਲਾਅ ਨਹੀਂ ਆਉਂਦਾ। ਰਾਹੁਲ ਜਦੋਂ ਪਾਰਟੀ ਦੇ ਉੱਪ ਪ੍ਰਧਾਨ ਸੀ, ਉਦੋਂ ਵੀ ਲਗਾਤਾਰ ਹਾਰ ਰਹੇ ਸੀ ਤੇ ਪਾਰਟੀ ਪ੍ਰਧਾਨ ਬਣਨ ਤੋਂ ਬਾਅਦ ਵੀ ਹਾਰਨ ਦੀ ਆਦਤ ਬਰਕਰਾਰ ਹੈ।

ਨਤੀਜਿਆਂ ਤੋਂ ਇਕ ਗੱਲ ਸਾਫ ਹੋ ਗਈ ਕਿ ਮੋਦੀ ਦੀ ਲਹਿਰ ਬਰਕਰਾਰ ਹੈ ਤੇ ਦੇਸ਼ ਵਿਆਪੀ ਵੀ ਹੈ।

ਉੱਥੇ ਹੀ ਕਾਂਗਰਸ ਨੇ ਝੰਡਾ, ਮੰਦਰ, ਦਲਿਤ, ਹਿੰਦੀ-ਕੰਨੜ, ਨਾਰਥ-ਸਾਊਥ ਜਿਹੇ ਕਈ ਕਾਰਡ ਖੇਡੇ ਪਰ ਪਾਰਟੀ ਨੂੰ ਕਾਮਯਾਬੀ ਨਹੀਂ ਮਿਲੀ।

ਬੀਜੇਪੀ ਨੇ ਕਰਨਾਟਕ 'ਚ ਦਾਗੀ ਅਕਸ ਵਾਲੇ ਯੇਦਯੁਰੱਪਾ ਨੂੰ ਅੱਗੇ ਰੱਖ ਕੇ ਚੋਣ ਲੜੀ ਜਿਸ ਤੋਂ ਲੱਗ ਰਿਹਾ ਸੀ ਕਿ ਪਾਰਟੀ ਨੂੰ ਨੁਕਸਾਨ ਹੋਵੇਗਾ ਪਰ ਹੋਇਆ ਇਸ ਤੋਂ ਉਲਟ।

ਕਰਨਾਟਕ ਵਿਧਾਨ ਸਭਾ ਚੋਣਾਂ ਦੇ ਨਤੀਜਿਆਂ ਤੋਂ ਬਾਅਦ ਲੱਗ ਰਿਹਾ ਹੈ ਕਿ ਬੀਜੇਪੀ ਸੱਤਾ 'ਚ ਆਵੇਗੀ। ਵੋਟਾਂ ਦੀ ਗਿਣਤੀ ਤੋਂ ਬੀਜੇਪੀ ਦੀ ਜਿੱਤ ਸਾਫ ਝਲਕ ਰਹੀ ਹੈ।