ਬੰਬ ਧਮਾਕਿਆਂ ਨਾਲ ਦਹਿਲਿਆ ਇੰਡੋਨੇਸ਼ੀਆ

ਪੁਲਿਸ ਨੇ ਕਿਹਾ ਕਿ ਚਰਚ 'ਤੇ ਹਮਲੇ ਦੇ ਕੁਝ ਘੰਟਿਆ ਬਾਅਦ ਹੀ ਓਸੇ ਸ਼ਹਿਰ 'ਚ ਇੱਕ ਅਪਾਰਟਮੈਂਟ ਦੇ ਇੱਕ ਹਿੱਸੇ 'ਚ ਹੋਏ ਧਮਾਕੇ 'ਚ ਤਿੰਨ ਲੋਕ ਮਾਰੇ ਗਏ ਜਦਕਿ ਦੋ ਜ਼ਖਮੀ ਹੋ ਗਏ। ਪੁਲਿਸ ਨੇ ਕਿਹਾ ਕਿ ਚਰਚ ਤੇ ਹੋਏ ਹਮਲੇ ਤੇ ਸਿਜਾਦਰੇ 'ਚ ਹੋਏ ਦੋਵਾਂ ਹਮਲਿਆਂ 'ਚ ਇਕ ਹੀ ਪਰਿਵਾਰ ਦੇ ਜੀਅ ਸ਼ਾਮਲ ਸਨ।

ਉਨ੍ਹਾਂ ਕਿਹਾ ਦੋ ਲੋਕ ਮੋਟਰਸਾਈਕਲ 'ਤੇ ਸੀ ਤੇ ਇੱਕ ਮਹਿਲਾ ਉਨ੍ਹਾਂ ਦੇ ਪਿੱਛੇ ਬੈਠੀ ਸੀ। ਸੁਰਾਬਾਇਆ 'ਚ ਤਿੰਨ ਚਰਚਾਂ ਤੇ ਹੋਏ ਹਮਲੇ ਨੂੰ ਅੰਜ਼ਾਮ ਸੀਰੀਆ ਤੋਂ ਪਰਤੇ ਪਰਿਵਾਰ ਦੇ ਛੇ ਜੀਆਂ ਨੇ ਦਿੱਤਾ ਸੀ। ਇਸ ਦੀ ਜ਼ਿੰਮੇਵਾਰੀ ਇਸਲਾਮਿਕ ਸਟੇਟ ਨੇ ਲੈ ਲਈ ਹੈ। ਰਾਸ਼ਟਰੀ ਪੁਲਿਸ ਮੁਖੀ ਟਿਟੋ ਕਰਨਾਵਿਯਨ ਨੇ ਕਿਹਾ ਕਿ ਇਹ ਪਰਿਵਾਰ ਆਈਐਸ ਪ੍ਰੇਰਿਤ ਇੱਕ ਨੈੱਟਵਰਕ ਜੇਮਾਹ ਅੰਸ਼ਰੂਤ ਦੌਲਾ ਨਾਲ ਜੁੜਿਆ ਸੀ।